امتلاك السيراتو بين الواقع و الخيال

[M.Akef]

اخباركم يا جماعه عملين ايه
علي ما اظن ان اسم medo akef يعني في هذا القسم واحد داخل يتريق و يتخانق و خلاص!
و مستحيل يعترف ان في حاجه اسمها كوري ممكن تكون صناعه رائده
لكن المره دي انا مش هدخل اتخانق انا داخل اقول بركولي يا جماعه انا جبت سيراتو (عارف اني فصيل اوي لكن دا الي حصل)
بعد رحله طويله من البحث عن سياره جديده بعد رحله شقاء مع البومه ال1.3 الاوتو دامت 10 شهور من العزاب كان اعتمادي الكلي علي مهاره القياده وليست السياره لان بختصار شديد كانت ال128 بتقول كلام معايا!(بس بردو بحبها)
و زي ما انتو عرفين الي اتلسع من الشربه يمفخ في الزبادي اعد اكثر من شهر و نصف ابحث عن سياره و كنت استقريت علي البرافو و بعدين غيرت رئيي بسبب الصيانه و التوكيل الي كل الي بسمعه عنه كلام زي الفل و السعر الي بيتخسف بيه الارض
نزلت لكرولا 1.6 2007 125 الف !! رقم صعب ادفعه في عربيه يوزد و لسه هصرف عليها جنط و تظبيط!
و قلت اشتري دماغي بقا لاني زهقت من البحث و اشتري سيراتو و رحت لصديق عنده اجنس و كان اللون المطلوب هو البيتنجاني
وجد 2011 الفتيس الجديد و 2011 الفتيس القديم(انتاج 2010 طبعا)كان الاختيار محير جدا بين الsx القديمه و الex الجديده
و اخترت القديمه عشان الفرش الجلد و الشكمان النيكل و السي دي ال6 اسطوانت و البصمه و الebd و ده من اهم الحجات الي خلتني امسك فيها و الجنط الي يعتبر مشكله بس جامد
و علي حد نظري ان الفتيس الجديد ادائه في المشي العادي مش هيكون مرضي خالص لان العزم الاقصي عند 4300 و صعب الوصول للرقم ده في فتيس 6 سرعات و مان روح نقلات صغيره لن يعطي الطابع الرياضي المطلوب
الحمد لله استلمت العربيه النهردا خليجي سعودي و منتضر ان الورق يخلص عشان ارخص

انا عندي سؤال بقا انا كنت فكرت اغير الجنط ب16 اسبور لكن لما ستلمت العربيه الجنط ده طلع من عيني الحقيقه و مش عاوز اسيبه ايه الحل عشان اتفادي موضوع البلونه و الهبد الجامد الي بيحصل خصوصا اني بجري كتير اوي و مش مستعد اهدي عند مطب جامد ولا حته مكسره لان لو انا هديت الي بشد معاه مش هيستناني!

معلشي طولت عليكم يا شباب

[aaet1]

اولا الف مبروك ياباشا مقدما ربنا يباركلك فيها ويديك خيرها ويكفيك شرها
ثانيا الجنط ال 17 طبعا ليه حل بسيط جدا علشان مايطلعلكش بلالين كل شوية واللى هو ..... انك تهدى قبل المطبات :))
ثالثا: لو جيت للجد مافيش فعلا حل ... حتى النيتروجين واللى طبعا أنصحك بيه فورا مش هيفيد كتير، وكافة محاولات تغيير مقاس المداس علشان يزيد الارتفاع شوية عليه كلام كتير ومش بنصحك بيه
وبكده الحل ببساطة: جنط 17 ... ثبات أكتر ... فخامة أكتر للعربية .... نلم نفسنا قبل المطبات
هتغيره بجنط 16 ... ثبات أقل ... شكل برضه حلو بس طبعا مش بفخامة ال17 ... عدد بلالين أقل بكتير

[M.Akef]

الله يبارك فيك يا مان
اممممممممممممم
ما انا بردو فكرت في النقطه دي قلت انا اعيس في دور الي جايب جنط ب15 الف و امشي احسس علي المطبات بس كنت عاوز احاول اخفف فرص حدوث البلالين بس لكن موضوع النيتروجين ناس كتير قالت لي لا هتبهدل الدنيا اكثر النيتروجين بياخد و يدي و هتهبد في الجنط نفسه!

