تجربة الشد مع الجيتا

[amado318]

تعال شد معايا بدايو لانوس هههههههههههههههههههههههههه هتشوف العجب

[SENNI55]

ازيكم يا رجالة بقالى فترة مكتبتش حاجة خالص قولت اعمل الموضوع دا بالمرة اسلم عليكم كلكم

انا جريت مع الجيتا قبل كدا بس عمرى مجريت معاها زى انهارده
الموضوع لسه حاصل من ساعة مثلا كنت نازل اجيب اكل وراجع على البيت وانا عند مترو كدا لقيت عربية جيتا معدية من جمبى بسرعة اوى وانا بقالى فترة مش مجرتش مع حد عشان الجامعة وكدا المهم رحت مكمل دايس وراه وقفنا عند المطب وانا عايز اشوف هو هيجرى تانى ولا خلاص كدا .. فا لقيته لسه سخن وعمال يجرى رحت مكمل معاه طلعنا على الطريق للى بيودى على المحور وفضلت اجرى معاه لحد ميدان جهينة كدا بس مش جامد عشان كل شوية فى مطب. الشده اللى بجد بدأت اول لما عدينا ميدان جهينة.. اولا انا طلعت منه بكل سهولة لدرجة انى شكيت انه مش بيجرى اصلا .. المهم فضلنا ورايا بس انا بدأت ابعد كتير والفرق بنا وصل تقريبا 200 متر ولا حاجة وانا ساعتها كنت 190 وبعدين هديت عشان المطبين اللى فى النص دول وبعد كدا جريت تانى بس الحتة دى كانت زحمة شوية فا فرقت عنه جامد لدرجة انى مكنتش شايفه .. وصلت عند المطب اللى قدام هيبر واستنيته وفضيلت ماشى براحة لحد لما جيه ودوست تانى معاه وحصل نفس الكلام بس المرة دى بعد لما عديت الـ 190 المسافة زادت تانى لحد لما انا وصلت لـ 205 تقريبا وهديت تانى عشان المطب اللى قبل المحور .. وهو طلع المحور وانا لفيت من تحت وروحت.

انا كاتب التجربة دى عشان كان فى موضوع معمول بيقولك تجربة شد مع السيراتو التعبانة حاجة زى كدا يعنى ..
دا بس اثبات ان الجيتا متقدرش تطلع من السيراتو على اى سرعة ولا على العالى و لا الواطى بس عشان الناس اللى بتقولك الجيتا بعد الـ 100 بتكون حاجة تانية .. اهى التجربة دى لحد 205.
ودى تجربة تقريبا 15 كيلو ولا حاجة يعنى مش حاجة قليلة وفيها ملفات ومطالع ومنازل يعنى اختبار لكل وقت.
تقريبا الكلام اللى فوق دا ينطبق على الاوكتافيا كمان عشان نفس العربية تقريبا (لو غلطان حد يصححنى)

ياريت ميكونش فى كلام زى الموضوع بتاع السيفيك كدا .. اللى عنده حاجة عايز يقولها ويقدر يثبتها يتفضل

هههههه , ماشى يا عم

[amado318]

يا رجاله عاوز اقول فيه ناس بتعرف تطلع قوة الماتور وامكانيات العربيه وفيه ناس بتدوس بنزين وخلاص ومن الواضح انك محترف تطلع قوة العربيه كلها وبتقابل ناس بتسوق على قدها طب ما انا بطلع من كل العربيات بدايوا لانوس مع انها مش بتعدى 189 نفسى اشوفها 190 وبالرغم من كدة ما فيش حد بيحصلنى هههههههههههههههههه طب ما انا مرة كنت راكب باسات وواحد راكب لانسر وكنت بشد معاه وبعد 120 بدا يبعد ولما وصلت 200 كان اختفى من ورايا والطريق كان فاضى وهوة كان حارق ومولع فى عربيته اختفى لدرجه انى كنت عاوز ابعت حد يدور عليه ويواسيه فى الى جراله

[medo_sirion]

الموضوع عادى جدا عشان اصلا موتور بتاعها مش قوى زى الكورولا 122 ولا السيراتو 124 حصان بس المشكلة فى الناس اللى بتقولك ان هى بعد الـ 100 حاجة تانى عشان المانى يعنى وكدا .. وعلى فكرة انا لما شديت معاه كنت متأكد 100% انه مش هيطلع منى ولا حتى هيعرف يقرب منى اوى لأن فرق 20 حصان تقريبا مش قليل باردوا

على فكرة انا معايا التيوتا الجديدة ماتورها 142 حصان وللاسف لازم بنزين 95 او اعلى
ومكنتش اعرف ان الجيتا قليلة كدة فى الاحصنة
بس بدون خلاف الجيتا سيارة محترمة

[ابو ليلى]

ازيك يا ياسر وحشنى كتير

بما انى ماليش فى موضوع الشد ده فمينفعش اتكلم فيه من الاساس

انا قلبى خفيف ياعم وخصوصا السيراتو غاليا عليا

مش ناوى تاخد عربيتى تفتحها احسن دى نايمة خلاص

[M7amD_7amDy]

معلم يا ياسر كالعادة :)

بس تفتكر ان الموضوع ده هيعدى الرقم القياسى بتاع موضوع السيفيك اللى فات؟ :)))))

أرجو من الناس بس قبل ماتعلق تخليها فاكرة ان ياسر بيتكلم على التساااارع والشد فقططططططططط

