نصائح للكياوية السيراتوية قد تكون مفيدة .

[AHMED1718]

1- عدم ضرورة تغيير بوجيهات الفربيكا على 20000 كم (ممكن تقعد ل 30 او 40 الف )
2- شوفت ف كزا مركز صيانة بيغيرو فلتر البننزين على 20000 كم وده مش صح (المفروض 40000
طبعا اول رد هيجيلى ماهو ده اللى ف شيت الصيانة معاك وكل حاجة بس ده شيت صيانة كيا وليس سيراتو تحديد
3- حوار فلتر الهوا بردوو ده انتا ونظرك لو لقيته منفخ كده مش ملموم يبقا لازم تغير لو مكنش كده ممكن يقعد معاك اكتر
4- بالنسبة للبوجيهات بوجيهات كيا موتورز مش عارف عيوب تخرين ولا خامات من الاصل بس ممكن تركب عليها بوجيهات نيسان صنى افضل كتير
5- ف صيانة ال 40000 مطلوب ضرورة تغيير زيت الفتيس النصيحة بقا انك تحط توتال دوت فور وليس شل
6- الرجاء الحرص ف استخدام رول الشابورة اللى ف دراع النور لانه للاسف الترس بلاستيك ضعيف
7- حوار تيل الفرامل طبعا حسب استخدامك بس هوا المتوسط بتاعه من 30 ل 40 الف كم

ياريت لو حد عنده نصيحة اخرى يضفها للرجالة يبقا تمام

طبعا انا مش بجيب الكلام ده من دماغى زبس انا نفزته بالفعل ف صيانة العشرين وان شاء الله هكمل زى مانا شايف الاصح للعربية لان ديما ف مصلحة المراكز انه يتغير كل حاجة ف كل صيانة وانا مش بوفر على العربية اللى شيلانى بس اللى مش شايفله ضرورة مش لازم ارميلو فلوسى .

شكرا لاحلى منتدى

[Mshawky]

تسلم ايدك على النصايح الجميله وكل كلامك صحيح فعلا

بس انا ليا استفسار : اشمعنا بوجيهات نيسان بالتحديد ؟ وهل لو جبت بوجيهات سبلت فاير رياضيه هتفرق معايا ؟

[AHMED1718]

بوجيهات نيسان نفس المقاس وعن تجربة اداء احسن يابانى بقا
بالنسبة للسبليت فاير انا مجربتهاش بس ناس جربوها وكان رد فعلهم انهم غيروها بعدها باسبوع للاصلية بتاعة العربية

[morasystem]

شكرا للمعلومة و فعلا شيت الصيانة بتاع الوكيل مليانة استهبال و حاجات كتيير بتتغير قبل معادها تحت مسمى الأمان و السلامة

[Mshawky]

بوجيهات نيسان نفس المقاس وعن تجربة اداء احسن يابانى بقا
بالنسبة للسبليت فاير انا مجربتهاش بس ناس جربوها وكان رد فعلهم انهم غيروها بعدها باسبوع للاصلية بتاعة العربية

ديه بكام ديه يباشا ؟

وقولى رايك عن اداء العربيه لما اتغيروا ؟

واستهلاكها للبنزين ايه ؟

[AHMED1718]

ديه بكام ديه يباشا ؟

وقولى رايك عن اداء العربيه لما اتغيروا ؟

واستهلاكها للبنزين ايه ؟

بكام معرفش لانى جربتها ف عربية صديق ليا انا لسه مغيرتش الفابريكا

بالنسبة عن الاداء والاستهلاك زى مهوا يعنى مش احسن بس الاهم ميكنش اسوء

[Deshahcoka]

