إعـــــــلان

Collapse

.

,
See more
See less

سوسو حبيبتى :)))

Collapse
X
 
  • Filter
  • الوقت
  • Show
Clear All
new posts

  • سوسو حبيبتى :)))

    اولا السلام عليكم لكل الناس الحلوة اللى فى المنتدى.
    *الموضوع بقا هو تقييم عربيتى اللى بموت فيها و يارب الموضوع يعجبكم واكون محايد رغم انى هبقى متحيز شوية و راى ميزعلش حد
    الفئة:-كيا سيراتو 2010 سعودى (جنط 15-فوج لايت-التحكم فى ارتفاع الكرسى-اشارات مرايات-تكيف بكر مش تاتش-كاسيت عريض-مقابض كروم-multifunction-التحكم فى ارتفاع نور الفانوس)
    *العربية معايا من شهر 7 و عاملة 6230 كم
    نبدا التقيم:-

    اولا:-الموتور
    سحب العربة ممتاز و الكيك داون بطلعنى من حاجات كتير اوى و بتفرق جامد(اوتو مش ستيبترونك)
    صوت الموتور بيعلى شوية لما تحرق رغم انى بحب الصوت دا اوى
    العربية جراية جامد جبت بيها 220 و شديد مع مازدا 3 و اوكتافيا A5 و سيفيك و الحمد لله مكسفتنيش ولا مرة لحد دلوقتى بس المازدا كانت معايا جامد و فضلنا مع بعض لكن ان طلعت بغرزة و اتقفلت عليه

    ثانيا:العفشة
    مقدرش اول ممتازة الصراحة لكن مش حاسس بمشكلة كبيرة علشان الجنط 15 و النيتروجين لكن لو طريق مهبد جامد بتحس بيها شوية(طريق القاهرة اسماعيلية الوصلة اللى بعد الكارتة ((زفتتت)) بتحس باخبط بتاع المطبات فى العربية)
    *لكن الصراحة العربية بتشيل اوزان جامدة و مبتنزلش جامد

    ثالثا:التكيف
    جيد جدا و بعد 10 دقايق العربية كلها بتحس بيه فى درجات حرارة عالية ولكن من وجهة نظرى كان لازم يتعمل البكرة اللى بتقفل الهواء زى الجنبين كدا عشان الهوا مع السرعة بيدخول منهم

    رابعا:الثبات
    جيد جدا ولكن لو مع الجنط 17 كان هيفرق جامد
    وفى الغرز و المنحنيات ممكن لحد 150 كدا

    خامسا:الفرامل
    دى بقا اكتر حاجة شغلانى(معنديش abs) لما بضغط على الفرامل بح ان ادواسة بتنزل و تحت رجلى هوا و مقلق من الحوار دا اوى لكن فى مرة كنت ماشى على 10 كدا و طلع قدامى واحد غبى دوست فرامل جامد العربية وقفت فى اقل من سنيتن

    *الخامات المستخدمة من وجهة نظرى ممتازة لسعر العربية
    *العدادات واضحة جدا لكن لو كان فيه الشعاع الاحمر اكيد كنت هقول وهم
    *الكاسيت و السماعات ممتازين و التعامل مع الكاسيت سهل جدا
    *الكراسى مريحة جدا فى المسافات الطويلة و جربتها كتير و انا رايح الجامعة و فى سفريات كتير(انا مسافرحوالى 4100 كم من 6230 كم)
    *الحاجات اللى كان نفسى فيها:-
    1-انى كنت اجيبها highline
    2-استهلاك البنزين يقل شوية جوا البلد
    3-shift pedals كان نفسى تبقى موجودة اوى
    ولكن فى الاول و الاخر الحمد لله على كل حاجة(وان والدى وافق يحبهالى اصلا ف سعتها كان ex احسن من مفيش
    )

    اتمنى انى اكون افدت الناس الجديدة زى الناس المحترمة اللى استفدت انا منها هنا و اتمنى كمان انى مكنش زعلت حد

