حاجه مش طبيعيه في السيراتو 2011

[hany121]

السلام عليكم ورحمة الله وبركاته..

انا الحمد لله ربنا رزقني بسيراتو 2011 الفتيس الجديد .. استلمتها من اسبوعين تقريبا اول دفعه وكيل SX ..العربيه ما شاء الله جميله من حيث الكماليات والفخامه. العفشه ناشفه شويه لكن مش للدرجه اللي كنت متخيلها ومش مسببالي مشكله. العزل مش قد كده لكن برده مش مسببلي مشكله. المشكله اللي بجد ومعكنناني جدا هي سحب العربيه واستجابتها لدوسة الاكسلاتير في السرعات البطيئه لحد 60كم تقريبا.. الكيك داون استجابته سيئه جدا بحس ب Delay كتير علي ما العربيه تلقط والفتيس بينقل علي RPM 2 او 2.5 بالكتير واوقات ابقي ماشي 40كم واكبس بنزين علشان اعدي من حاجه الاقي الدواسه معديه النص وال RPM ما بيتحركش خالص وبعدين تبدأ تلقط مش عارف ده ممكن يكون عيب ايه؟ علما انه اوقات العربيه بتستجيب شويه احسن والفتيس ممكن ينقل علي 3 RPM .. موضوع تاخير الاستجابه ده بيخليني بخاف احاول اخد غرزه سريعه لو اتزنقت وبفضل اني استني لاني عارف ان العربيه مس هاتساعدني..

انا قريت تقرير استاذ Ahmed_SU لما جرب الفتيس الجديد لكن احساسي بالفتيس مختلف شويه عنه مش عارف ايه السبب واكيد تقييمه هو الاصح لانه جرب الفتيس القديم والجديد انما انا لأ..

العربيه عامله 450كم لحد دلوقتي وكلهم في طرق مزدحمه والسرعه ما وصلتش ا 100كم من ساعة ما جبتها. تفتكرو ده ممكن يكون سبب ان الاستجابه بطيئه؟ اكيد العربيه اللي استاذ احمد جربها اتقرص عليها كتير بما انها ايجار. ممكن يكون ده سبب انه فيه فرق بين عربيتي والعربيه ده؟ تفتكرو بعد ال1000 ك لو قرصت عليها شويه او خليت التوكيل يظبط ال Software للقياده الرياضيه زي استاز عتريس هتختلف والخمول ده هينتهي ؟؟؟

الاكسلاتير بتاع العربيه سلك ولا كهرباء وايه سبب عدم استجابة ال RPM احيانا لدوسة الاكسلاتير؟؟

اسف علي الاطاله ومستني ردود حضراتكم..

[heshamzaky]

هانى باشا أزيك عامل أية بص الاستاذ أحمد أنا شوفتة الراجل دة بجد بيفهم كويس و كان راكب تمبرا و استاذ فيها تواصل معة حا يفيدك و طمنا يا باشا و أن شاء الله القصة بسيطة

[hany121]

هانى باشا أزيك عامل أية بص الاستاذ أحمد أنا شوفتة الراجل دة بجد بيفهم كويس و كان راكب تمبرا و استاذ فيها تواصل معة حا يفيدك و طمنا يا باشا و أن شاء الله القصة بسيطة

ازيك يا باشا. انا فعلا شوفت تقرير استاذ احمد وواضح فعلا انه خبرته كبيره وطبعا اكتر ناس هتقدر تفيدني الناس اللي جربو الفتيس القديم والجديد علشان يقولولي اللي بيحصل ده طبيعي ولا لأ واستاذ احمد واحد منهم..

