دعوة للمناقشة فى شوية مشاكل فى السيراتو مضيقانى جدااا

[AHMED1718]

اولا علشان منبدأش نهاجم العربية علشان انا عارف فيه ناس مبتصدق

دى شوية مشاكل هايفا بس مضيقانى حبتين علشان انا لما بسمع تكه بفرك علشان اعرف سببها واعالجها

1- ف صوت طقة كده رخم اوى فى الجنب اليمين بيجي مع اى مطب خفيف

قلت جايز فيه حاجة عايزة تتربط رحت رفعت العربية ف التوكيل وملقناش حاجة

جربت عربية والدى lx لقيت نفس الصوت اتعفرت اكتر مش عارف ممكن يبقا ايه زى ميكون حاجة سايبا كده


2- ودى خلتنى الف حوالين نفسى كنت راجع من الغردقة رايح القاهرة وطبعا بما انا مفيش ردارات اليومين دول
فالطريق عامل زى حلبة سباق شرسة لحوالى 300 كم لغايط ملفات السخنة

كان اليوم ده فيه رياح شديدة وف وش العربية المهم بغض النظر عن عدم الثبات نظرا للرياح دى ليا ولغيرى على نفس الطريق كان بعد سرعة 170 كده بسمع صفارة فظيعة (انا قافل الشبابيك كلها ومشغل التكيف )
طبعا بيبقا زى ضغط هوا شديد وانتا مش قافل الازاز على الاخر بس انا قافله

وقفت كام مرة ابص على جلد الازاز والمجارى بتعته اشوف حاجة مقطوعة ملقتش حاجة اتجننت وبقيت اضطر افتج الازاز سنا علشان مسمعش الصوت ده طبعا كنت متكدر جدا

3- العربية دى ملهاش امان نهائى للسرعات العالية (فوق 180 كم مثلا لو كلت مطب هوا

واللى حصل كالاتى : انا وتلت عربيات ماشين تقريبا 180 190 كم (جيتا وجولف وكان معانا وحش من وحوش مرسيدس)

انا كنت ورا الجيتا بحاول اتجنب الريح وجه مطب (زى هبوط ف الاسفلت ) الجيتا قدامى محستش بيه تقريبا علشان كده مختش بالى منه

وجت الهوبا الكبيرة أآى أاى أى راسى راحت مرزوعة ف فتحة السقف والعربية اتنطرت نطرة جبارة حسيت كده ان الكوتشات الاربعة طارو من الارض ولما نزلت اكنى نزلت على تلج يمين شمال يمين شمال مش عارف اظبطها
طبعا كل اللى ورايا هدوو وانا قلبي اتنطر من كتر مالعربية ماعامت والحمد لله قدر الله انها اتظبطت بس كانت الاعصاب راحت

دلوقتى انا عايز اعرف ام المساعد القصير ده مينفعش يتغير لانه بصراحة خلانى بعد كده مش هثق امشى بالسرعات العالية دى بيها

للاسف انا بعد السفرية دى قلت صعب اجري بيها الا ف طرق 100%

مكنتش بحس كده ف الرينو خالص

المهم طولت عليكم بس ملحوظة اخيرة

لما جت وصلة القطامية السخنة قلت اجرب حكاية الصفارة دى مستمرة ولا كان الهوا شديد لدرجه ان الازاز مش مستحمل جريت لغايط 200 كم مفيش حاجة غير خفيف اوى متسمعوش الا وطافى الكاسيت

دلوقتى تلخيص للقصة الظريفة دى

اول عيب: عزل الازاز بتاع السواق ده اشيك عليه الزاى

التانى : المساعدين ليهم حلو ولا لأ

التالت : طقة ف الجنب اليمين زى ميكون كده المساعد مبوش سنا

العربية كاملة جنط 16

[AHMED1718]

ايه ياوحوش انتو فين محدش طمنى ولا الموضوع ميئوس منه للدرجادى

[AHMED1718]

هوا الحوار هايف اوى كده لدرجة ان خمسين واحد يشوفه الموضوع ومحدش يرد ؟

[ashouhdy]

والله لو كنت اعرف كنت رديت

لو على الطقة سهلة عند اى عفشجى خدة لفة وسمعهالوا

بخصوص الصفارة كانت بتحصل عندى قليلا فى الفيرنا السبب ان مع طلوع و نزول الازاز وانت بتجرى زائد ضغط الهوا الازاز مش بيبات فى مطرحة عدل بيسيب فراغ بيعمل الصوت دة ... كنت دايما اهدى شوية وأتأكد ان الازاز دخل صح واكمل

بخصوص المساعد ... مش عارف ..

