عملت حادث بسيارتى كيا سيراتو و عاوز افضل مركز بيتعامل مع تامين

[احمد الكينج]

الحمد لله على كل شئ انهارده و اقف فى جان الطريق فى البطل احمد
عبد العزيز و مدى انتظار و جه سواق باص اللى هو تلت تربع دخل فيه
بكل سرعته بيقول الفرامل هربت

الحمد لله على كل شئ
عملت محضر و البيه السواق مكنش معاه رخص و اتحبس و حجزه
الباص بتاعه

المهم انا شارى العربية لسه منذ اقل من شهر و هى خليجى جنط 17 كامله
و عامل تامين شامل مع مصر للتامين


عاوز اعرف افضل مركز فى نظافة الشغل و دقة و سرعة الوقت
يا ريت حد له تجربة يفدنى

[AHMED REFAT]

اولا الف حمد لله على سلامتك والحمد لله انك بخير وفداك الله بالسيارة .. ثانيا انا لو منك احاول مع التوكيل باى طريقة وانا اخر معلومة عندى ان فى فرق سعر فقط على الخليجى ولو كبير فالتامين هايقوم بيه .. اذا لم تستطيع اسال كثير وربنا يوفقك ان شاء الله

[احمد الكينج]

اولا الف حمد لله على سلامتك والحمد لله انك بخير وفداك الله بالسيارة .. ثانيا انا لو منك احاول مع التوكيل باى طريقة وانا اخر معلومة عندى ان فى فرق سعر فقط على الخليجى ولو كبير فالتامين هايقوم بيه .. اذا لم تستطيع اسال كثير وربنا يوفقك ان شاء الله

مش فاهم قصدك ممكن توضح اخى العزيز

[AHMED REFAT]

مش فاهم قصدك ممكن توضح اخى العزيز

شوف يا اخى العادل انا اخر معلومة عندى بعد ما كان التوكيل بيرفض كل الخليجى حصلت شوشرة كبيرة واتصالات بكيا الام فى كوريا المهم الموضوع ده اسفر عن امكانية دخول الخليجى التوكيل بعد شوية زعيق وقلة ادب واثبات حقك فى تصليح سيارتك الكيا فى توكيل كيا ولكن علشان التوكيل يادب يعنى بتوع الخليجى بيدفعك الطاق طاقين وكانه تحذير لاى مشترى ان يبتعد عن الكيا الخليجى وفى الاخر فرق السعر انت اللى دافعه والناس برضه بتركب خليجى .. اذا لم تستطع الموضوع ده يبقى عليك السؤال لمعرفة افضل مكان لتصليح سيارتك فيه لانها زيرو حرام والله العك فيها لازم تتحرى الدقة فى اختيار مركز الصيانة .. انا عارف ان تكنو وان من اشهر المراكز لكن برضه فيه شكاوى منه .. اخيرا اسال الله ان يوفقك الى الخير ان شاء الله واكيد اخواتنا فى المنتدى مش هايبخلوا عليك بالنصيحة ابدا وهايدلوك على الخير وانتظر ردودهم والله الموفق

[احمد الكينج]

شوف يا اخى العادل انا اخر معلومة عندى بعد ما كان التوكيل بيرفض كل الخليجى حصلت شوشرة كبيرة واتصالات بكيا الام فى كوريا المهم الموضوع ده اسفر عن امكانية دخول الخليجى التوكيل بعد شوية زعيق وقلة ادب واثبات حقك فى تصليح سيارتك الكيا فى توكيل كيا ولكن علشان التوكيل يادب يعنى بتوع الخليجى بيدفعك الطاق طاقين وكانه تحذير لاى مشترى ان يبتعد عن الكيا الخليجى وفى الاخر فرق السعر انت اللى دافعه والناس برضه بتركب خليجى .. اذا لم تستطع الموضوع ده يبقى عليك السؤال لمعرفة افضل مكان لتصليح سيارتك فيه لانها زيرو حرام والله العك فيها لازم تتحرى الدقة فى اختيار مركز الصيانة .. انا عارف ان تكنو وان من اشهر المراكز لكن برضه فيه شكاوى منه .. اخيرا اسال الله ان يوفقك الى الخير ان شاء الله واكيد اخواتنا فى المنتدى مش هايبخلوا عليك بالنصيحة ابدا وهايدلوك على الخير وانتظر ردودهم والله الموفق

يعنى كمان ممكن التوكيل يرفض بصلح سيارتى
ربنا يستر ده انا كنت خايف من موضوع الوقت دلوقتى وقت
وكمان ممكن يوافق او لا


متشكر جدآ على اهتمامك و ربنا ما يوقعك فى الللى انا فيه

[amribrahim]

حضرتك عاوز التوكيل يستلم عربيتك ازاي و هي خليجي ... هو حظر أكتر من مرة و في صحف إن الخليجي مليش دعوة بيه ماتجيش دلوقتي حضرتك و تقول ازاي و مش ازاي التوكيل يرفض ... حضرتك جبت خليجي و إنت عارف يعني إيه خليجي يعني من غير ضمان ولا حتى دخول التوكيل ممكن زي بعد الإخوة بيقولو إن ممكن تدخل التوكيل بس بعد ماتدفع مبلغ معين بس النقطة ديه مش اكيدة ... أنا مش بهاجم حضرتك بس الواحد لازم يتحمل القرار الحضرتك خدته

[احمد الكينج]