المشكله ان السواقه في بلدنا حرب و90% من اللي بيسوقو مبيعرفوش يسوقو ومعندهمش فكره عن قواعد واداب القياده فممكن جدا حد يعمل غلطه او يزنق عليك وتبقي محتاج تكبس مره واحده وتخطف العربيه منه قبل ما يخبطها وللاسف ده مع استجابت العربيه دلوقتي مش هتعرف تعمله

[heshamzaky]

يا باشا أنت و الله بتسوق قيادة مثالية أسألنى أنا ما أنا شوفتك و انت سايق أنت بتسوق بأحترام اوى هههههههههههه لازم ترخم شوية الناس مش بتستذوق لعلمك و مبروك كمان مرة يا باشا و ربنا يباركلك فى العربية و يحفظها لك و أخوك الى أشترى التمبرا فينة ما تدخلة معانا على المنتدى و الرابطة و ينورنا طبعا العربية بتاعتك التمبرا من العربيات الاساسية يا باشا فى الرابطة و ربنا يحفظها لة برضو يا رب

[hany121]

يا باشا أنت و الله بتسوق قيادة مثالية أسألنى أنا ما أنا شوفتك و انت سايق أنت بتسوق بأحترام اوى هههههههههههه لازم ترخم شوية الناس مش بتستذوق لعلمك و مبروك كمان مرة يا باشا و ربنا يباركلك فى العربية و يحفظها لك و أخوك الى أشترى التمبرا فينة ما تدخلة معانا على المنتدى و الرابطة و ينورنا طبعا العربية بتاعتك التمبرا من العربيات الاساسية يا باشا فى الرابطة و ربنا يحفظها لة برضو يا رب

ربنا يخليك يا استاذ هشام. واخويا بلفعل ليه Account وهيدخل يتواصل معانا قريب ان شاء الله..

[ابو ليلى]

فى الاول الف مبروك وتاخد خيرها وتبعد عن شر العين قول يارب

لاازم نكون عارفين ان موضوع الفتيس الجديد لسه تحت التجربه ومحدش عارف لسه

ايه حكايته بالظبط وده للاسف ان الناس الجديده مش بتفيد زى ما هى استفادت

كله بمجرد ما يشترى العربية واخد غرضه مش بنشوفه غير فى حاله واحده بس

انه عنده مشكلة او سؤال .

المهندس احمد اسماعيل قال جزء مهم جدا فى تقريره ان العربية فى الفتيس الجديد

اقل استجابه من ناحيه الكيك دون عن الفتيس الاربع سرعات وده اكيد طبيعى

ولكن لو جربت ستيب ترونيك اعتقد هتحس اكتر بستجابه العربية فى الحرق

وسيبك من اللى قريته انت دلوقتى بتتعرف على العربية وهى بتتعود عليك

ومش مطلوب العربية تطلع كل امكانيتها دلوقتى لسه شويه .

اصبر عليها واوعى تستعجل لسه فى مرحلة تفتيح للعربية ولسه الفرامل بتظبط

لسه ..لسه بعد ال 3000 ك نتكلم تانى

[hany121]

فى الاول الف مبروك وتاخد خيرها وتبعد عن شر العين قول يارب

لاازم نكون عارفين ان موضوع الفتيس الجديد لسه تحت التجربه ومحدش عارف لسه

ايه حكايته بالظبط وده للاسف ان الناس الجديده مش بتفيد زى ما هى استفادت

كله بمجرد ما يشترى العربية واخد غرضه مش بنشوفه غير فى حاله واحده بس

انه عنده مشكلة او سؤال .

المهندس احمد اسماعيل قال جزء مهم جدا فى تقريره ان العربية فى الفتيس الجديد

اقل استجابه من ناحيه الكيك دون عن الفتيس الاربع سرعات وده اكيد طبيعى

ولكن لو جربت ستيب ترونيك اعتقد هتحس اكتر بستجابه العربية فى الحرق

وسيبك من اللى قريته انت دلوقتى بتتعرف على العربية وهى بتتعود عليك

ومش مطلوب العربية تطلع كل امكانيتها دلوقتى لسه شويه .

اصبر عليها واوعى تستعجل لسه فى مرحلة تفتيح للعربية ولسه الفرامل بتظبط

لسه ..لسه بعد ال 3000 ك نتكلم تانى

ربنا يبارك فيك يا ابو ليلي ويباركلك في عربيتك..

ايه تفسير حضرتك لعدم استجابة ال rpm لدوسة الاكسلاتير في بعض الاحيان.. حضرتك حصلك حاجه زي كده؟

عربية حضرتك اختلفت بعد التليين عن قبله؟

فعلا استاذ احمد قال علي ان استجابة الكيك داون اقل من ال4سرعات لكن هوه قال انه الاحساس بالنقل معدوم مع اني بحس بيه من الاول للتاني ومن التاني للتالت..