[sherifzenhom]

انا اللى عندى مشكلة زيادة عن ما انت بتقول وهى صوت شخللة ناحية سير الموتور بعد اى مشوار طويل شوية ولرحت التوكيل وبردة يقولو مفيش حاجة

[sando_star109]

والله انا كنت بفكر اشترى العربيه دى وناويت خلاص بس كل شويه اقرا ان العربيه فيها مشاكل كتير بصراحه انا بقى دلوقتى عيزك انت اللى تقولى اشتريها ولا لا وربنا يكفيك شرها ان شاء الله علشان شكل العربيه دى بصراحه عربيه فيها مشاكل كتير جدا رغم ان سعرها مش قليل

[Atrees]

الطقة ممكن تكون من كاوتشة غطاء المساعد - نزلها لتحت وثبتها

الصفارة - دي مع نفسك بقي معرفش سببها وحدش اشتكي منها قبل كدة

المساعد القصير مفيد في مطب الهوا دة - عشان لو كان طويل ومع الهوا كان زمانك بترقص يمين وشمال

[Formulator]

أنا من رأى عتريس ان المشوار القصير للمساعد مش هو السبب...!
اللى سبب كده هو الـlimited independency للتعليق الخلفى
أى عفشة torsion-beam لازم يبقى فيها range معقول من الحرية لحركة كل عجلة على حدة (مش مطلق او independent) لأن كده تبقى multi-link
أقصد ان الـsemi-independent محدود جدا فـ السيراتو وده واضح للى يبص عـ العفشة ويحاول يفهم الـsetup البدائى المعمول بيه..!!!
وأعتقد ان ده برضه سبب التعويم عـ الفواصل والـundersteering اللى ناس كتير اشتكت منه فـ الملفات القاسية (العجلة بتجر المحور كله والعجلة التانية معاها)

والناس اللى بتقول عفشة السيراتو هى هى الميجان "بالمللى" ... انا آسف, الكلام ده ملوش أساس من الصحة وواضح الأختلاف بمجرد النظر .. حتى للعيون الغير خبيرة..!!!

[hmotors]

كلامك صح بخصوص صوت الطقة الى بيطلع من الجنب اليمين بس انا مش عارف ده ايه بالظبط لدرجة انى كنت عاوز اكتب الموضوع ده بس خوفت اكون بتوهم ، بخصوص صوت الازاز ده محصلش معايا. اكتر سرعة جربتها كانت 140 كم بس ممكن مكنش فى هوا جامد.

[AHMED1718]

أنا من رأى عتريس ان المشوار القصير للمساعد مش هو السبب...!
اللى سبب كده هو الـlimited independency للتعليق الخلفى
أى عفشة torsion-beam لازم يبقى فيها range معقول من الحرية لحركة كل عجلة على حدة (مش مطلق او independent) لأن كده تبقى multi-link
أقصد ان الـsemi-independent محدود جدا فـ السيراتو وده واضح للى يبص عـ العفشة ويحاول يفهم الـsetup البدائى المعمول بيه..!!!
وأعتقد ان ده برضه سبب التعويم عـ الفواصل والـundersteering اللى ناس كتير اشتكت منه فـ الملفات القاسية (العجلة بتجر المحور كله والعجلة التانية معاها)

والناس اللى بتقول عفشة السيراتو هى هى الميجان "بالمللى" ... انا آسف, الكلام ده ملوش أساس من الصحة وواضح الأختلاف بمجرد النظر .. حتى للعيون الغير خبيرة..!!!

طب رأيك ايه الحل ؟

الطقة ممكن تكون من كاوتشة غطاء المساعد - نزلها لتحت وثبتها

الصفارة - دي مع نفسك بقي معرفش سببها وحدش اشتكي منها قبل كدة

المساعد القصير مفيد في مطب الهوا دة - عشان لو كان طويل ومع الهوا كان زمانك بترقص يمين وشمال

الكاوتشة دى فين مش فاهم ممكن توضح وياريت لو صورة ليها يبقا تمام

والله انا كنت بفكر اشترى العربيه دى وناويت خلاص بس كل شويه اقرا ان العربيه فيها مشاكل كتير بصراحه انا بقى دلوقتى عيزك انت اللى تقولى اشتريها ولا لا وربنا يكفيك شرها ان شاء الله علشان شكل العربيه دى بصراحه عربيه فيها مشاكل كتير جدا رغم ان سعرها مش قليل

بص للاسف احسن عربية ف تمنها تقريبا ف السوق
اللى احسن منها شوية بس اغلى شوية الدايو لاسيتى مش الكروز علشان الفرق كبير

والله لو كنت اعرف كنت رديت

لو على الطقة سهلة عند اى عفشجى خدة لفة وسمعهالوا
العفشجيا بيفتو والوكيل بيقول مفيش حاجة وانا ودنى بتقول فيه حاجة مش كبيرة بس رخمة
بخصوص الصفارة كانت بتحصل عندى قليلا فى الفيرنا السبب ان مع طلوع و نزول الازاز وانت بتجرى زائد ضغط الهوا الازاز مش بيبات فى مطرحة عدل بيسيب فراغ بيعمل الصوت دة ... كنت دايما اهدى شوية وأتأكد ان الازاز دخل صح واكمل

بخصوص المساعد ... مش عارف ..

