تقرير استلام ريو 2011

[sakr122]

سؤال بقى : زرار الاوفر درايف دا بتاع ايييييييييييه ؟؟ نعمل بيه ايه يعني ؟؟

حاجة كمان مهمة فوانيس الشبورة زي قلتها ولا بتعمل اي حاجة في الشبورة هي تقريبا محطوطة منظر بس ، انت جربتها ؟؟

كلمة اوفر درايف معناها اعلى نقلة في السيارة سواء كانت مانيوال او اوتوماتيك يعني لو العربية مانيوال وفيها 5 غيارات يبقى الغيار الخامس هو الاوفر درايف
طيب الزرار ده لازمته ايه؟؟
ده وظيفته انه يلغي او يشغل الاوفر درايف اللي هو اعلى نقله في العربيه
يعني لو دايسه على زرار الاوفر درايف يبقى هتمنعي العربيه انها تنقل على اعلى غيار فيها وتفضل على التالت مثلا
طب وده يعمل ايه؟؟
لو عاوزة تخلي العربيه تسحب اسرع من الطبيعي تدوسي بنزين جامد وانتي ضاغطه زرار الاوفر درايف وده كانك بتحرقي على الغيار في المانيوال

ولو نازله في طريق منحدر ومش عاوزة العربيه تجري ممكن تدوسي على زرار الاوفر درايف وتمنعيها من اخد الغيار الرابع وبالتالي سرعتها مش هتزيد عن حد معين


بالنسبه لفوانيس الشبورة المفروض ان وظيفتها بتيجي من ان زجاج الفانوس نفسه بيكون فيه تجزيعات تعمل تكسير في زوايا الضوء اللي خارج منه وبالتالي تسمح للضوء باختراق الشبورة
وممكن تستعمليه كمان في الشوارع الجانبيه علشان متنوريش النور الكبير في وش الناس ويفضلو يدوكي النور العالي عشان تطفي النور

[Donzi]

كلمة اوفر درايف معناها اعلى نقلة في السيارة سواء كانت مانيوال او اوتوماتيك يعني لو العربية مانيوال وفيها 5 غيارات يبقى الغيار الخامس هو الاوفر درايف
طيب الزرار ده لازمته ايه؟؟
ده وظيفته انه يلغي او يشغل الاوفر درايف اللي هو اعلى نقله في العربيه
يعني لو دايسه على زرار الاوفر درايف يبقى هتمنعي العربيه انها تنقل على اعلى غيار فيها وتفضل على التالت مثلا
طب وده يعمل ايه؟؟
لو عاوزة تخلي العربيه تسحب اسرع من الطبيعي تدوسي بنزين جامد وانتي ضاغطه زرار الاوفر درايف وده كانك بتحرقي على الغيار في المانيوال

ولو نازله في طريق منحدر ومش عاوزة العربيه تجري ممكن تدوسي على زرار الاوفر درايف وتمنعيها من اخد الغيار الرابع وبالتالي سرعتها مش هتزيد عن حد معين


بالنسبه لفوانيس الشبورة المفروض ان وظيفتها بتيجي من ان زجاج الفانوس نفسه بيكون فيه تجزيعات تعمل تكسير في زوايا الضوء اللي خارج منه وبالتالي تسمح للضوء باختراق الشبورة
وممكن تستعمليه كمان في الشوارع الجانبيه علشان متنوريش النور الكبير في وش الناس ويفضلو يدوكي النور العالي عشان تطفي النور

شكرا جزيلا بجد

العلم نور برضو و موضوع الاوفر درايف دا طلع حاجة مفيدة اوي

فوانيس الشبورة انا جربتها في الشبورة فعلا و مكنتش عاملة اي حاجة

[gladuter]

الف مليون مبروك ماشاء الله الكاسيت الجديد رجع العربية لشكلها اللي بنشوفه علي الموقع لكيا
بصراحة خلي شكل التابلوه احسن
ياتري سعره كام

[kdosoki]

الف مليون مبروك ماشاء الله الكاسيت الجديد رجع العربية لشكلها اللي بنشوفه علي الموقع لكيا
بصراحة خلي شكل التابلوه احسن
ياتري سعره كام

الكاسيت 860 قبل الضريبة

[kdosoki]

ما شاء الله على العربية و ما شاء الله على التقرير

كدا انا طلعت تقريري اي كلام على الاخر ، ربنا يباركلك فيها و يكفيك شرها يا رب و بعدين فين تقرير صيانة الالف ؟؟ ما تضيفه هنا كمان عشان يبقى زيادة الخير خيرين

انا كنت بفكر اغير الكاسيت بس الحمد لله ربنا رزقني بصديق ابن حلال ظبطهولي و صوته بقى تحفة ما شاء الله و كمان السماعات كويسة اوي اوي مع اني مكنتش متوقعة انها تبقى كويسة كدة بس الحمد لله طلعت ممتازة و مش محتاجة اكتر من كدة

فتحة الكارت اللي في التابلوة دي فعلا غريبة و مش عارفة هي بتاعة ايه بالظبط ولا ممكن نعمل بيها ايه ؟؟؟

اللمبات الكتير اللي بتقول عليهم دول لسة ماشوفتش منهم غير لمبة البنزين بس
اضاءة الصالون عندي مش مبهرة ولا حاجة عادية يعني ، يمكن هما متوصيين باللمبات بتاعة ال 1600 cc ولا حاجة
متفقة معاك جدا في موضوع مقاس الكاوتش لأنه فعلا صغير عليها و انا بفكر اجنطها 15 ان شاء الله