متشكر لاهتمام حضرتك

[ابو ليلى]

ايه تفسير حضرتك لعدم استجابة ال rpm لدوسة الاكسلاتير في بعض الاحيان.. حضرتك حصلك حاجه زي كده؟

عربية حضرتك اختلفت بعد التليين عن قبله؟

انا معرفش انت عندك ايه لانى مركبتش الموديل الجديد بس انا عندى استجابه طبعا واوقات كتير بضغطه صغيره العربية بتعمل كيك دون من غير ما اقصد .

بينى وبينك انا اصلا معرفتش لا اعمل تلين للعربية ولا افتحها من الاساس لان كان عندى مشكلة فى الاول لحد العربية ما عملت ال 9000 ك وبعد كده اتحلت .
علشان كده مش هعرف اقلك اختلفت قبل التلين او بعده .

حد من اخوتنا بقى يجاوب على السؤال ده

[hany121]

متشكر يا ابو ليلي وفي انتظار الرجاله اللي جربوا الفتيس يقولولنا ده طبيعي ولا في حاجه غلط..

[egypt0777]

اى مشكله فى اى عربية بتتحل بعد صيانة ال 1000

لا تقلق بس ابقى اذكرها لمركز الخدمة و انت بتعمل الصيانة و ما تمشيش من عندهم لد اما تتحل ( يعنى مدش يقللك العباره الشهيره - هى اصلها كده ) وانت بتعمل الصيانة ممكن تجرب عربيه حد من اللى فى مراكز الخدمة بعد استاذانهم

وان شاء الله لا تزعج نفسك ممكن يكون تضبيط كمبيوتر مش اكتر من كده

بس اللى عاوز اعرفه هل اكسيلاتير السيراتوا سلك ولا حساس كهرباء عشان ده بيفرق كتير جدا

[mohamedaghali]

ماتقلقش اداء العربيه بيختلف بعد ال1000 و ال5000 بيفرق اكتر

[hany121]

اى مشكله فى اى عربية بتتحل بعد صيانة ال 1000

لا تقلق بس ابقى اذكرها لمركز الخدمة و انت بتعمل الصيانة و ما تمشيش من عندهم لد اما تتحل ( يعنى مدش يقللك العباره الشهيره - هى اصلها كده ) وانت بتعمل الصيانة ممكن تجرب عربيه حد من اللى فى مراكز الخدمة بعد استاذانهم

وان شاء الله لا تزعج نفسك ممكن يكون تضبيط كمبيوتر مش اكتر من كده

بس اللى عاوز اعرفه هل اكسيلاتير السيراتوا سلك ولا حساس كهرباء عشان ده بيفرق كتير جدا

متشكر يا باشا علي اهتمامك وربنا يطمنك. ان شاء الله ابلغهم في الصيانه واشوف ايه اللي هيحصل..

انا كمان مش عارف موضوع الاكسلاتير ده بصراحه.

[hany121]

ماتقلقش اداء العربيه بيختلف بعد ال1000 و ال5000 بيفرق اكتر

ربنا يطمنك يا استاذ محمد

[tata12001]

ألف مبروك ياباشا وربنا يباركلك فيها .
المهم عايزك تستنى لبعد ال-5000 كم ، والكلام د عن تجربة في عربية صاحبي ، أول مجابهة كانت بتجيب من 0-100 في 14 ثانية ، وبعد ال-5000 بقيت في 11 ثانية ، فالو ممكن تستنى عليها إن شاء الله لحد بعد صيانة ال-5000 كم .

[hany121]

ألف مبروك ياباشا وربنا يباركلك فيها .
المهم عايزك تستنى لبعد ال-5000 كم ، والكلام د عن تجربة في عربية صاحبي ، أول مجابهة كانت بتجيب من 0-100 في 14 ثانية ، وبعد ال-5000 بقيت في 11 ثانية ، فالو ممكن تستنى عليها إن شاء الله لحد بعد صيانة ال-5000 كم .

متشكر يا باشا علي الاهتمام وهعمل بنصيحة حضرتك.