شكر وسؤال للعضو morasystem

[selwassif]

اولا شكرا ليك علي إجابتك عن سؤالي بخصوص موضوع صوت الطقة مع الفرامل لو حضرتك تفتكر وفعلا لما روحت التوكيل في القطامية قالولي نفس الكلام اللي حضرتك قولتة ان فية خطاف بيقفل الفتيس هو اللي عامل الصوت دة
بس المشكلة ان التوكيل قالي ان دة عادي وبيحصل ومالوش حل عندي
انا ان شاء اللة رايح ابورواش فتنصحني باية
وشكرا ليك

[Atrees]

نفس الكلام - متشغلش بالك - ماكانتش عنجي وبدات تظهر وتبقي مسموعة - انا نفضت وخلاص - مبسمعهاش غير وانا حاطت ايدي علي الفتيس او الدنيا هسسسسسسسسسسسسسسسس :)

[morasystem]

اولا شكرا ليك علي إجابتك عن سؤالي بخصوص موضوع صوت الطقة مع الفرامل لو حضرتك تفتكر وفعلا لما روحت التوكيل في القطامية قالولي نفس الكلام اللي حضرتك قولتة ان فية خطاف بيقفل الفتيس هو اللي عامل الصوت دة
بس المشكلة ان التوكيل قالي ان دة عادي وبيحصل ومالوش حل عندي
انا ان شاء الله رايح ابورواش فتنصحني باية
وشكرا ليك

لأ يا باشا ليها حل بس هم اللى بيستهبلوا ... زى ما قلتلك قبل كدة أختى لسة شارية أفيو هاتش باك جديدة و راحت التوكيل (عند منصورشيفروليه فى المهندسين) و فى معاد الصيانة قالتلهم عليها و عملوهالها فى خلال نص ساعة ... روح بس انت التوكيل و زعق و اتنرفز و على صوتك و هم هيخلصوا كل حاجة و هددهم بحماية المستهلك و إنك هتبلغ كيا الأم ... ده حقك و متدفعش ولا مليم مصنعية عليه لأن ده يعتبر عيب صناعة... هى العملية كلها حتة كاوتشة تافهة بتتحط بين الخطاف و عصاية الفتيس مش أكتر

[waleedelpiloot]

طب ما انا عندى الصوت دة يا دكتور بس ساعات وساعات وانا بركن كل مرة فى الجراج يعنى مكان هدوء بس مش كل مرة بسمعة (هوة الصوت دة كدة يبقى عيب صناعة)
لا ما اعتقدش انا اعرف ان دة الlock بتاع الفتيس لما يجى على الp

[morasystem]

طب ما انا عندى الصوت دة يا دكتور بس ساعات وساعات وانا بركن كل مرة فى الجراج يعنى مكان هدوء بس مش كل مرة بسمعة (هوة الصوت دة كدة يبقى عيب صناعة)
لا ما اعتقدش انا اعرف ان دة الlock بتاع الفتيس لما يجى على الp

لأ ده عادى ده ... الطبيعى بيكون فيه صوت بس متسمعهوش إلا لو ركزت فيه ... إنما ده صوت مزعج ... تخيل انت تركن كدة العربية كل دوسة فرامل تسمع طقطقة ترفع و تدوس تسمع طقطقة تانية ... هو يمكن ميكونش عيب صناعة بس ممكن تكون الكاوتشة دى متحركة من مكانها ... طالما مكانش فيه الصوت ده زمان و دلوقتى ظهر الصوت يبقى معن كدة إنه كان فيه حاجة جوة و اتحركت من مكانها ... فى التوكيل مكسلين يفتحوا الكونسول و يبصوا على الحاجة دى أو بمعنى أصح عاوزين ينجزوا علشان يخلصوا أكبر عدد من العربيات دى حاجة تانية

[selwassif]

شكرا لكل الاعضاء اللي افادوني برايهم بس فعلا علي الرغم ان الموضوع مالوش اي تاثير علي اداء العربية الا انة فعلا شي مزعج انك تبقي مشتري عربية ب120 الف جنية وكل ماتحط رجلك او تشيل رجلك من علي الفرامل العربية تطقطق دة اكيد شي موش طبيعي وانا ناوي ان شاء الله اروح ابورواش وان شاء الله موش همشي من غير مايشوفوا حل
بالمناسبة العربية وكيل ولسة ماكملتش 10000كم