إعـــــــلان

Collapse

.

,
See more
See less

الاوبشنز الجديده في السيراتو 2011

Collapse
X
 
  • Filter
  • الوقت
  • Show
Clear All
new posts

  • الاوبشنز الجديده في السيراتو 2011

    السلام عليكم ورحمه الله وبركاته :
    الحقيقه يا جماعه انا متشكر جدا للمنتدي الرائع ده انا بجد سعيد بيه جدا وهوه ساعدني كتير جدا جدا للاسف كان ليا اكونت قبل كده ومش عارف ادخل منه من وقت المشكله بتاعت السيرفر وعملت الاكونت ده جديد المهم عشان ما اطولش عليكم بدون داعي انا كنت فاتح موضوع عن ثبات السيراتو وبالمقارنه مع الصني وكنت عايز اعرف اكتر عن الفرامل وكده والحمد لله بعد ربنا طبعا كان الفضل للناس المحترمين في المنتدي هنا استقريت على السيرانو الجديده حجزت عند محمد زكي واكدت عليه اني هاخد الفتيس الجديد وقالي فيه حاجات هتتغير المهم بالنسبه ليا كان الفرامل abs والفتيس يكون 6 سرعات المهم العربيه الحمد لله وصلت من التوكيل اول امبارح وهستلم على الاسبوع الجي لما الافراج الحمركي هيوصل المهم التغييرات لو حد عايز يعرفها في االفئه اللي انا جبتها(sx) من غير فتحه سقف لاني لسه شايف العربيه النهارده
    اولا عصايه الفتيس بقت جلد كلها ومتغطيه زي ال بي ام
    الستيب ترونك موجود في الدركسوين
    المرايات بقت ضم والليدات عليها بقت رفيعه وطويله
    الفوج لايت بقه اكبر
    الجنوط بقت 16 بس شكله اتغير شبه ال 17
    التكييف بكر
    مقياس لدرجه الحراره مع الساعه
    غيرو شكل النيكل في الشبكه الامامايه (ده كلام الراجل بتاع المبيعات ) انا بصراحه ما اخدتش بالي من القديم ايه
    بيقول فيه حاجات اتغيرت في التبلوه مش فاكر ابانوس او نواكل بس بصراحه الموضوع مش فارق معايا ومركزتش معاه
    واخير ا انا جبت لونها بني او لون الكريزي الغامق او بتنجاني كل واحد يسميه زي ما بيحب و ب 120
    بالمناسبه دي قسط مع البنك العربي
    دعواتكم بالستر باه يا اجدع اعضاء لاحسن منتدي في مصر

    مراد

  • #2
    اولا 1000 مبروك علي العربية ..و ربنا يكفيك شرها ..
    كنت بس بسال هيا توكيل ولا خليجي .. و لو تعرف توضح الفئات السعرية تكون مشكورا

    Comment


    • #3
      شكرا حازم باشا محمد زكي معندوش خليجي ده بيوزع توكيل بس الفئات اللي اعرفها هيه sx بتاعتي وبعدين زيها بالظبط بس بفتحه سقف ب 123 وفيه ب 124 من غير فتحه سقف بس بجنط 17 وتكييف تتش وبعد كده الهاي لاين ب 131

      Comment


      • #4
        الف مبروك و ربنا يديك خيرها و يكفيك شرها و يحرسهالك
        [SIGPIC][/SIGPIC]
        السلام لكل الماروتى

        Comment


        • #5
          الف مبروك و تستلم على خير ان شاء الله بس متعرفش ايه اخبار الفئه اللى مفيهاش فتحه سقف بس فيها بصمه؟ هى sx برضه بس يزيد عليها مفتاح بصمه

          انا اتصلت بكيا امبارح و الكول سنتر معندوش معلومات عن اى حاجه خالص ما شاء الله

          Comment


          • #6
            ألف مبروووووك يا باشا ، طب هو كل الفئات الأقل lx و ex نازلة بالفتيس الجديد ؟؟

            Comment


            • #7
              الف مبروك يا فندم

              Comment


              • #8
                المشاركة الأصلية كتبت بواسطة LeperMessiah مشاهدة المشاركة
                الف مبروك و تستلم على خير ان شاء الله بس متعرفش ايه اخبار الفئه اللى مفيهاش فتحه سقف بس فيها بصمه؟ هى sx برضه بس يزيد عليها مفتاح بصمه

                انا اتصلت بكيا امبارح و الكول سنتر معندوش معلومات عن اى حاجه خالص ما شاء الله
                الله يبارك فيك يا باشا هيه بتزيد الجنط ال 17 والتكييف تتش بصراحه مش متاكد من موضوع البصمه دي هوه الراجل قالي ونا نسيت بصراحه تقريبا sx برضه

                المشاركة الأصلية كتبت بواسطة keeero2020 مشاهدة المشاركة
                ألف مبروووووك يا باشا ، طب هو كل الفئات الأقل lx و ex نازلة بالفتيس الجديد ؟؟
                الله يبارك فيك يا فندم كل الفئات نازله بالفتيس ده حتي المانيوال

                المشاركة الأصلية كتبت بواسطة ahmedbeirut123 مشاهدة المشاركة
                الف مبروك يا فندم
                الله يبارك في حضرتك
                المشاركة الأصلية كتبت بواسطة aymanay32 مشاهدة المشاركة
                الف مبروك و ربنا يديك خيرها و يكفيك شرها و يحرسهالك
                ربنا يخليك

                Comment


                • #9
                  الف مبروك ربنا يديك خيرها ويكفيك شرها.

                  Comment


                  • #10
                    ألف مبروك يا مراد ويا رب تستلم على خير وربنا يملهالك بركه :)
                    [CENTER][FONT=Century Gothic][I]I am my problem[/I][/FONT][/CENTER]
                    [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
                    [CENTER]Eng. M.Ali[/CENTER]

                    Comment


                    • #11
                      الف مبروك على العربيه ربنا يدي خيرها ويكفيك شرها

                      Comment


                      • #12
                        الف مبروك ويارب يبارك فيها ويحرسها من العين

                        ومنتظرين منك تقرير بصفتك اول واحد هيستلم الموديل الجديد ( وكيل )

                        السعر زى العاده مبالغ فيه من الوكيل ( بس الضمان اهم )
                        [SIGPIC][/SIGPIC]

                        Comment


                        • #13
                          * * * * * * * * * * *

                          ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية

                          Comment


                          • #14
                            انا كنت امبارح فى سمير ريان و شفت العربية الفئة ده و فعلا فيها مريات ضم و كمان سنسور ب 119000

                            Comment


                            • #15
                              ربنا يباركلك فيها ان شاء الله و بس كنا عايزين كام صورة كدة تصبرنا بيها فى الحاجات الى اتغيرت دى و عقبال التقرير الكبير

                              Comment

                              Working...
                              X