كارينز كاملة اتوماتيك 2004 للاهمية وشكرا

[emad1973]

اخواني الكرام
معروض عليا عربية كارينز موديل 2004
مواصفات خليجي رشة جوانب فقط 1800 سي سي
عاملة 71000 كيلو
الحالة العامة ممتازة اوتوماتيك كاملة تحكم طارة
مواصفات امريكي
سبعة راكب اصلي من بلاده مش تعديل
لو حد يعرف حاجة عن العربية دي
والسعر المناسب ليها
يحط مشاركة وابقي شاكر ليه
والسعر العادل ليها كام
حتي الفتيس بتاعها بيقولي منه تحكم في الطارة
نظام امريكي
انا هشوفها بكرة
والراجل بيقولي شوفها ونكلم في السعر بعد المعاينة
بالله عليكم الي عنده معلومة تفيدني او صورة ليها يقولي
ربنا يجازيكم خير
وشكرا لكم

[kar!m]

أنا كل اللى أعرفه ان ضريبتها هتكون غالية جدا عشان 1800 سى سى و موديل 2004.

و نصيحة شوف قطع غيار موتورها موجودة ولا لأ قبل ما تشترى.

و ربنا يوفقك لما فيه الخير.

[mohamed_selim]

بالظبط .. العربيه مختلفه عن اللى نازل دلوقتى سواء الموتور او الكماليات فلازم تشوف اخبار قطع الغيار ايه و مين اللى يفهم فيها لو احتاجت تصليح ... معرفش التوكيل هيكون ليه فيها ولا لأ ...
اخر مره كنت فى التوكيل قابلت واحد معاه معاه سورنتو خليجى موديل 2000 و كان بيجيب قطع الغيار من دبى و يروح يركبوهالو و بس

[emad1973]

طبعا الف شكر لاحسن اعضاء في المنتدي
فعلا رجولة معدتش موجودة والله العظيم
شاكر ليكم مجهودكم ووقتكم الثمين في الاجابة علي تسأولي
انا صرفت نظر عنها
وهشوف بكرة واحدة كسر زيرو
شكرا ليكم

[kdosoki]

السلام عليكم ورحمة الله وبركاتة
انا مش متفق معاهم
بشرط
انك تصلح عربيتك فى التوكيل
والتوكيل عنده قطع غيارها
والعربية دى انا ركبتها قبل كدة مع واحد صاحبى كنا بنروح بيها من القاهرة الجديدة لاكتوبر باستمرار
عربية فخمة جدا ومينفعش باى حال من الاحوال تتقارن بالكارينز الجديدة ال 1600
لو انت بتحب تتميز وتركب عربية فخمة من جوة ومعندكش مشاكل تروح للوكيل
تبقى العربية دى مناسة جدا جدا جدا .................
أستخير ... أستشير