    ولو اى حد ليه اى استفسار انا تحت امره
    وفى الاول و الاخر انا بجد بحب العربية جدا ولو هجيب عربية تانى هجيبها تانى ولكن هختار بينها وبين السول(لو اى حد ليه سوال فى السول انا معاه)

    اعتذر لوفى اخطاء فى الحروف و الكتابة


  • #2
    مبروك عليك يباشا وربنا يرزقك خيرها ويكفيك شرها ان شاء الله وتقرير جميل

    Comment


    • #3
      عقبال المرسيدس

      ربنا يملهالك خير يارب ويوسعها عليك

      Comment


      • #4
        ربنا يديك خيرها ويكفيك شرها بس انا حاسس انك من النوع اللي بتجري كتير خلي بالك من نفسك مش هقولك اني اوقات محتاج احس بقوة الماتور بس مش علطول خلي بالك من نفسك

        Comment


        • #5
          ربنا يباركلك فيها يا رب

          ليا سؤال بقى يعني ايه shift pedals ؟؟
          [CENTER][COLOR="DarkSlateGray"][SIZE="4"]"لا إله إلا انت سبحانك إني كنت من الظالمين"[/SIZE][/COLOR][/CENTER]

          Comment


          • #6
            هو الزرار اللى فيه سهم متنى فى التكييف مش فى السيراتو؟
            جروب مالكى وعاشقى لانسر كريستاله
            https://www.facebook.com/groups/lancer.egypt.1996.2000/

            Comment


            • #7
              المشاركة الأصلية كتبت بواسطة Mshawky مشاهدة المشاركة
              مبروك عليك يباشا وربنا يرزقك خيرها ويكفيك شرها ان شاء الله وتقرير جميل

              ربنا يخليك يمحمد باشا ومتشكر جدا
              المشاركة الأصلية كتبت بواسطة AHMEDJEEP مشاهدة المشاركة
              عقبال المرسيدس

              ربنا يملهالك خير يارب ويوسعها عليك
              ربنا يخليك ياباشا و كتشكر للدعوتين الحلوين دول
              بس انا مبحبش المرسيدس هههههههه (السيراتو احلى منها)
              المشاركة الأصلية كتبت بواسطة yasso0101 مشاهدة المشاركة
              ربنا يديك خيرها ويكفيك شرها بس انا حاسس انك من النوع اللي بتجري كتير خلي بالك من نفسك مش هقولك اني اوقات محتاج احس بقوة الماتور بس مش علطول خلي بالك من نفسك
              ربنا يخليك ياباشا هو طبعا الجرى وحش بس انا بجرى على طرق السفر بس لكن جوا اسماعيلية على 50 كم وماشى فهدوء

              Comment


              • #8
                المشاركة الأصلية كتبت بواسطة mazagngi2010 مشاهدة المشاركة
                هو الزرار اللى فيه سهم متنى فى التكييف مش فى السيراتو؟
                مش فاهم قصدك بس اللى انا قصدى عليه ان بيكون فى بكرة كدا بتلف يمين او شمال بتقفل بيها الهواء اللى طالع من الفتحة دى فالبكرة دى مش موجودة فى الفتحتين اللى فى النص

                Comment


                • #9
                  المشاركة الأصلية كتبت بواسطة Donzi مشاهدة المشاركة
                  ربنا يباركلك فيها يا رب

                  ليا سؤال بقى يعني ايه shift pedals ؟؟
                  ربنا يخليك ياباشا
                  shift pedals دى عبار عن دراعين ورا الدريكسيون واحد يمين اللى هوا + و التانى شمال (-)
                  ال + دا بيزود نقلة لما تكون ماشى ستيبترونك و ال - بيقلل نقلة
                  هى مجرد راحة لكن انا حبيبها عشان كدا النقلات فى متناول ايدك و بتح بوضع رياضى فيها
                  شوف اللينك دا هتلاقى فى صورة ليها
                  http://www.nilemotors.net/Nile/189418-2011.html