حضرتك عاوز التوكيل يستلم عربيتك ازاي و هي خليجي ... هو حظر أكتر من مرة و في صحف إن الخليجي مليش دعوة بيه ماتجيش دلوقتي حضرتك و تقول ازاي و مش ازاي التوكيل يرفض ... حضرتك جبت خليجي و إنت عارف يعني إيه خليجي يعني من غير ضمان ولا حتى دخول التوكيل ممكن زي بعد الإخوة بيقولو إن ممكن تدخل التوكيل بس بعد ماتدفع مبلغ معين بس النقطة ديه مش اكيدة ... أنا مش بهاجم حضرتك بس الواحد لازم يتحمل القرار الحضرتك خدته

اولآ انا مش عارف ليه حسك متاضيق اوى ليه كده

ثانيآ انا رايح التوكيل مش اصلح عيب صيانة انا رايح اصلح بفلوسى
يعنى افيدهم

متشكر على الافادة

[A.Saad]

الاول
نهدى يا شباب بعد اذنكم
التانى
ممكن تكنو وان
وممكن تتعامل مع مكان كويس سمكرى يعنى وتجيب قطع الغيار من موزع معتمد علشان تكون اصلية

[احمد الكينج]

الاول
نهدى يا شباب بعد اذنكم
التانى
ممكن تكنو وان
وممكن تتعامل مع مكان كويس سمكرى يعنى وتجيب قطع الغيار من موزع معتمد علشان تكون اصلية

اولا متشكر على مشاركتك
ثانيآ فى ناس بتتكلم و هى ايدها فى المياه البارده
مش ربنا بلاه بسائق دون رخصة و شارب يخبطه
و هو واقف جنب الرصيف و يضيع ضهر عربيته
لأ و داخل يدى مواعظ و قدر حجم اللى الواحد فيه

بس نقول ايه غير من اعطى هو من عليه العوض
والله كريم
و متشكر لمساهمتك معايا فى مشكلتى

[amribrahim]

اولآ انا مش عارف ليه حسك متاضيق اوى ليه كده

ثانيآ انا رايح التوكيل مش اصلح عيب صيانة انا رايح اصلح بفلوسى
يعنى افيدهم

متشكر على الافادة

ماهو أنا عارف طبعاً إنت رايح علشان تصليح مش صيانة بس برضوا ممكن يرفضوا عربيتك علشان إنت هتاخد مكان واحد شاري الكيا من التوكيل و هو عندو الأولوية و أرجع أقول أنا مش مهجمك .. فيه توكيلات كتيرة مش بتستلم خليجي حتى لو إنت على رأيك هتنفعهم ... لسبب القطع الغيار مش نفس عربيتك أبسط مثال الرداتير في الخليجي أكبر من المصري

[tutankhamoun]

ربنا يكون في عونك يا أستاذ أحمد و إن شاء الله العربية ترجع أحسن مما كانت .

بالنسبة لمكان التصليح هو طبعا التوكيل أفضل مكان و لكن الوقت فيه هايكون كبير علشان الزحام
و بالنسبة لكون عربيتك مواصفات خليجي ممكن فعلا يرفض دخولها (بس فيه أمل )
بس أنا عايزك تقرأ الخبر ده كدا

[احمد الكينج]

ربنا يكون في عونك يا أستاذ أحمد و إن شاء الله العربية ترجع أحسن مما كانت .

بالنسبة لمكان التصليح هو طبعا التوكيل أفضل مكان و لكن الوقت فيه هايكون كبير علشان الزحام
و بالنسبة لكون عربيتك مواصفات خليجي ممكن فعلا يرفض دخولها (بس فيه أمل )
بس أنا عايزك تقرأ الخبر ده كدا

متشكر جدآ على المشاركة القيمة دى
و يا ريت حد يقدر يقول ايه الفرق بين مركز خدمة خارجى مثل
تكنو وان او الوكيل من حيث الخدمة و جودة الشغل


متشكر جدآ

[pharonicking]

ربنا معاك ولعله خير ان شاء لله

[can_be]

اولا الف سلامه عليك وفى داهيه الحديد وربنا يهديك للمكان السليم

انا حصل معايا برده حادثه بس انا معايا لانسر وسالك فى التامين ايه الحل فقالى يامى توديها التوكيل وتدفع الفلوس وبعدين تيجلنا نحاسبك او احنا نوديك لحد تبعنا واحنا بنصلح عربياتنا الخاصه عنده وقد كان فعلا وديتها الورشه دى والحمد لله العربيه رجعت زى الفل بس اهم حاجه انك تتبعها وهيا عندهم يعنى مش ترميها هناك وتسبها وعلى فكره تامينى من مصر للتامين

فانا عايزك تسال الشركه الى الى المفروض يحصل فى الحاله دى

واتمنى من اى عضو يقدر حجم المشكله الى فيها اخونا احمد وممكن يبدى رايه بس باسلوب اشيك شويه وفيكون فيه تاهدئه لاحمد لان الصراحه فى كام مشاركه وانا بقراها انا انرفزت اوى الصراحه مع ان الكلام كله صحيح بس مش وقته

و الحمد لله انها مجتش فيك

وجزاكم الله خير

[aaet1]

يا باشا زى ما أنا شايف انك مأمن مع قناة السويس ودول ليهم مراكز صيانة بيشتغلوا معاها فممكن العربية تتصلح هناك وكمان هما مش بيلزموك تدفع الفلوس وبعدين يدوهالك ... بس بصراحة أنا مش عارف جودة المراكز دى إيه