1- عدم ضرورة تغيير بوجيهات الفربيكا على 20000 كم (ممكن تقعد ل 30 او 40 الف )
اتغيرت من زمان و خلاص بقى من هنرجع الزمن
2- شوفت ف كزا مركز صيانة بيغيرو فلتر البننزين على 20000 كم وده مش صح (المفروض 40000
متغيرش و هيتغير على 40 الف صح كدة
طبعا اول رد هيجيلى ماهو ده اللى ف شيت الصيانة معاك وكل حاجة بس ده شيت صيانة كيا وليس سيراتو تحديد
3- حوار فلتر الهوا بردوو ده انتا ونظرك لو لقيته منفخ كده مش ملموم يبقا لازم تغير لو مكنش كده ممكن يقعد معاك اكتر
هوا اصلاً الواحد بيغيره نضافة و كل 10 الف بس فعلاً معاك حق بيبقى لسه بشوكه :(
4- بالنسبة للبوجيهات بوجيهات كيا موتورز مش عارف عيوب تخرين ولا خامات من الاصل بس ممكن تركب عليها بوجيهات نيسان صنى افضل كتير
دلوقتي انا اجيب بوجيهات النيسان الصني الفبريكة ديه منين ؟ و اصلاً حتفرق في ايه ؟ مهوا البوجيهات بتاعت الكيا بتدور العربية من اول ومرة و شكرا !
5- ف صيانة ال 40000 مطلوب ضرورة تغيير زيت الفتيس النصيحة بقا انك تحط توتال دوت فور وليس شل
دلوقتي انا العربية بتنزل بشل اكيد و انا اجيب توتال دوت 4 ده من بانزينة توتل و اخليهم يغيروه ؟ ليه حضرتك يعني بتقول كدة ؟ اصلب بغير زيت شيل للموتور و لكن كله نصحني فكك و نخليك موبيل ! ايه رأي حضرتك ؟ و كام لتر العربية بتعوز ؟
6- الرجاء الحرص ف استخدام رول الشابورة اللى ف دراع النور لانه للاسف الترس بلاستيك ضعيف
باز خلاص و عليه العوض من 30 الف كيلوا و التوكيل عاوز يغيرلي دراع ب 500 سوء استخدام !
7- حوار تيل الفرامل طبعا حسب استخدامك بس هوا المتوسط بتاعه من 30 ل 40 الف كم
عادي انا غيرت على 20 عشان بجد كانوا ممسوحين و لما اشوف في 40 ايه النظام
ياريت لو حد عنده نصيحة اخرى يضفها للرجالة يبقا تمام

طبعا انا مش بجيب الكلام ده من دماغى زبس انا نفزته بالفعل ف صيانة العشرين وان شاء الله هكمل زى مانا شايف الاصح للعربية لان ديما ف مصلحة المراكز انه يتغير كل حاجة ف كل صيانة وانا مش بوفر على العربية اللى شيلانى بس اللى مش شايفله ضرورة مش لازم ارميلو فلوسى .

شكرا لاحلى منتدى

و اهو التوكيل و النصب بتاعه ده مش بيجيب !ّ على فكرة انا خرط الطنابير الي قدام قبل ما اغير التيل و بسم الله ما شاء الله فرقت بجد لانوا كانت مريجة و التوكيل قالي متخرطش غيرها قلتلهم تيت ! و خرط و ركبت التيال عندهم و محدش قال حاجة لاني بهدلتهم بجد !

الف شكر و ياريت ترد عليا يا باشا في اسألتي :)

[AHMED1718]

و اهو التوكيل و النصب بتاعه ده مش بيجيب !ّ على فكرة انا خرط الطنابير الي قدام قبل ما اغير التيل و بسم الله ما شاء الله فرقت بجد لانوا كانت مريجة و التوكيل قالي متخرطش غيرها قلتلهم تيت ! و خرط و ركبت التيال عندهم و محدش قال حاجة لاني بهدلتهم بجد !