بخصوص قافلة الازاز لأ هوا قافل ف مكانه

[ahmad--ezzat]

اعذرنى هتكلم عن نقطه واحده ......موضوع ان العربيه ملهاش امان بعد ال 180

هو حضرتك راكب لمبورجينى؟؟؟

خد بالك انت راكب عربيه ب 100 120 اللف مش 900 اللف

متدهاش اكتر من حقها...اعذرنى من المشاركه دى بس ناس كتير فاكره ان عربيتنا فى الفئه السعريه دى ممكن تعمل ااى حاجه فى اى حته ودة مش صح طبعا

طبيعى العربيه تبقى خفيفه بعد ال 180 ...السرعه العاليه بتخف اى عربيه

وان شاء الله مشاكلك كلها هتتحل بس موضوع ال 180 مش مشكله بتاتا

[AHMED1718]

اعذرنى هتكلم عن نقطه واحده ......موضوع ان العربيه ملهاش امان بعد ال 180

هو حضرتك راكب لمبورجينى؟؟؟

خد بالك انت راكب عربيه ب 100 120 اللف مش 900 اللف

متدهاش اكتر من حقها...اعذرنى من المشاركه دى بس ناس كتير فاكره ان عربيتنا فى الفئه السعريه دى ممكن تعمل ااى حاجه فى اى حته ودة مش صح طبعا

طبيعى العربيه تبقى خفيفه بعد ال 180 ...السرعه العاليه بتخف اى عربيه

وان شاء الله مشاكلك كلها هتتحل بس موضوع ال 180 مش مشكله بتاتا

يعنى هوا انا عارف امشى بسيراتو ف شوارعنا علشان امشى بالمبوجينى ؟!!
ياباشا مطب الهوا ده لو بعربية واطية شوية زى هوندا التسعينات مكنتش لقيت فيها وش من افا

انا اللى ضايقنى نقطة انها نطت ناطة مبالغ ف امرها وحنا كنا عربيات كتير ماشين بنفس السرعة مش مشكلة السرعة

لو عالسرعات الحمد لله عينى مليانة جبت قبل كده 265 باودى

[ahmad--ezzat]

ربنا يستر طريقك

[AHMED1718]

ربنا يستر طريقك

أمين يارب العالمين

عارف هقولك حاجة

انتا عارف المدنين على الكحول او المخدرات

انا بقا حاسس ان ده مرض فيا وهوا ادمان السرعات مبعرفش امشى بالراحة الا ف مدق علشان بحب احافظ على عربيتى زى متكون حتا منى

حتا لما ببقا عايز اعاند مع نفسى وامشى بالغصب بسرعة لا تزيد عن 120 كم

بيبقا سهل اوى استفزازى و نفسى اتعالج

انا بسوق من وانا عمرى 10 سنين واتعلمت على عربية ربع نقل

واول عربية امتلكها كانت لادا 2107 وعملت حوادث زى الناس كلها

يعنى مش اتولدت على باور او مواتيير جبارة

اتمنى من كلامى ده انه مينسناش الموضوع


واتمنى عدم انتقاد شخصيتى بسبب توقيعى مع كلامى

لانى التوقيع ده بحاول انى اعمل بيه

[Mahmoud Nagieb]

يعنى هوا انا عارف امشى بسيراتو ف شوارعنا علشان امشى بالمبوجينى ؟!!
ياباشا مطب الهوا ده لو بعربية واطية شوية زى هوندا التسعينات مكنتش لقيت فيها وش من افا

انا اللى ضايقنى نقطة انها نطت ناطة مبالغ ف امرها وحنا كنا عربيات كتير ماشين بنفس السرعة مش مشكلة السرعة

لو عالسرعات الحمد لله عينى مليانة جبت قبل كده 265 باودى

معلش مش فاهم قصدك فى حتة لو كان العربية واطية شوية مكنتش هتلاقى فيها وش من قفا ؟؟

هو مش المفروض ان لو العربية كانت واطية زى هوندا التسعينات مكانتش هتحس اصلا بالمطب لان الارتفاع القليل بيدى ثبات والعربية مش هتتنطر النطرة اللى حصلت فى السيراتو ده ؟