استفسار عن لفتر هواء سبور للسيراتو لرفع 6 حصان

[Mshawky]

انا بعت كام ايميل للمهندس محمد نصير صاحب توكيل SIMOTA فى مصر وكنت بكلمه بصراحه علشان اركب
Air Intake System يعنى ببساطه فلتر هوا سبور مع ماسوره تبريد علشان الهواء اللى داخل الماتور وقالى التكلفه الكليه 650 جنيه مع ضمان 100 الف كيلو وزياده 6 حصان للعربيه

قولت ماشى مفيش مشكله وبعت ميل تانى ردا على الكلام ده قولتله طب لو حبيت ارفع الاداء اكتر هل عندك بوجيهات سبور قالى لا لو عايز ترفع الاداء اكتر وتستفاد بالسيستم كله هتعمل حاجه اسمها Remapping لل ECU وده السبب اللى خلانى اطرح الموضوع عليكم هنا فايه معنى الكلام ده هل هيغير السوفت وير للعربيه على حد كلامه علشان يرفع Ratio بتاع الهواء اللى داخل الموتور فايه رايكم فى الكلام ده مع العلم طبعا السعر وصل من 650 ل 1900 جنيه ليه مش عارف


فعايز رايكم ضرورى وتحليل للموضوع ده لانى ناوى ان شاء الله الفتره الجايه اعمله بما انى هغير الفلتر على 20 الف فغيره بالمره لحاجه افضل وفى نفس الوقت استفاد باداء موتورنا القوى واريحه

وملحوظه كمان : هل لو عملت السيستم ده هيسحب بنزين كتير ؟ هيعلى الاستهلاك ولالا ؟


وديه الايميلات برضه :








واسف للاطاله بس فعلا المضووع شاغلنى شويه وقولت نشغل المنتدى شويه بقا هههه

[Mostafa Shaker]

هو اولا 650 كويس لو كورى لأنى شوفت بتاع السيراتو عند اينزو الكورى تقريبا 800 بالماسورة
و هو فعلا بيعلى الأستهلاك للبنزين الأنى واحد صاحبى مركبو فى افيو و بياكل بنزين كتير

[Mshawky]

هو اولا 650 كويس لو كورى لأنى شوفت بتاع السيراتو عند اينزو الكورى تقريبا 800 بالماسورة
و هو فعلا بيعلى الأستهلاك للبنزين الأنى واحد صاحبى مركبو فى افيو و بياكل بنزين كتير

والله يااستاذ مصطفى انا فعلا ده اللى مخوفنى انى اركبه والعربيه تبقا تمام بس مقلق من موضوع الاستهلاك ده لان زى مانت عارف ان السيراتو مش محتاجه استهلاك اكتر من كده هى مستكفيا هههههههههه

[Mostafa Shaker]

هههه بس بقى متفكرنيش اصلى بحاول انسى انها بتاكل بنزين
بس الى اقدر افيدك فيه ان الأفيو مع فلتر خرابه بنزين و كمان الفلتر مش قوى يعنى مش عارف الأسموتا مع السيراتو هيبقى ايه بس هو بصراحه حاجه جميله و الأجمل الصوت المتوحش الى بيطلع من تحت الكبوت :)

[moha4tec]

السلام عليكم
انا سه مركب طازه فلتر k&n مكان الفلتر الاصلى و هو مربع زيه و العبه بتقفل عليه
العربيه صوت موتورها هدى فى السلانسيه و بقت بتشد فى السحب احسن شويه و استهلاك البنزين هو هو نفسه تقريبا 420 كيلو جوا البلد و فى الزحمه و اشارات و قفه كتير
افلتر ده مع بنزين 95 عاملين شغل رهيب الحمد لله
انا مشدتش مع حد و لكن انا مقتنع بيه اوى فى السلانسيه
انما اللى حضرتك عايز تركبه بيعلى الاداء تقريبا 5 حصان و صوت جبار فقط لا غير و هو احسن من اللى عندى فى الشد فقط لانه بمسوره
و السلام ختام

[moha4tec]

الفلتر ده من توكيل k&n اللى فى شارع دمشق ب 380 جنيه و انا اخدته ب 350 جنيه بعبته و بستيكراته و كان الفلتر مغلف فى كيس عليه شعار k&n و معاه الضمان بس الراجل مش عارف انه فى ضمان .
و جبت المنظف و الزيت بتاعه ب 130 جنيه جوا علبه مبرشمه
و هما امريكى اصلى

[Mshawky]

طب انت ايه رايك يا Moh4tech عن الموضوع اللى حكهولى المهندس ده وموضوع تغير السوفتوير ؟

[SMSMRACE]

طب انت ايه رايك يا moh4tech عن الموضوع اللى حكهولى المهندس ده وموضوع تغير السوفتوير ؟

اولا انا متشكر اوى على التنفيض الى حضرتك بتعمله معايا

ثانيا موضوع الريماب ده فعلا بيغير السوفت وير بتاع العربيه وده اخره 12 : 15 حصان وطبعا حلو بس غالى حبتين.

