باالصور...عندي مشكلة في جنط ال 17'' !!!

[amir]

انا قصدى ان اللى خلاها تعمل البلالين دى هوا موضوع البلاعات دا لاكن هى ملهاش علاج اعتقد .. انا اسف فى التعبير :)

ولا يهمك يا باشا ولا الموضوع محتاج اعتذار او اسف انا اللي كده المفروض اعتذر ليك لاني فهمتك كلامك غلط هو بس موضوع الكاوتش ابو بلالين او فيه عالي و واطي او مبزز حتي زي ما بيسميه بتوع الكاوتش مشكلته في منتهي الخطوره و ساعات بتوع الكاوتش يحبو يعملو قرشين زياده من ورا الناس اللي مش بتكون عارفه و من هنا كان الاحتياج لنشر معلومه صح عن الكاوتش
و بالمره احب انبه مهما ان قال فيه شعر بتاع الكاوتش اياك و الخابور اياك اياك و لو لقيت حد منهم بيقولك و انت بتشيك علي الكاوتش او بتحط بنزين ان الكاوتش مخروم تنزل تبص في ايده كويس و هو قاعد بيكشف علي الكاوتش و لو عدد الاخرام كان مش طبيعي سيبه و امشي و لو الموضوع فعلا مش نافع يتمشي بيه تبقي خليه يزود هوا في الكاوتش و روح للي انت واثق فيه

معظم الحوادث يقولك اختلال عجله القياده مما ادي الي الحادثه

و هو عجله القياده بتختل من ايه الا خلل رهيب مفاجيء في الكاوتش اثناء السير؟!!

[Hesham_91]

لازم يتغير زي ما الرجالة قالت هو اللي عايز يعملهولك انه يركبلك شمبر من جوة و يبقى الكاوتش عادي مش تيوبلس .. نزل الاستبن و حط ده

مكانه و ربنا يرحمنا من دي شوارع .. نصيحة لأي حد هيغير كاوتش للسيراتو يبعد عن الكومهو اللي نازل فيها ده ضعيـــــــف جداااااااا انا غيرت

الطقم بطقم نيكسن من 20,000 كم تقريبا و الحمد لله ولا بالونة في مقابل 4 او 5 بلالين في الكومهو في فترة زيها ...

[damneder]

و بالمره احب انبه مهما ان قال فيه شعر بتاع الكاوتش اياك و الخابور اياك اياك

باشا معلش حضرتك تقصدبالخابور ده اللى هوا اللحام التيوبلس ؟؟؟
لو مش هوا ارجوا انك توضحلى معنى الكلمه
ولو هوا يبقى معلشبقى هتعبك معايا وتعرفنى ازاى اقدر اصلح الكاوتش من غيره

[mahmoud_magdy]

قطع في الكاوتش او بالونه = تغيير
لا للتصليح ده ان نفع تصليح اصلا

[M.Osman]

حسبي الله و نعم الوكيل

[Deshahcoka]

كبر دماغك يا باشا ! مهوا الناس كلها ماشية ببالالين و مش معقولة كل شهر تجبلك فردة جديدة :) محدش عارف المهم انوا ربنا ساترها ! و بتوع الكاوتش دول نصابين يا مان :) متضمنش حد ولا تثق فيه !

[NoRmAl]

كبر دماغك يا باشا ! مهوا الناس كلها ماشية ببالالين و مش معقولة كل شهر تجبلك فردة جديدة :) محدش عارف المهم انوا ربنا ساترها ! و بتوع الكاوتش دول نصابين يا مان :) متضمنش حد ولا تثق فيه !

لا يا باشا البالونه دى خطر جدا جدا جدا
خصوصا لو قدام
بجد متستهونش بيها مطلقا
البالونه دى لو فرقعت على سرعه عاليه يبقى ربنا يستر .......

[wael ahmed]

ريح دماغك يا باشا ورجعها استبن لحد ما تجيب كاوتش للاستبن بس متمشيش بيها كده وربنا يستر طريقنا كلنا ان شاء الله