هستلم السيراتو الأحد القادم إن شاء الله

[hancok]

باركووولى يا جماعه
انا هستلم ستراتو كويتى نبيتى ( دم الغزال ) كاسيت تاتش وتكييف ديجيتال جنط 17 -فتحة سقف - سنسور خلفى
ب 117
كنت عايز اسال ع عدادات بتبقى حمرا ولا لونها أبيض علشان واحد جارى عنده العدادات بيضا نفس المواصفات بس الموديل مش عارف 2009 ولا 2010
شكرررا

[ALSHARIEF]

مبارك عليك يا باشا العربية بس ياريت تبعتلنا المواصفات إللى المعرض قال لحضرتك عليها و كذلك طبعا المواصفات إللى حضرتك شوفتها و كمان لو تعرف تجيب ال vin بتاع العربية ( رقم ال VIN ) إللى بيبقى موجود فى الزجاج الأمامى عند السايق بس هتلقيه تحت ناحية المساحة شمال علشان نتأكد قبل ما تستلم ..................................... ألا صحيح عندك ولاعة و طفاية و لا لأ ؟

[ALSHARIEF]

باركووولى يا جماعه
انا هستلم ستراتو كويتى نبيتى ( دم الغزال ) كاسيت تاتش وتكييف ديجيتال جنط 17 -فتحة سقف - سنسور خلفى
ب 117
كنت عايز اسال ع عدادات بتبقى حمرا ولا لونها أبيض علشان واحد جارى عنده العدادات بيضا نفس المواصفات بس الموديل مش عارف 2009 ولا 2010
شكرررا

باشا مادام فيها سنسور بارك لازم تكون العدادات رياضية ( يعنى بخلفية حمرا ) ............. و ربنا يجعلو عامر و كل عام و أنتم بخير

[hancok]

أنا لسه هستلم أن شاء الله يا باشا
بس فيها ولاعه وطفايه
اللى مفهاش أعتقد السعودى
ياريت تبعتلى ال vin بتاع الكويتى علشان لما استلم ابقى عارف
والله يبارك فيك يا باشا
بس حد شككنى فيها انهارده قالى انها مش بتاعت شغل شاق مش عمليه يعنى قالى سنتين مع المطبات وكدا وهتبدا تشتغل فيها
؟!!!

[ALSHARIEF]

أنا لسه هستلم أن شاء الله يا باشا
بس فيها ولاعه وطفايه
اللى مفهاش أعتقد السعودى
ياريت تبعتلى ال vin بتاع الكويتى علشان لما استلم ابقى عارف
والله يبارك فيك يا باشا
بس حد شككنى فيها انهارده قالى انها مش بتاعت شغل شاق مش عمليه يعنى قالى سنتين مع المطبات وكدا وهتبدا تشتغل فيها
؟!!!

حبيبى هوا إحنا صعب نعرف ال vin بتاع منطقة معينة من نفسنا ( يعنى مثلا مانعرفش ال vin المسلسل بتاع الكويت أو السعودية ) لذلك الأسهل إن حضرتك تروح المعرض و تجيب ال vin بتاع العربية دا تقريبا 17 رقم من على العربية إللى هتشتريها و تبعتهولنا علشان نتأكد بدل ما لا قدر الله تحصل حاجة مش على هوانا ............. معلش يا حبيبى أنا مش بخوفك بس إحنا لسه على البر و الموضوع فى إيدينا و زى ما حضرتك عارف التجار عندنا ما يعلم بيهم إلا ربنا إلا من رحم ربى و بردو الحرص واجب

[hancok]

اهااااااا
مشاى يا باشا
بس صاحب المعرض راجل معرفه يعنى من زمان ان شاء الله مش هيبقى فى حاجه
بس ايه را حضرتك انها مش بتستحمل وان بعد ينتين مع المكبات الوطرق بتاعتنا اللى ما يعلم بيها الا ربنا دى
انها مش هتكمل سنتين يعنى اقصد العربيه دى عفشتها تمام ولا الالنترا مثلا الخليجى اللى قريبه من سعرها أفضل علشان كنت محتار بينهم جدا بس استقريت ع السيراتو ودفعت مقدمها الحمد لله

[hancok]

معلش يا باشا بكتب بسرعه فالحروف متلغبطه

[ALSHARIEF]

والله يا حبيبى من تجربة العربيتين :

السيراتو ( ملك الله فى يدى ) المشكلة و الله مش فى عفشتها المشكلة فى شوارعنا الوعرة بس أنا بالنسبالى الموضوع مش مأزمنى أوى دا إلى جانب إن كترة الأستعمال بتلين العفشة كذلك ظبط الكاوتش على الضغط الموصى به و كذلك النيتروجين بتلاقى العربية بقت معقولة بس مش هاتبقى تويوتا يعنى .

الألنترا ( مع ناس أصحابى كتير ) أنا شايف إنها أجمل ما فيها إن عفشتها أنعم من السيراتو بس برضه لو شارع مكسر برضه هتحس بيه بس مش بنفس درجة السيراتو و برده هيه مش تويوتا و لا هوندا مثلا - غير كده أنا شايف السيراتو ممتازة و تكسب ( طبعا ديه وجهات نظر بدون تخيز و الزعل يارب يكون مرفوع ) .

بجد أنا شايف إن نقطة شبه القصور إللى فى السيراتو هيا عفشتها لو مثلا تتظبط فيما بعد 2012 مع الفتيس الست سرعات التحفة إللى بيعلنوا عنه و حبة حبشتكانات كده بجد العربية ديه هتقعد عربيات كتير فى البيت هما عارفين نفسهم و أنا مش عايز أفسر .

طبعا حضرتك ليك حرية الأختيار و لو على التجربة أنا عربيتى تحت أمر سعادتك إحنا تهمنا المصلحة فى الأول و الأخر ( لا يؤمن أحدكم حتى يحب لأخيه ما يحب لنفسه )