[yasserelsayad]

لا يا راجل جبت سيراتو ؟؟؟ طب احلف :)

[ahmedhossam86]

أولا مبروك يا باشا...

كنت افضل وكيل بس يالا مدام جبتها الفئة الاقدم من الحالية يبقي حلال عليك..

اتفادي المطبات و الحفر.. ظبط الكاوتش علي نيتروجين 32 .. و اتأكد ان اللي معاك موديل 2011 دي افضل 100 مرة كعفشة من 2009 و 2010.. انا معايا 2011 و عمري ما اشتكيت و لا حتي في اول 1000 كم..

موضوع البلالين مش عمال علي بطال.. يعني مش كل يوم حايطلعلك واحدة.. كده كده و انت جايبها جديد حاتبقي ماشي بالراحة و خايف عليها..

ربنا يحفظهالك و مستنين تقريرك

[M.Akef]

لا يا راجل جبت سيراتو ؟؟؟ طب احلف :)

شفت بقا مفاجئه 2011 ليه رئيك
بقيت سيراتاوي اهوه يا مان ايه رئيك

أولا مبروك يا باشا...

كنت افضل وكيل بس يالا مدام جبتها الفئة الاقدم من الحالية يبقي حلال عليك..

اتفادي المطبات و الحفر.. ظبط الكاوتش علي نيتروجين 32 .. و اتأكد ان اللي معاك موديل 2011 دي افضل 100 مرة كعفشة من 2009 و 2010.. انا معايا 2011 و عمري ما اشتكيت و لا حتي في اول 1000 كم..

موضوع البلالين مش عمال علي بطال.. يعني مش كل يوم حايطلعلك واحدة.. كده كده و انت جايبها جديد حاتبقي ماشي بالراحة و خايف عليها..

ربنا يحفظهالك و مستنين تقريرك

انا كنت عاوز الخليجي عشان الامكانيات الاكثر و انا كدا كدا مبدخلشي عربياتي التوكيل يعني مش هستفيد بحاجه من التوكيل
هي العربيه انتاج 2010 اظن انها 2010 عادي بس هو بيقدر يغير سنه الموديل في المرور لكن الحقيقه انا ممشتشي بيها كيلو علي بعضه حاسس انها مختلفه عن صحبي الي معاه الex خالص مع اني17 و هو 16 بس لما اروح ارخص حشوف نظمها ايه بقا لاني لسه مطلعتش بيها خالص
بس موضوع النيتروجين في ناس خوفتني منه بيقولو اني لو كلت مطب هيهبد في الجنط نفسه!

[yasserelsayad]

الف مبروك يا باشا وان شاء الله ربنا يباركلك فيها
انا عارف ان انت مبتحبهاش وتقريبا جيبها عشان السعر بس
بس مش مشكلة انت كدا بقيت حبيبى وكفاءة :)
وعايزين بقى نبقى نسمع رأيك ان شاء الله لما تبقى تركبها شوية كدا

[M.Akef]

الف مبروك يا باشا وان شاء الله ربنا يباركلك فيها
انا عارف ان انت مبتحبهاش وتقريبا جيبها عشان السعر بس
بس مش مشكلة انت كدا بقيت حبيبى وكفاءة :)
وعايزين بقى نبقى نسمع رأيك ان شاء الله لما تبقى تركبها شوية كدا

الله يبارك فيك يا مان
يا مان انت مش فاهم مش موضوع مبحبهاش موضوع ان الي اتربي في الماني بيبقا عنده عقده الخواجه دا كل الموضوع يعني حتي لما انا اشترتها حسيت اني مجروح من جوايا شويه لاني كل مره بنزل لصناعه اقل لكن بفكر نفسي علطول بالامكانيات و الشكل و انها افضل سياره في سعرها و اقول لنفسي بلاش تكبر بقا ما تبقا زيك زي الناس و الحقيقه مواضيعك هي الي سخنتني و خلتني اجبها بأنك بتأكد ان العربيه لما بتتفتح بيبقا ادائها جامد جدا
ان شاء الله يا معلم بعد كامد الف كدا هكتب تقرير مفصل عنها و بردو هرفع فيدوهات تسارعها و العربيات الي بمفخهاو لينا يوم و نتقابل و نطلع مع بعض انا و انت و يوكو
بس مقلتليش ايه رئيك في موضوع الجنط ال17 اعمل ايه؟