سؤال بقى : زرار الاوفر درايف دا بتاع ايييييييييييه ؟؟ نعمل بيه ايه يعني ؟؟

حاجة كمان مهمة فوانيس الشبورة زي قلتها ولا بتعمل اي حاجة في الشبورة هي تقريبا محطوطة منظر بس ، انت جربتها ؟؟

العفو طبعا تقريرك يبقى ويظل الاول ...
انا عملت تقرير لصاينة الالف بس فى موضوع لوحده وهو ده اللى انا فهمته من الرسالة .... ده لو كنت فهمت صح
واللينك بتاع الموضوع اهو وكمان فيه تقييم السيارة ومركز الصيانة

http://www.nilemotors.net/Nile/192532-a.html

وفعلا الكاسيت والسماعات بتوع العربية كويسين جدا
وجربى تنورى الفانوسين اللى فى السقف مع بعض هتلاقى الصالون زى نور صالون البيت لما يكون جايلكوا ضيوف مهمين
وطبعا فكرة الجنوط ال 15 رائعة وهتخللى العربية اشيك بكتيير وحاولى تشوفى الجنوط ال 15 الاصلى بتاعتها وتجيبى شكل قريب منها علشان هى تحفة وكمان اوعى تجيبى الجنوط الصينى هاتى حاجة محترمة . فى واحد صاحبى من سوريا مركب الجنوط فى الريو وبصراحة مكبر الموضوع فى دماغى .
فوانيس الشبورة انا اتفق معاكى ملهاش لازمة ( مش اكتر من منظر )
الاوفر درايف العضو sakr122 قال المفيد

[kdosoki]

تشرفنى يا اتش فى اى وقت وانا ليا عندك بيبسى من قبل كده
تعالى اشرب شاى ونبقى خالصين
وانا اتعقدت من موضوع رفع الصور مش قادر افهمه خالص

[kdosoki]

سؤال كمان معلش : هي ايه الدلايات اللي هاتركبها قريب بس مش موجودة في التوكيل دي ؟؟

حتة بلاستكه بتتركب خلف العجلة فى الرفرف للعجلات الامامية وفى الاكصدام الخلفى للعجلات الخلفية
دورها انها متخليش المية تيجى على العتب وتعملها تسريب من كرتيرة العجلة على الدلاية الى الارض مباشرة

شكلى معرفتش اشرح
هدور على صورة واول ما تشوفى الصورة هتعرفى الموضوع

[kdosoki]

الدلايات المفروض تكون راكبه مكان منتصف الدائرة

[kdosoki]

الف مليون مبروك وربنا يباركلك فيها .

المعلومة دى محتاجه تصحيح لان صعب فى عربية اوتو يكون الاستهلاك كده

اكيد اقل من كده بكتبر يعنى لو جابت 250 يبقى كده كويس اوى

بس مش ملاحظ ان العربية ناقصها شى .......فكر ......فكر

فين استيكر المنتدى !!!!؟

انا حسبت متوسط استهلاك البنزين
265 فى الصفيحة وكنت مشغل التكييف فى 35% من المسافة

[bassem.naguib]

ربنا يباركلك فيها ويملهالك بركة .. ويكفيك شرها إن شاء الله .

ليا سؤال .. سعر الأتوماتيك 1600 كام ؟!! وهل فيها فئات .. ولو فيه فئات أيه الفرق .. بتكلم على الوكيل مش الخليجي .

[kdosoki]

سعر الاتوماتيك ال 1600 CC
89000 جنيه
سعر الاتواماتيك 1400 cc
86000 جنيه
سعر المانيوال 1400 CC
80000 جنيه
الاسعار موجودة على
ContactCars | السيارات الجديدة بمصر

[kdosoki]

على فكرة المواتير الموجودة فى العربيات ال 1400 cc
مانيوال او اتوماتيك مواتير DOCH
المواتير الموجوده فى ال 1600 CC اتوماتيك
مواتير CVVT

[bassem.naguib]

شكراً على التوضيح يا باشا .. وأعتقد أن ده سعر مناسب لسيارة بالمواصفات دي .. وهي كدة التوب في الفئة السعرية دي .

بس ممكن توضح لينا أسباب اختيارك ليها .. وعدم اختيارك أي نوع تاني بنفس الفئة السعرية .. وأخبار الوسع الداخلي ليها أيه وخصوصاً الكنبة الخلفية .

[kdosoki]

شكراً على التوضيح يا باشا .. وأعتقد أن ده سعر مناسب لسيارة بالمواصفات دي .. وهي كدة التوب في الفئة السعرية دي .

بس ممكن توضح لينا أسباب اختيارك ليها .. وعدم اختيارك أي نوع تاني بنفس الفئة السعرية .. وأخبار الوسع الداخلي ليها أيه وخصوصاً الكنبة الخلفية .

لا شكر على واجب
العربية صالونها مناسب جدا لاربع افراد
وانا كنت حابب شكلها من زمان واشترتها علشان اظن انها الاوفر فى فئتها

[ELBEH]

محتار

بقارن بين النيو اكسنت و الريو .أنا اتفرجت على الريو عند محمد زكى تحفة شكلها حلو قوى انا نفسى فى 1600 cc