السيراتو والاوبترا

[fificat]

انا عندى اوبترا 2005 اوتوماتيك وعجبنى السيراتو 2011 وعايز اجيبها لكن هل سأشعر بفرق ملموس؟؟؟؟؟؟؟؟؟؟؟؟
ارجو الرد حتى اخذ قرارى علما ان تحت يدى 120 الف

[mohamedaghali]

انا عندى اوبترا 2005 اوتوماتيك وعجبنى السيراتو 2011 وعايز اجيبها لكن هل سأشعر بفرق ملموس؟؟؟؟؟؟؟؟؟؟؟؟
ارجو الرد حتى اخذ قرارى علما ان تحت يدى 120 الف

فى فرق طبعا ,بس انا معايا الاتنين و الاتنين 2010 وكان معايا قبل السيراتو واحده اوبترا 2007 الفرق بين الاتنين كالتالى:
1- سحب الاوبترا فى الاول اسرع شويه بس السيراتو اجمد فى التجميع بعد الطلعه الاوله.
2- السيراتو اللى معايا جنط 17 فهيه اثبت شويه من الاوبترا.
3- طبعا فرق الاوبشن وال ABS -Airbagsوفتحه السقف و التكيف التاتش حاجه تانيه
4- بما انك راكب اوبترا يبقى مش هتحس بفرق نشوفيه العفشه اوى لان الاوبترا ناشفه شويه
5- عزل السيراتو احسن من الاوبترا
6- انا بحس ان كواليتى الفيبر بتاع الاوبترا اعلى شويه من السيراتو وده مجرد احساس بدون حاجه معينه
7- قطع غيار الاوبترا ارخص من السيراتو
8- قعده الاوبترا مريحه وواسعه والسيراتو اوسع شويه من ورا وشنطتها اكبر وطبعا افخم
9- تابلو السيراتو اجمد
10- انا بصراحه كنت بحس ان الاوبترا بتستحمل مرمطه اكتر علشان كده كنت دايما بعمل بيها مشاوير البهدله بس بقالى شهرين مرمط السيراتو معايا وبصراحه غيرت وجهه نظرى فى الجزء ده

هاتها ومش هاتندم انا كنت هاجيب كروز على اساس انها تكون بتستحمل زى الاوبترا وهى عربيه برده كويسه بس بصراحه فرق السعر والاوبشنز خالنى غيرت راى فى 24 ساعه ومنندمتش لانى جبيت السيراتو زيرو اعلى فئه بسعر الكروز مستعمله الفئه القبل الاخيره والحمد لله عاجبانى جدا ومابقتش اركب الاوبترا كتير زى زمان

[simon659]

الاوبترا جميله لو قارناها بلانوبيرا احسن من حاجات كتير بس مش ينفع تتقارن بلالنترا لان الانترا كلس تاني وانا من وجهت نظري ان السيراتو اعلي فئتها فعلن يعني اعلي من الالنتر ومن البوما ومن الكروز بوجهت نظري مع التجربه ومن عربيات تانيه كتير فا هي افضل كتير يكفي يكفي يكفي فرق الفرامل

[fificat]

أشكركم لنصائحكم الغالية

[moody1]

و ممكن تستنى الالنترا الجديد نازلة فشهر 6 موتور 140 حصان وكماليات كتير وشكل داخلى وخارجى رائع

[mido]

مش شايف فى فرق كبير الواحد لما بيغير بيفكر يطلع حاجه اعلى انما الاتنين زى بعض فرق شوية اوبشنز

[mohamedaghali]

مش شايف فى فرق كبير الواحد لما بيغير بيفكر يطلع حاجه اعلى انما الاتنين زى بعض فرق شوية اوبشنز

الفرق مش اوبشنز بس الفرق فى الموتور والفتيس كمان ووسائل الامان

[mohamedaghali]

الاوبترا جميله لو قارناها بلانوبيرا احسن من حاجات كتير بس مش ينفع تتقارن بلالنترا لان الانترا كلس تاني وانا من وجهت نظري ان السيراتو اعلي فئتها فعلن يعني اعلي من الالنتر ومن البوما ومن الكروز بوجهت نظري مع التجربه ومن عربيات تانيه كتير فا هي افضل كتير يكفي يكفي يكفي فرق الفرامل

هيه ليه ماينفعش تتقارن بالالينترا انا شايف ان الفرق الوحيد هو الهورس باور فقط غير كده زى بعض بالعكس الاوبترا ثابته اكتر وصاجها انشف واقعدتها احسن ويكفى ان الالينترا مش كلها بينزل بمسند يد ,لو فى فرق تانى ياريت حضرتك توضحه لزياده المعلومات وشكرا

[Tamernagar]

توكل على الله وخد سيراتو هي نجمة السوق حاليا