تجربة قاسية + دروس مستفادة

[amribrahim]

أنا لو كنت مكانك كنت عملت محضر و خدت الطريق لاخره .. اخدت حقلى كان بها . ماخدتوش يكفينى شرف المحاوله.

يا باشا و ليه الباشا يتعب نفسو على الفاضي كلنا عارفين النهاية البطل بيعيش و بيعمل أفلام تانية ههههههة

ليه وجع الدماغ و إنت و أنا عارفين إن مفيش حاجة هتحصل

[salodas]

تظبيط قبل التأمين ولا أيه ؟؟؟

أنا للأسف مخبوط من الرفرف الشمال وعاوز أأمن على العربية مع مصر للتأمين .
سوألى هل هايفرق لو أمنت وهى مخبوطة ولا هايغلو عليا البوليسة .
وتنصحونى بأيه أظبط الأول وبعدين أروح أأمن على نظافة ولا مش فارقة؟؟

[sackla]

ماذا تفعل في وقت الحادثة ؟!؟ الإجابة : ولا حاجة

بكل جوارحي أنا متفق معاك ... أنا عملت أربع حوادث كبار و كلهم مش ذنبي :
-بقعة زيت على المحور
-تصادم من الخلف على كوبري أكتوبر
-تصادم من الأمام من واحدة ست راجعة مارشاديير بسرعة ٦٠ كم !!
-خبطة في جنب العربية و هي مركونة

و لله الحمد ... أنا سليم بس ماخاتيش حقي في ولا مرة ... لا المحضر ولا أمين الشرطة ولا أي حد يهمه مشكلتك ولا أصلا في قانون واضح ينظم الموضوع ده.

زمان أول ماجبت العربية كنت باجري اسامكار و اظبط ... دلوقتي ولا بيهمني و جيتيتي نحسيت !!
و شركات التأمين عاوزة واسطة عشان تاخد حقك .. ياما قرف و كلام كتير و أنت مخالف و و و و .....

الواحد نفسه يجيب عربية و يستمتع بيها و ويكفيه شرها ... لكن في البلد ده لازم قرف الوكيل و قرف التأمين و قرف الضمان و قرف الترخيص و فل أخر طبعا قرف الزحمة !!!!!!!!

لنا الله

[MISS_MONA]

الف حمدلله على السلامه وقدر الله وماشاء فعل

[M!SHO]

نفس اللى حصل مع أختى ( عملت حادثة بالبيكانتو )

بس أنا ماتنازلتش عن المحضر وعملت للولا كام قضيه....وفعلاً العربيه كانت محجوزه ولسه واخدها من كام يوم

بصراحة مقدرش ألوم حضرتك

أنا بعد حوارات النيابه والليله دى لو حد خبطنى هقوله أنا أسف ( بسبب الروتين الممل )

[M.Osman]

حمد لله على السلامة
حصل معايا موقف مشابه بسبب حيوان بيرجع بضهر عربيته في الشمال و طبعاً مش هبات في القسم يعني

[semmsem]

الف سلامه ياباشا
قضى اخف من قضى

[simon659]

الف سلامه عليك وعلي العربيه وبجد شكرا علي نصايحك وربنا يكفينا شر المستخبي الي في الزمن الغريب ده

[elmkaneeki]

انا بقى عملت محضر والله!!!!!!!
ومفيش داعى اكمل

[bassem_sams]

حمدلله على سلامتك و ربنا يعوض عليك و انت اتصرفت صح و ان شاء الله تتصلح و تكون احسن من اول

[yasso0101]

حم لله على سلامتك

[م. حاتم السباعي]

الدروس المستفادة :
1 - أمن على عربيتك من أول يوم تشتريها .
لماذا -- لأنك لو مأمن وعربيتك أتخبطت أو عاملنت حادثة بتعمل محضر فى أى قسم وتاخدة وتبلغ شركة التأمين وبتصلح العربية وتاخد فلوسك.

2 - أبعد عن النقل التقيل على قد ما تقدر.
لماذا-- لأنهم ولاد تتتتتتتتت و90 % منهم مابكنش فى وعيه وهو سايق .

3 - لو أتخبطت وللأسف ماكنتش مأمن على عربيتك ...... روح وقول الحمد لله أنك سليم وماتعملش أى حاجة .
لماذا --- لأننا فى زمن متعرفش تاخد حقك إلا بطرق حقيرة.

4 - تجنب دخول أى حاجة لها علاقة بالشرطة حتى ولو كنت باشا ولك أكبر واسطة.
لماذا --- أن لم تسلم من القيل والقال لن تسلم من نظرات الناس وتفكيرهم فيك (هو عمل أيه ومين الى معاه دى)

في البداية يجب ان اشكر حضرتك اهتمامك بنقل تجربتك لاخوانك في المنتدي حتي تعم الاستفادة
انما اعتب عليك فقط في كلمة واحدة و هي (( امن علي عربيتك ))
لان دي يمكن ان تكون سبب لان تتحمل وزر مع اشخاص ينفذو و صية حضرتك لهم و نحن في حالات تخبط في مدي مشروعية التأمين من عدمه فلو التأمين حلال صرف فسيكون لك اجر النصيحة
اما ان كان حرام فسوف تأخذ بوزر من يأخذ بالنصيحة ايضا
و لذا كنت اريد ان تخرج البند الاول من النصائح و التوصيات خوفا و رهبه
و لحضرتك مني كل الشكر و التقدير

م.حاتم السباعي

[spectra_2006]

الحمد لله ان ربنا سلم و انك طلعت منها انت و المدام على خير و ربنا يقدملك اللى فيه الخير

[aallyy12]

الحمد لله على سلامتك