استفسار

[waleedelpiloot]

واحد صحبى معاة سيراتو اتخبطت من جنب شمال وراة يعنى فانوس ورفرف الى ورا لحد الباب واتكسر باب التنك
وهوة عايز يصلحها برة فقولوتوا ماشى بس حتجيب اللون من التوكيل
الاستفسار باة بكام كيلو البوية فى التوكيل
وغطاة باب التنك دة حد يعرف عنة حاجة ولو التوكيل يبقى بكام
انا وديتة عند واحد عندنا عشان يصبلوا وش الفانوس وقال هياخد 175 دة كدة كتير؟؟
وشاف التنك قال بردوا بيصبوا وب100
اية رايكوا فى الموضوع دة؟؟

[waleedelpiloot]

يا جماعة طب حد يرد عليا فى سعر البوية من التوكيل

[NoRmAl]

هو ممكن تشترى بويه بس من التوكيل؟

[waleedelpiloot]

اة انا فاكر ان فى عضو هنا عمل الحكاية دى بس مش فاكر مين

[moha4tec]

السلام عليكم
فى زميل عربيته وكيل و صلكحها برا ,خرجوه من الضمان
غطا التنك تقريبا ب 150 جنيه و ممكن تركب واحد شكله جديد نازل اكسسوارات للسيراتو ب 350 جنيه تقريبا
و البويه تشتريها من التوكيل افضل طبعا
و الفانوس كامل صينى فى التوفيقيه ب 350 جنيه و جامد جدا و تقفيله نضيف اوى و متفرقهوش عن الاصلى
و ممكن ارشحلك مركز خدمه او توكيل لسه عربية واحد صحبى حصلاله من شهر نفس قصتك بالظبط و العربيه اتعملت فى 5 ايام فقط و الحمد لله طلعت تمام 100% زى الاول و بفلوس بسيطه و فى توكيل هوندا كمان
و ارجوا انى اكون افدتك و مطولتش
والسلام ختام

[waleedelpiloot]

شكرا على ردك بس لية سؤال انتا قصدك على الغطا السيلفر هوة دة الى ب350؟؟
وتانى حاجة بكام كيلو البوية من التوكيل ولا بيبعهوا ازاى؟

[moha4tec]

شكرا على ردك بس لية سؤال انتا قصدك على الغطا السيلفر هوة دة الى ب350؟؟
وتانى حاجة بكام كيلو البوية من التوكيل ولا بيبعهوا ازاى؟

السلام عليكم
اللى انا بقول عليه هو غطا تنك كامل يعنى بستته و كل حاجته ,اعتبره باب كامل لانك هتجيب زيه بتاع العربيه و ترشه بلونها و على فكره الاصلى بتاعها فبر بلاستك و مش عارف التانى معدن و الا بلاستك
بس انا بصراحه استغليت تمنه اوى
بالنسبه للبويه انت بتسال اللى هترش عنده محتاجه كام كيلو و هو يقولك و تروح التوكيل و تسال عليها و ممكن تتصل بالتوكيل و تعرف الاسعار كلها
و ربنا يكرمك و عربيتك تتعمل بسرعه و تمام

[aaet1]

اة انا فاكر ان فى عضو هنا عمل الحكاية دى بس مش فاكر مين

أنا يا وليد باشا اللى كنت اشتريت اللون من الوكيل ... كانوا 50 جرام ب بحوالى 55 جنيه
ولكن... اللون مش هو المشكلة بدال كود اللون موجود فيه مراكز كتيرة ممكن تضربلك اللون وبنفس الخامات الألمانى اللى الوكيل مستخدمها
الفكرة فى انك تستنضف حتة هى اللى تعملك شغل السمكرة والدهان
أنا عندى حتة ورا برضه ومش مستقر على مكان لغاية دلوقتى فلو لقيت ياريت ماتنسانيش

[aaet1]

السلام عليكم
فى زميل عربيته وكيل و صلكحها برا ,خرجوه من الضمان
غطا التنك تقريبا ب 150 جنيه و ممكن تركب واحد شكله جديد نازل اكسسوارات للسيراتو ب 350 جنيه تقريبا
و البويه تشتريها من التوكيل افضل طبعا
و الفانوس كامل صينى فى التوفيقيه ب 350 جنيه و جامد جدا و تقفيله نضيف اوى و متفرقهوش عن الاصلى
و ممكن ارشحلك مركز خدمه او توكيل لسه عربية واحد صحبى حصلاله من شهر نفس قصتك بالظبط و العربيه اتعملت فى 5 ايام فقط و الحمد لله طلعت تمام 100% زى الاول و بفلوس بسيطه و فى توكيل هوندا كمان
و ارجوا انى اكون افدتك و مطولتش
والسلام ختام

معلش ياباشا بس ماأعتقدش ان تصليح العربية سمكرة ودهان بيخرج من الضمان وإلا يكونوا كده بيهرجوا، أكيد زميلك ده عمل حاجات تانية فى الكهرباء أو الميكانيكا ... حاجة زى كده أيوه تخرج ولكن سمكرة ودهان!!!!

[waleedelpiloot]

أنا يا وليد باشا اللى كنت اشتريت اللون من الوكيل ... كانوا 50 جرام ب بحوالى 55 جنيه
ولكن... اللون مش هو المشكلة بدال كود اللون موجود فيه مراكز كتيرة ممكن تضربلك اللون وبنفس الخامات الألمانى اللى الوكيل مستخدمها
الفكرة فى انك تستنضف حتة هى اللى تعملك شغل السمكرة والدهان
أنا عندى حتة ورا برضه ومش مستقر على مكان لغاية دلوقتى فلو لقيت ياريت ماتنسانيش

انتا فييييييييين يا راجل من زماااااااااان يعنى الحمدالله ما طلعتش تهياات وفى حد فعلا اشترى من التوكيل
على العموم دة كدة غالى اوى 50 جرام ب55 امال لو السمكرى طلب من صحبى كيلو هيبقوا بكام ؟؟؟!!!
هشوف هيعمل كدة عند مين واشوف شغل الراجل حلو ولا لالا واقوللك بس الى اعرف ان السمكرى دة فى اخر المعادى

[mohamedaghali]

انا ياباشا عربيتى اتخبطت خامس يوم ماجبتها تريلا دخلت فيا من ورا والسمكرى بتاعى فى الحرفين زبتهالى تمام وزى الفل لو تحب اوديك عنده انا تحت امرك وعلى فكره هو بيشتغل بنضافه جدا وبيستخدم خامات زى الفل ماتفرقش عن التوكيل وممكن كمان تكلم كريم منير هو فتح مركز وافتكر هو من اكتر الناس اللى هاتعملك احسن حاجه