[yasserelsayad]

الله يبارك فيك يا مان
يا مان انت مش فاهم مش موضوع مبحبهاش موضوع ان الي اتربي في الماني بيبقا عنده عقده الخواجه دا كل الموضوع يعني حتي لما انا اشترتها حسيت اني مجروح من جوايا شويه لاني كل مره بنزل لصناعه اقل لكن بفكر نفسي علطول بالامكانيات و الشكل و انها افضل سياره في سعرها و اقول لنفسي بلاش تكبر بقا ما تبقا زيك زي الناس و الحقيقه مواضيعك هي الي سخنتني و خلتني اجبها بأنك بتأكد ان العربيه لما بتتفتح بيبقا ادائها جامد جدا
ان شاء الله يا معلم بعد كامد الف كدا هكتب تقرير مفصل عنها و بردو هرفع فيدوهات تسارعها و العربيات الي بمفخهاو لينا يوم و نتقابل و نطلع مع بعض انا و انت و يوكو
بس مقلتليش ايه رئيك في موضوع الجنط ال17 اعمل ايه؟

يا باشا ربنا يفتح عليك ان شاء الله ويرزق باحسن الالمانى ان شاء الله
بالنسبة للجنط .. الحمد لله انا مش عندى غير بلونة واحدة لحد دلوقتى فى الفردة القدام شمال ودى حصلت لما كنت عامل الكاوتش اول لما جبت العربية على 28 واخدت نقرة بس جامدة شوية على 140 فى الصحراوى ومن ساعتها وانا عامل الكاوتشات نيتروجين 32 ومفيش مشكلة .. بس الجنط الـ 17 عامة بيحتاج انك تهدى شوية فى المطبات وتخلى بالك من النقر عشان ميتبهدلش

[moha4tec]

الف مبروك

[M.Akef]

يا باشا ربنا يفتح عليك ان شاء الله ويرزق باحسن الالمانى ان شاء الله
بالنسبة للجنط .. الحمد لله انا مش عندى غير بلونة واحدة لحد دلوقتى فى الفردة القدام شمال ودى حصلت لما كنت عامل الكاوتش اول لما جبت العربية على 28 واخدت نقرة بس جامدة شوية على 140 فى الصحراوى ومن ساعتها وانا عامل الكاوتشات نيتروجين 32 ومفيش مشكلة .. بس الجنط الـ 17 عامة بيحتاج انك تهدى شوية فى المطبات وتخلى بالك من النقر عشان ميتبهدلش

ياااااااااااااااا رب
اوك يا مان انا هعمل بنصيحتك و اظبطه كله نيتروجين 32 زي ما انت بتقول و ربنا يسهل ان شاء الله

الف مبروك

الله يبارك فيك يا مان

[ahmed_201091]

الف مبروك ياباشا على العربية و ربنا يديك خيرها و يكفيك شرها
بس اتقل عليها شوية دى لسه بكياسها

[Atrees]

لا يا شيخ !!!!!! بجد !!!!!! لا لا بجد - انا مش عايز اصدق اصلا
مبروك الاول

اية اللي خلاك تجيب السيراتو بس دي عربية وحشة قوي - دي كوري يا راجل - هههههههههههههههه


اهلا بيك في العصابة - حنشوف ولاءك للكوري قد اية بقي


بخصوص ال 17 - حرص شديد في المطبات والباقي بتاع ربنا بقي :)


عموما عايز بقي تعمل تقرير حلو كدة تشتم في العربية زي زمان - هههههههههههههههههههههههه

[NoRmAl]

هو مع أنك كنت السبب فى وقفى الوحيد :)
إلا أن لازم أبارك يعنى
ألف مبروك وربنا يديك خيرها و يكفيك شرها

[ahmed_su]

حد يجيب سيراتو ياراجل ...!!!!!!!!

دى عربية سيييييييييييييييييس