                  Comment


                  • #10
                    اقصد الزرار اللى فيه سهم ولافف لورا جنب بكره التكييف اللى عند الكاسيت
                    اضغط عليه وهو هيقفلك الهوايات ومش هتحتاج البكر اللى تحت الفتحات
                    جروب مالكى وعاشقى لانسر كريستاله
                    https://www.facebook.com/groups/lancer.egypt.1996.2000/

                    Comment


                    • #11
                      المشاركة الأصلية كتبت بواسطة ahmed_201091 مشاهدة المشاركة


                      اولا:-الموتور
                      سحب العربة ممتاز و الكيك داون بطلعنى من حاجات كتير اوى و بتفرق جامد(اوتو مش ستيبترونك)
                      صوت الموتور بيعلى شوية لما تحرق رغم انى بحب الصوت دا اوى

                      و أنا كمان بحب الصوت ده جدا ... و من رأيى إن العزل بتاع العربية ياخد 8 من 10 ... و بعدين العربية المفروض فيها Speed Dependent Volume Control بيشتغل من زرار ال Setup بتاع الكاسيت و بيغطى على صوت العربية اللى أصلا مش بتسمعه إلا لو فاتح الإزاز و حارق جامد

                      ثانيا:العفشة
                      مقدرش اول ممتازة الصراحة لكن مش حاسس بمشكلة كبيرة علشان الجنط 15 و النيتروجين لكن لو طريق مهبد جامد بتحس بيها شوية(طريق القاهرة اسماعيلية الوصلة اللى بعد الكارتة ((زفتتت)) بتحس باخبط بتاع المطبات فى العربية)
                      *لكن الصراحة العربية بتشيل اوزان جامدة و مبتنزلش جامد

                      العفشة هتطرى جامد جدا مع الوقت ... و التورشن بيم ده إعجاز فى عالم العربيات ا... يخربيت الثبات بتاعه ... مش مشكلة ناشف شوية و إيه يعنى بس اللى قاعد فى الكنبة ورا على الأقل قاعد مسترح كما لو كان قاعد فى مرسيدس

                      رابعا:الثبات
                      جيد جدا ولكن لو مع الجنط 17 كان هيفرق جامد
                      وفى الغرز و المنحنيات ممكن لحد 150 كدا

                      أنا أقصى سرعة جربت أحود عليها كانت 100 بس بصراحة كان ثبات ال 15 فوق الممتاز

                      خامسا:الفرامل
                      دى بقا اكتر حاجة شغلانى(معنديش abs) لما بضغط على الفرامل بح ان ادواسة بتنزل و تحت رجلى هوا و مقلق من الحوار دا اوى لكن فى مرة كنت ماشى على 10 كدا و طلع قدامى واحد غبى دوست فرامل جامد العربية وقفت فى اقل من سنيتن

                      دى اسمها الفرامل المعززة ... موجودة فى الطراز الأوتوماتيك ... كل ما العربية تنقل للشيفت الأقل ... دواسة الفرامل تريح أكتر تحت رجلك ... تقوم تديلك قوة فرملة أقوى ... العربية مش محتاجة ABS و لكن على الرغم من كدة ممكن العربية تتزحلق على الطريق بس بصراحة محصلتش معايا غير مرة واحدة كان كاوتش العربية مش نضيف خاص و كنت على أرض تراب و اتزحلقت لمسافة قصيرة جدا بسأول ما شيلت رجلى من على الفرامل و كبست تانى العربية وقفت بثبات و بسرعة كبيرة جدا

                      اعتذر لوفى اخطاء فى الحروف و الكتابة

                      Comment


                      • #12
                        اتفق معاك فى كل اللى انت قولته ولكن عندى سوال بس هو ايهSpeed Dependent Volume control ان شوفته فى setup الكاسيت لكن معرفش دا بتاع ايه الصراحة