الف شكر و ياريت ترد عليا يا باشا في اسألتي :)

بوجيهات صنى منين اسأل مش هقدر افيدك اوى بس اكيد مش نادرة يعنى وحوار ان كل البوجيهات بتدور عربيتك من اول مرة دى تساهيل وربنا يباركلك بس انا حبيت اوضح ان البوجيهات اليبانى افضل من الكورى ونفس المقاس

موضوع شل وموبيل اختلف العلماء بس هوا فعلن موبيل احسن بس للاسف المضروب منه ف السوق 90 %
يبقا النتيجة الشل افضل

حوار التوتال ف زيت الفتيس لانه افضل كلزوجة من شل وتحمل درجات الحرارة

حوار الرول بتاع الشبورة ده بيتصلح على فكرة بس عايزة كهربائى شاطر لانها شغلانة وورقة وقلم وبتاخدلها حبة وقت لان اللى يشوفه من جوا ميصدقش ان كل ده ورا الدراع ده

ثانيا انتا مش لازم تجيب الدراع من الوكيل بالرقم الخزعبلى ده ممكن تجيبه من بره مش فاكر كان ب 150 ولا 250 جند وريح دماغك

نوت اخيرة حوار انها بتنزل بزيت شل مش موبيل دى لان فيه تعاقد بين شل وكيا موتورز
زى مافيه تعاقد مع رينو وتوتال

مش معنا كده ان لازم كل عربية زى مبتنزل نستعمل بس الافضل انك تعودها على نوع واحد فقط زى مبتعودها على بنزينا معينة مثلا

[Deshahcoka]

بوجيهات صنى منين اسأل مش هقدر افيدك اوى بس اكيد مش نادرة يعنى وحوار ان كل البوجيهات بتدور عربيتك من اول مرة دى تساهيل وربنا يباركلك بس انا حبيت اوضح ان البوجيهات اليبانى افضل من الكورى ونفس المقاس

موضوع شل وموبيل اختلف العلماء بس هوا فعلن موبيل احسن بس للاسف المضروب منه ف السوق 90 %
يبقا النتيجة الشل افضل

حوار التوتال ف زيت الفتيس لانه افضل كلزوجة من شل وتحمل درجات الحرارة

حوار الرول بتاع الشبورة ده بيتصلح على فكرة بس عايزة كهربائى شاطر لانها شغلانة وورقة وقلم وبتاخدلها حبة وقت لان اللى يشوفه من جوا ميصدقش ان كل ده ورا الدراع ده

ثانيا انتا مش لازم تجيب الدراع من الوكيل بالرقم الخزعبلى ده ممكن تجيبه من بره مش فاكر كان ب 150 ولا 250 جند وريح دماغك

نوت اخيرة حوار انها بتنزل بزيت شل مش موبيل دى لان فيه تعاقد بين شل وكيا موتورز
زى مافيه تعاقد مع رينو وتوتال

مش معنا كده ان لازم كل عربية زى مبتنزل نستعمل بس الافضل انك تعودها على نوع واحد فقط زى مبتعودها على بنزينا معينة مثلا

يعني بنزينة موبيل ممكن بتكون بتبيع زيت مضروب 1!!!!!

طيب بالنسبة لزيت الفتيس يعني من الاخر انوا التوتال احسن ؟ طيب لو كدة اجيب اد ايه يعني ؟

الف شكر تاعب حضرتك

[AHMED1718]

يعني بنزينة موبيل ممكن بتكون بتبيع زيت مضروب 1!!!!!

