مشكلة في الفرامل

[denden]

يا جماعة انا معايا سيراتو ex عامله 2000 كيلو بس نزلت بيها امبارح لقيت الفرامل بتعمل صوت صفارة كل مادوس عليها و اتكررت مرتين و الفرامل بتزحف كده مش زي الاول خالص ... نزلت بيها النهاردة عملت نفس الموضوع !!
مع العلم ان الصوت ده مبيطلعش طول منا ماشيه لا ده مرتين تلاتة كده و يسكت ..انا عموما كلمت التوكيل النهاردة و خدت منهم ميعاد في فرع القطامية بس قلت اسألكم لو تعرفوا الصوت ده من ايه لاني سمعت انها كده عايزه تغير تيل الفرامل!!!!
بس معقول عربية عاملة 2000 كيلو بس تبقي عايزة تغير تيل فرامل؟!! و لو كده انا ممكن ابقي بعمل ايه غلط خللي العربية تعمل كدة ؟؟

[Arabino]

تلاقي على الطنبورة رمل ولا تراب ولا حاجه روح اغسل الكوش بخرطول بضمير كدا هتتعدل معاك تانى و ربنا معاك

[salodas]

صوت الفرامل الى عاوزة تتغير بيكون عبارة عن صفارة مستمرة مع بداية الضغط على دواسة الفرامل وتحسى أن العربية بتقف بالعافية . وده فى كل مرة تدوسى فرامل . ولكن أنتى بتقولى أن الكلام مش بيحصل على طول . أعتقد أنها حاجه بسيطة ومش شرط يككون التيل عاوز يتغير دى العربية لسه مش ماشية حاجة . بس التوكيل هايفيدك أخر حاجة وحقق تسألى وتشوفى كل الى بيحصل فى العربية على الأقل تتعلمى

[ahmedhossam86]

ممكن تبقي حاجة بسيطة .. ما تقلقيش انتي لسه في الضمان :)

[NoRmAl]

طريقك مليان رمل وترابزكدا ولا لأ؟