استفسار حول نقل الغيارات للسيراتو 2010 اتوماتيك

[aaet1]

السلام عليكم، أنا كنت عاوز أستفسر عن طريقة نقل العربية فى الفتيس الأتوماتيك للغيارات بمعنى عند سرعة كام بتنقل غيار لأعلى، الفكرة أنى النهاردة حبيت أجرب كده مع ضغطة بسيطة على البنزين وبزودها شوية شوية بدون ما أرفع رجلى وكل شوية أنقل الفتيس على الوضع المانيوال علشان أشوف الغيار بقى كام ولاحظت ان العربية بتنقل للغيار الثالث على سرعة 30 والغيار الرابع على سرعة 45
أنا مش عارف هل اللى بعمله ده سليم ولا لأه

مع ملاحظة انى جربت أشتغل على الوضع المانيوال وأحاول أشوف آخر كل غيار كام بس الطريق والوقت ما سعفش غير أنى لاحظت انى على الغيار (2) كانت السرعة 85 وال rpm كان لسه على 4 والطريق والمرور ماسعفش بأكتر من كده

[Atrees]

بص هو انا مش فاهم قوي اللي انت بتسال علية لكن ححاول :)


في حالة الاستيب ترونيك السيراتو تجيب التاني 105 -110 والتالت 160-165 كم/س ودة في حالة الحرق لاخر النقلة يعني الوصول للريد زون

في حالة اقيادة بوضع الدرايف طبعا السرعات دي مختلفة تماما في المشي العادي بدون حرق

يعني ممكن الرابع يجي علي سرعة 60 :))))))


وصباح الفل

[aaet1]

هو تقريبا يا باشا انت فهمتنى :))
يعنى أفهم من كلامك انك لو ماشى اتوماتيك العربية تجيب الرابع على سرعة 60 ؟
طب الرقم ده انت متأكد منه ولا توقع، لأنى زى مالاحظت عندى الرابع بيجى على 45 تقريبا

[eldell]

بس ياكبير انا عندى زيك كده على 50 تلقيها جابت رابع وده نوع من المحافظه على الماتور لاكن علشان الشباب وكده الاستيب بيستخدمه فى الحرق والشد وكده لاكن هو وظيفتوه الاساسيه التوفير والحفاظ على المكنه التانى والله كان بيوصل 100 بس اتفرج على شفط البنزين والكلام ده على البومه وياريت اكون افادتك تقبل مرورى

[Jackson]

بسم الله الرحمن الرحيم

بص يا سيدى الفاضل بالنسبه للستبترونيك او الحاره فى الفتيس اللى بيبقى فيها السالب والموجب دلوقتى انت عندك الفتيس ده 4 غيارات فى حاجتين انك اول ما تطلع بالعربيه وانت دايس فرامل علشان تجيب الــ d تجيب الفتيس على الحاره بتاعت الستبترونيك
هتلاقى الغيار 1 عند 20 او 30 طبعا بتريح الموتور هتديله التانى اللى هتعمله هتدى الفتيس حركه على الــ + وانت دايس بنزين طبعا
60 او 70 اديها التالت وهكذا وعلى فكره عندك التالت بيجيب الــ 140 والـــ rbm على 4 يعنى هو ده احسن غيار

بالنسبه لما تبقى العربيه ماشيه وتنقل الفتيس فى الحاره بتاعت الستبترونيك ممكن لو انت ماشى على 60 تلاقى العربيه واخده الغيار الرابع لا اللى هتعمله انك هتنزل الفتيس على الــ - هيديلك 3 وتستنى حوالى ثانيتين تنزله مره كمان هتلاقيه جاب التانى
يعنى انقل الفتيس على السرعه اللى انت ماشى عليها هتلاقى عزم العربيه زاد
وربنا يسترها عليك وعلينا

ملحوظه ( ان d بتاع العربيه الله اكبر عليه موس جرى مش مستاهله انك تنقل على الستبترونيك الا لو انت بقى غاوى تشد مع حد )

[moody2000]

انا عندى مشكله فى الفتيس ممكن الافاده؟
لما بنقل من ال غيار ال p لاى غيار تانى شغال - بس لما بنقل من ال r لل p بتعلق وبتنقل بصعوبه جدا لكن بتنقل من ال n لل p لو على مره واحده خطف ارجوا الافاده علما السياره خليجى 2010

[Jackson]

بص حضرتك هى العمليه مش ان الفتيس بيعلق بس هات اخر الفرامل كده وحركها كذا مره

يا اما تكشف على زيت الفتيس