                        Comment


                        • #13
                          مبروك على العربيه يا باشا ربنا يديك خيرها ويكفيك شرها
                          شكرا على التقييم وعايز أطمنك على فرامل العربيه
                          الفرامل كويسه جدا جدا وأفضل ما فى العربيه هى الفرامل
                          وحتته أنها بتهبط دى فعلا كانت مخوفانى أول مجبتها لكن دلوقتى متعود عليها
                          فمن جديد فكر فى أى حاجه إلا الفرامل :)

                          المشاركة الأصلية كتبت بواسطة ahmed_201091 مشاهدة المشاركة
                          اتفق معاك فى كل اللى انت قولته ولكن عندى سوال بس هو ايهspeed dependent volume control ان شوفته فى setup الكاسيت لكن معرفش دا بتاع ايه الصراحة
                          دا أوبشن أتناقشنا قبل كدا كذا مره إذا كان شغال ولا لأ
                          وهو أن صوت السى دى بيعلى ويوطى حسب سرعتك
                          على أساس أنك لو بتجرى فالضوضاء بتزيد وبالتالى هتعوز تعلى السى دى
                          ولما تهدى توطيه وهكذا
                          فالاوبشن دا وفر عليك الموضوع وبيعلى ويوطى لوحده حسب السرعه
                          فى الاخر بقى أحب أقلوك أنه مش شغال :)))
                          أو شغال عند ناس وناس لأ.. كدا يعنى :)
                          [CENTER][FONT=Century Gothic][I]I am my problem[/I][/FONT][/CENTER]
                          [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
                          [CENTER]Eng. M.Ali[/CENTER]

                          Comment


                          • #14
                            المشاركة الأصلية كتبت بواسطة ahmed_201091 مشاهدة المشاركة
                            اتفق معاك فى كل اللى انت قولته ولكن عندى سوال بس هو ايهSpeed Dependent Volume control ان شوفته فى setup الكاسيت لكن معرفش دا بتاع ايه الصراحة
                            هو بيزود من حدة صوت السماعات ... إنما فى الحقيقة مش بيزود من علو الصوت ... هقوللك على حاجة ... دوس Setup و شغل ال SDVC على On و شغل اغنية يكون صوتها حلو كدة و افتح شباك العربية اللى قدام عالناحيتين و اطلع بالعربية و اعمل كيك داون (احرق بالموتور لحد أر بى ام عالى) و اثبت عالأر بى ام العالى شوية هتلاقى الكاسيت مغطى بشكل كبير أوى على صوت الموتور و أول ما العربية تنقل هيرجع تانى ... بجد لو ركزت معاها هتلاقها فعلا شغالة

                            Comment


                            • #15
                              المشاركة الأصلية كتبت بواسطة normal مشاهدة المشاركة
                              مبروك على العربيه يا باشا ربنا يديك خيرها ويكفيك شرها
                              شكرا على التقييم وعايز أطمنك على فرامل العربيه
                              الفرامل كويسه جدا جدا وأفضل ما فى العربيه هى الفرامل
                              وحتته أنها بتهبط دى فعلا كانت مخوفانى أول مجبتها لكن دلوقتى متعود عليها
                              فمن جديد فكر فى أى حاجه إلا الفرامل :)



                              دا أوبشن أتناقشنا قبل كدا كذا مره إذا كان شغال ولا لأ
                              وهو أن صوت السى دى بيعلى ويوطى حسب سرعتك
                              على أساس أنك لو بتجرى فالضوضاء بتزيد وبالتالى هتعوز تعلى السى دى
                              ولما تهدى توطيه وهكذا
                              فالاوبشن دا وفر عليك الموضوع وبيعلى ويوطى لوحده حسب السرعه
                              فى الاخر بقى أحب أقلوك أنه مش شغال :)))
                              أو شغال عند ناس وناس لأ.. كدا يعنى :)
                              ربناغ يخليك يبشمهندس نورمال ياكبير و انا مش قلقان ولا حاجة عشان ساعة ما احتجتها وقفتنى فى زمن كويس من غير ما تزحف ولا حاجة

                              Comment

                              Working...
                              X