الكارينز بتغرق فى شبر رمل !!!!

[Khaled_Nowaihy]

الحكاية حصلت معايا كذا مرة قبل كده كنت أمشى فى أى حته فيها شوية رمل الاقيها بتتزحلق على الرمل والعجل يلف على الفاضى وتعمل زوبعة رملية

النهارده غرزت وأنا فى u-turn أمام المنطقة الحرة فى مدينة نصر عند مدينة نصر الجديدة كده!!!

حد حصلت معاه الحكاية دى يا كارينزاوية وللا أنا سواقتى وحشة ؟ (العربية مانيوال)

[romioramy]

باشا انا مش معايا كارنز بس متهيئلي علشان حضرتك جايب المانيوال و الفئة ده مافيهاش abs و نوع الفرامل ده هيا اللي بتخلي العربية ثابتة ساعة فرامل علي الرملة ///
اما موضوع الفرك فخلي رجلك خفيفة علي الدواسة شوية و هيا ما تغرزش علي الرملة ان شاء الله .

و ربنا يباركلك فيها و ما تتزحلش تاني ابدا

[ehab_osman]

استاذ خالد ازيك وحشنا يار اجل...........
موضع الرمل والغرز فيه لم يحدث معي والحمد لله .............. واعتقد ان مشكلة الرمل والسوقة علي الرمل محتاج من السائق شوية حنكة في السواقة .............. يعني عايز شوية خبرة وتمرس وانت تعرف تدخل في تلك الرملة او لا تدخل فيها علي الاطلاق .. اوتدخل بطريقة فنية بحيش لا تغرز ............... وانا عن نفسي لما بشوف رملة بحاول اخدها علي عجلة واحدة او جنب واحد ؟؟؟؟؟؟؟؟؟؟؟؟؟؟؟؟؟
تحياتي

[Khaled_Nowaihy]

الله يسلمك يا أستاذ ايهاب، وحضرتك كمان واحشنى والله - ولعلك بأتم صحة وفى أحسن حال.
أنا فعلاً حاسس ان المشكلة فى التحرك بالعربية من الثبات فى الرمل.
با ضطر أقرص بنزين شوية علشان العربية ما تبطلش منى
سوف أحاول مرة أخرى بطريقة مختلفة واشوف ايه اللى حا يحصل

[MMMERO]

خالد باشا ازيك
كل العربيات طبعا العادية مش الجيب لو زودت شويةفى البنزين فى الرمل هتغرز لازم تخدها على الهادى علشان ماتغريس وربنا يسهلها معانا فى شوارع مصر العزيزة