اما الفلتر بقى طبعا انت عايز تعلى الاداء يعنى هاتعلى الحرق يعنى هاتعلى استهلاك البنزين والفلتر لو ركب صح بالمسوره ممكن يوصل ل 10 حصان ولو ركب غلط هايبقى صوت وحرق بنزين ومافيش اداء ولو مش عايز الصوت وعايز اداء بس يبقى تركب الفلتر الى محمد بيقولك عليه

[moha4tec]

طب انت ايه رايك يا moh4tech عن الموضوع اللى حكهولى المهندس ده وموضوع تغير السوفتوير ؟

السلام عليكم
انا بصراحه معرفش حاجه عن الموضوع ده (بس لو هو فعلا هيفرق يبقى اصلى اوى)
و انت ممكن تعمل بالتمن ده هدر او سستم كامل و هيعلى بردوا الاداء .
ممكن تسال متخصص يبقى احسن
و ممكن ترمى الكوره فى ملعبه و تقوله فرجنى على عربيه متعدلها السوفت وير او فيديو ليها او خليه يشرحلك اه اللى بيحصل بالظبط
و خلى بالك عشان الموتور ميضعش و يتخرب
لسه واحد فى موقع اجنبى فضل يلعب فى العربيه و يعمل اى تعديل برفورمانس تعرفه و فى الاخر الموتور مستحملش و هيركب موتور جديد
متعملش حاجه الا لما تشوفها معموله فى عربيات كتير قبلك و متجربه لمده زمنيه مناسبه و كمان تبقى امنه ,عشان تبقى مطمن و مترميش فلوسك فى الارض
و عموما انت بتاع الجديد يا برنس البرنسين ههههههه
دايما بتتحفنا بالجديد
انت رجل 100%
و السلام ختام
و متنساش تقولنا عملت اه
و انا هكلم ناس لسه متعرف عليهم جديد ( سواقين سباقات متصنفين على مستوى مصر )و اكيد هما يعرفوا اى حاجه فى الحجات دى كويس اوى احسن منى طبعا .
الناس دى جمده اوى فى موضوع التعديل فى البرفورمانس و الدريفتات و الجرى عموما.
و السلام ختام

[moha4tec]

اولا انا متشكر اوى على التنفيض الى حضرتك بتعمله معايا

ثانيا موضوع الريماب ده فعلا بيغير السوفت وير بتاع العربيه وده اخره 12 : 15 حصان وطبعا حلو بس غالى حبتين.

اما الفلتر بقى طبعا انت عايز تعلى الاداء يعنى هاتعلى الحرق يعنى هاتعلى استهلاك البنزين والفلتر لو ركب صح بالمسوره ممكن يوصل ل 10 حصان ولو ركب غلط هايبقى صوت وحرق بنزين ومافيش اداء ولو مش عايز الصوت وعايز اداء بس يبقى تركب الفلتر الى محمد بيقولك عليه

السلام عليكم
يا كبير مفيش حد بيقدر ينفض كلنا هنا اخوات و ممكن يكون فى ظروف محدش عارفها .
و شكلك كده فاهم و مركب الفلتر ده و مظبط
قول و لا تخبيش يا زين
على فكره احتمال قريب ان شاء الله انزل بور سعيد اكيد هكلمك غشان اتشرف بمعرفتك بس انت ادينى رقمك على الخاص
فى فوانيس اماميه متعدله عدسات و يدات و حركات قربت تخش بور سعيد ممكن فى خلال اسبوع ان شاء الله ,ده غير ان فى حجات كتير للسيراتو فى بورسعيد جمده جدا و مش لاقيها هنا خالص ........
و السلام ختام

[SMSMRACE]

السلام عليكم
يا كبير مفيش حد بيقدر ينفض كلنا هنا اخوات و ممكن يكون فى ظروف محدش عارفها .
و شكلك كده فاهم و مركب الفلتر ده و مظبط
قول و لا تخبيش يا زين
على فكره احتمال قريب ان شاء الله انزل بور سعيد اكيد هكلمك غشان اتشرف بمعرفتك بس انت ادينى رقمك على الخاص
فى فوانيس اماميه متعدله عدسات و يدات و حركات قربت تخش بور سعيد ممكن فى خلال اسبوع ان شاء الله ,ده غير ان فى حجات كتير للسيراتو فى بورسعيد جمده جدا و مش لاقيها هنا خالص ........
و السلام ختام

وعليكم السلام ورحمه الله وبركاته
والله يا محمد انا بعامل الناس كلها كويس عشان كده بدايق لما الاقى رد فعل وحش من حد ليا.
وفعلا يامحمد انا عندى خبره كويسه فى موضوع الفلاتر دى ولكن مهما كانت فهيا محدوده :)
لو عايز اى حاجه خاصه بالفلاتر او برفع الاداء عمتا فانا عندى شويه معلومات مش هابخل على حد بيها
وللاسف يا محمد انا من السويس مش من بورسعيد بس ممكن اروح مافيش مشاكل بس لو فى حاجه تستاهل المشوار البعيد ده
وتسلم على ردك وزوقك ورقمى هابعتهولك برده

[moha4tec]

وعليكم السلام ورحمه الله وبركاته
والله يا محمد انا بعامل الناس كلها كويس عشان كده بدايق لما الاقى رد فعل وحش من حد ليا.
وفعلا يامحمد انا عندى خبره كويسه فى موضوع الفلاتر دى ولكن مهما كانت فهيا محدوده :)
لو عايز اى حاجه خاصه بالفلاتر او برفع الاداء عمتا فانا عندى شويه معلومات مش هابخل على حد بيها
وللاسف يا محمد انا من السويس مش من بورسعيد بس ممكن اروح مافيش مشاكل بس لو فى حاجه تستاهل المشوار البعيد ده
وتسلم على ردك وزوقك ورقمى هابعتهولك برده

السلام عليكم
قول الجديد فى موضوع الفلاتر ده و نظبيط الاداء يا كبير ,لانى جديد فى الحوار ده و مليش خبره فيه.
عموما الراجل ده هيفتح فرع فى القاهره لو جت عنده الحجات اللى قال عليها هقلك على طول
و ان شاء الله هكمل موضوعى القديم بتاع السيراتو ان شاء الله ,و كمان شوية مواضيع جديده
و السلام ختام