تقييم مركز امير وجوزيف

[mazagngi2002]

السلام عليكم
شباب الكيا
معايا كيا خليجى ومحتار اعملها صيانة فين ؟
مركز تكنو وان بعيد جدا عنى
ففكرت فى مركز امير وجوزيف
ياريت لو حد عمل فيه صيانة يقولى اخباره ايه
ولو فى حاجه فى نفس المربع كده او فى وسط البلد يقول
فى انتظار ردود الوحوش

[Arabino]

انا رحت عملت عندهم تشيك عالعربيه كانوا زى الفل بس لازم تاخد حجز الاول عشان زحمه امممممممممممممممممممممم

[Mshawky]

انا اسمع فعلا انه كويس برضه لكن انا مروحتوش بصراحه لكن روحت تكنو وان ومكنش اد كده بصراحه فجرب وشوف

[Amr A.salam]

شغال يعني .... لو هو أقرب ليك روحه

بس فعلاً لازم تحجز ....أنا مرة رحت أحجز أداني معاد بعد 10 أيام وطبعاً ما روحتش :)

[ابو ليلى]

الف مبروك عليك العربية ويارب يباركلك فيها .

انت مش كنت قلت هتجيب سيراتو ؟؟؟

مركز امير وجوزيف لو هو اقرب ليك رحله دى مجرد صيانة مافيش فيها

شغل كتير ولو انت تبع شركة ضمان هتكون الصيانة الاولى مجانا ( المصنعية )

د / امير شخصية محترمة فى التعامل وحاول تكلمه هو شخصيا وقله انك من نايل موتورز .
ومحتاج تعمل صيانة هتلاقى منه كل تقدير .

[gebreel]

انا معرفش عنو حاجة عن تجربة لكن كنت قريت هنا ان المصنعية عندو غالية جدا

[ahmed_201091]

انا عملت عنده صيانة الالف و كان كويس لكن مشكلته انه صغير فلازم تحجز قبليها هيحط زيت توتال 10000 و هيعمل تشيك على العربية (زيوت-انوار-سوائل)و هيقولك 45 دقيقة و هيسالك عايز مياه مساحات 5 جند و لو هيفخاك الكاوتشات نيتروجين الواح ب 5 جند بردو :))))
التقيم جيد و معرفش هو احسن ولا تكنو
اتمنى اكون افدتك

[mazagngi2002]

شاكر ليكم ياشباب على سرعة الرد والاستجابة
وربنا يكرم ان شاء الله
انا حجزت يوم الاتنين
ولما اجى ربنا يكرم واعمل تقرير مصور