وليس اى عوامل أخررررررررررررررى

أصل صوتنا كان إتنبح فى الموضوع اللى فات وكان فى ضرب نار :)

أصلى ياياسر :))

[Donzi]

مهما يحاولوا يطفوا الشمس ...... السيراتو هتفضل نجم اليوم و نجم الأمس
مهما يقولوا و مهما يعيدوا ......... هي في قلبي سيراتو و بسسسسس


100 100 يا ياسر ، بس خف شوية و خلي بالك عشان مش كل مرة تسلم الجرة
بقولك ايه ما تاخد الريو تفسحها فسحتين من دول كدة عشان نعرف امكانياتها ايه

[heshamzaky]

يا رجالة أنا من هواة الجرى بس معلش عاوز أقولكم حاجة انا بسوق و أنا معايا رخصة من حوالى 22 أو 23 سنة العملية مش سحب مواتير و بس الله يخليك بجد الملفات ممكن لا قدر الله العربية تعوم منك من غير ما تدرى و لا تحس و على السرعة دى العربية مش حا تسعفك لانها خفيفة على الارض شوية الجيتا ممكن تعدى منة بس لو الطريق مفتوح تماما هو لو اخد ملفات حادة حا يبقى ثابت أنت العربية مش حا تكون بنفس الثبات العربية التقيلة على الارض نعمة مش حا تحسها الا فى الطريق المفتوح ووقت المواقف المفاجأة أنا بقولك خبرتى كشخص ساق عربيات كتير جدا جدا و طبعا و أنا فى الكلية كنت متهور و كان أصدقائى معاهم عربيات مختلفة و لو اقولك أن ال بى أم ال 320 موديل 84 مرة أرتفعت من على جنب فى ملف على عجلتين و لولا ستر ربنا و العربية تقيلة كانت أتقلبت من شدة الملف الى كان بغباء طبعا و السرعة بجد خلو بالكم لا قدر الله الموضوع بيحصل فى ثوانى و مهما كنت سائق متمرس المغامرة لها حدود حفاظا على نفسك و على سيارتك

[ahmed_201091]

والله ياياسر انتا اللى بتجرئنى على العربيات دى
دا ساعات ما قولت على السيفك نزلت الف اسماعيلية كلها لحد ما لقيت واحد سخن جانبى و قولت اهى جات لحد عندك هههههه
هبقى اشوف كدا اشد مع واحد صاحبى باوكتافيا 2008 و احكيلكم
عاش يا فنان بس خد بالك من نفسك بردوا

[ahmad--ezzat]

ليه الناس بتفتح مواضيع عن التسارع والشد ومش بتفتح مواضيع عن عوامل الامان او الخامات او الفخامه او الاوبشنز او او

ليه التسارع رقم واحد عند الناس

السيراتو اسرع من الجيتا طبعا

الجيتا بطه بلدى متزغطه

بس عربيه صح الصح ومن الاخر...وكفايا شكلها من جوه ومن بره

[amado318]

يا ناس الحقونى سيراتوا ايه بس الى تقارن بيجيتا دة الى بيعمل حادثه بيجيتا ولا ببسات على سرعه 180 بينزل ينفض هدومه من عفرة الطريق والى بيعمل حادثه بسيراتوا على 120بنروح نصلى عليه فى عمر مكرم

[ahmed_201091]

ياجماعة احنا بنتكلم فى تسارع بس محدش يدخل عوامل امان ولا شكل فى المقارنة دلوقتى
اللى عايز يقارن بنهم ككل العربية يعمل موضوع تانى و اكيد الاحسن الجيتا بدون نقاش لكن دلوقتى تسارع و بسسسسسسسسسسسسسس ربنا يخليكوا

[yasserelsayad]

الموضوع مش الموتور بس .. الجيتا أتقل بكتير من السيراتو .. ده عامل برضه.

مين اللى قالك كدا
الجيتا 1290 كج
السيراتو 1326 كج

[yasserelsayad]

نايس يامعلم ياسر بس ناقصك بس شويه تصوير علشان نعمل مووضوع مثبت عن الشد مع السيفيك والجيتا وانا عندى فديو عن النيسان كمان والنيو اكسنت مانيوال وقطعت الاتنين بفضل الله

بس انت شديت اوتو ولا استيب ؟

انا بشد دايما على الاوتو قليل اصلا لما استعمل الاستيبترونيك عامة

[shaddadfalcon1]

لو حضرتك عايز تحكم علي تسارع العربيتين يبقي لازم تكون حالة العربيتين متشابهه ومهارة السواقين متشابهه
وعشان تبقي احلي
يبقي المفروض حضرتك تركب السيراتو وتمشي بيها كيلو مثلا شد وحرق وكل اللي في نفسك وتشوف الوقت وتعمل نفس الحوار مع الجيتا وتقارن الوقت ساعتها فعلا تقدر تقول انهي اسرع
ولازم التجربه تضمن من 0 الي 100 ومن صفر ال 160 ومن صفر ال 200 والعكس يعني من 200 الي السكون ومن 160 و 100 الي السكون

ولازم برده تبقي عارف امكانيات العربيتين وازاي تطلع اقصي قوه من الموتور وتبقي متعود علي العربيه

لكن مع احترامي التام لكل الناس - الشد والكلام ده مش عملي ولا علمي خالص ولا يثبت اي شيء غير ارتفاع طفيف في مستوي الأدرينالين