طيب بالنسبة لزيت الفتيس يعني من الاخر انوا التوتال احسن ؟ طيب لو كدة اجيب اد ايه يعني ؟

الف شكر تاعب حضرتك

لا تعب ولا حاجة

والله اللى يخلي البنزينا تبيع بنزين مخلوط بميا هيمنعها تبيع زيت مضروب ؟

بالنسبة لتوتال هوا انا مش متزكر اوى بتاخد كام لتر بس تقريبا 4 واللتر سعره تقريبا 34 ج

محدش سأل ليه الكيا بيغير زيتها على 40000 كم بس ف حين ان اليبانى ممكن يقعد الزيت فيها ل 60 او 80

للاسف بقول كده من ورا قلبي بس هوا اليبانى يكسب ونوعية الفتيس افضل وبردو الاوربي زي الرينو افضل

[Deshahcoka]

لا تعب ولا حاجة

والله اللى يخلي البنزينا تبيع بنزين مخلوط بميا هيمنعها تبيع زيت مضروب ؟

بالنسبة لتوتال هوا انا مش متزكر اوى بتاخد كام لتر بس تقريبا 4 واللتر سعره تقريبا 34 ج

محدش سأل ليه الكيا بيغير زيتها على 40000 كم بس ف حين ان اليبانى ممكن يقعد الزيت فيها ل 60 او 80

للاسف بقول كده من ورا قلبي بس هوا اليبانى يكسب ونوعية الفتيس افضل وبردو الاوربي زي الرينو افضل

معاك حق :(

مش هوا بيبقا ازازة بيضة صغيرة كدة بغطاء اسود تقريبا ؟

طيب هوا الياباني بيحط توتال ؟

[AHMED1718]

معاك حق :(

مش هوا بيبقا ازازة بيضة صغيرة كدة بغطاء اسود تقريبا ؟

طيب هوا الياباني بيحط توتال ؟

هوا المقصود باليبانى ده واحد ولا اتنين ؟؟

اكيد لولا اختلاف الازواق لبارت الزيوت

فدى افضل متوصلتله يعنى لو لقيت واحد يبانى بيحط شل ؟!!! ايه الرد بقا

انا مليش دعوة باليبانى هنا على اد مليا دعوة بعربيتى ايه احسن ليها وايه اوحش

وانا مقلتش نحط موبيل ولا توتال ف الماتور اشمعنا فتيس ؟

[Deshahcoka]

هوا المقصود باليبانى ده واحد ولا اتنين ؟؟

اكيد لولا اختلاف الازواق لبارت الزيوت

فدى افضل متوصلتله يعنى لو لقيت واحد يبانى بيحط شل ؟!!! ايه الرد بقا

انا مليش دعوة باليبانى هنا على اد مليا دعوة بعربيتى ايه احسن ليها وايه اوحش

وانا مقلتش نحط موبيل ولا توتال ف الماتور اشمعنا فتيس ؟

مهوا انا بجد عاوز افهم ليه اشمعني جينا على الفتيس و متأكد انوا توتال احسن ؟

على فكرة انا مش قصدي حاجة والله انا بس عاوز اعرف و استفيد عشان انا خلاص هعمل صيانة و تغير الزيت ده مش كل 10 عشان الواحد يجرب ده كل 40 :)

الف شكر

[Deshahcoka]

معلش سؤال :) هوا انا اعرف الزيت المضروب من الزيت الأصلي ازاي ؟

يعني هل في حاجة تمزي جركن الزيت الشل المضروب عن الأصلي ؟

موبيل برضك توتال ؟

[AHMED1718]

معلش سؤال :) هوا انا اعرف الزيت المضروب من الزيت الأصلي ازاي ؟

يعني هل في حاجة تمزي جركن الزيت الشل المضروب عن الأصلي ؟

موبيل برضك توتال ؟

هوا ولا انا ولا اى حد ممكن يميز جودة الزيت غير المعمل (مش معمل البرج طبعا )

بس ممكن تجيبه من مكان موثوق منه

عن نفسى بجيب سواء شل او توتال من اى فرع من فروع eim

لانى كنت شغال فيها اربع سنين وكانت العربيات بتاعة شل يتجيلنا من المصنع بتاع شل

وبعدين شركة زى دى مش هقارنها بأى بنزينا طبعا

متهيألى لو انت عايز موبيل بردو على ما اظن ان مانتراك وكيل معتمد لموبيل