Tweet
ازيكم يا رجالة
انهارده قلت انزل اتفرج على حاجات كدا ممكن اركب اى حاجة فى العربية (فاضى بقى بعيد عنكم)
المهم روحت عند محل اسمه power zone وكان اتعمل موضوع هنا قبل كدا عبارة عن عرض ان حد يروح يركب الفلتر ويجربه بس تقريبا مفيش حد منا راح على ما اتذكر
ركبت فلتر simota طبعا بما انهم وكيل simota فى مصر وهو عليه ضمان لحد 100000 كيلومتر
اللى قابلته هناك اسمه مؤمن وهو بصراحة صبور جدا انا طلعت معاه مرتين نجرب الفلتر وكل كدا مكنتش لسه قلتله انى هشترى ولا لا هو بس قالى جربه لو معجبكش خلاص
دى الصور للفلتر وهو راكب
معلش بقى الموتور عايز يتنظف
بالنسبة للتركيب هو فك الغطاء بتاع علبة الفلتر ومشلناش الجزء اللى تحت عشان متثبت فيها الكمبيوتر بتاع العربية
وركبنا زى ما انتم شايفين كدا
الاول ركبناه مفتوح من الاخر كدا من غير الماسورة السودة بس كان صوته عالى اوى لما تدوس بنزين على الاخر يعنى وانت بتحرق لكن لو ماشى براحة عادى الصوت اكن مفيش فلتر .. بس انا قولت اركب الماسورة دى عشان تاخد هوا من برا على طول بدل متاخد هوا سخن من حوض الموتور والصوت بقى اهدى شوية مع الحرق.
نيجى بقى لموضوع الاداء .. هو الفرق مش ملحوظ يعنى اللى مش عارف العربية مش هيحس ان فيه فلتر رياضى راكب بس انا حاسس انا العربية بقت بتتنفس احسن يعنى الـ rpm بيتحرك احسن لكن بصراحة انا نفسى من زمان اركب فلتر فا الموضوع بالنسبالى عادى اهم حاجة ان الاداء مقلش.
الموضوع دا كله اتكلف بالظبط 385 جنيه بالتركيب
325 جنيه فلتر والبلاستكه اللى لونها ازرق و60 جنيه الماسورة
نشوفكم فى تعديل تانى قريب ان شاء الله بس هو ليه علاقة بالثبات بقى
انهارده قلت انزل اتفرج على حاجات كدا ممكن اركب اى حاجة فى العربية (فاضى بقى بعيد عنكم)
المهم روحت عند محل اسمه power zone وكان اتعمل موضوع هنا قبل كدا عبارة عن عرض ان حد يروح يركب الفلتر ويجربه بس تقريبا مفيش حد منا راح على ما اتذكر
ركبت فلتر simota طبعا بما انهم وكيل simota فى مصر وهو عليه ضمان لحد 100000 كيلومتر
اللى قابلته هناك اسمه مؤمن وهو بصراحة صبور جدا انا طلعت معاه مرتين نجرب الفلتر وكل كدا مكنتش لسه قلتله انى هشترى ولا لا هو بس قالى جربه لو معجبكش خلاص
دى الصور للفلتر وهو راكب
معلش بقى الموتور عايز يتنظف
بالنسبة للتركيب هو فك الغطاء بتاع علبة الفلتر ومشلناش الجزء اللى تحت عشان متثبت فيها الكمبيوتر بتاع العربية
وركبنا زى ما انتم شايفين كدا
الاول ركبناه مفتوح من الاخر كدا من غير الماسورة السودة بس كان صوته عالى اوى لما تدوس بنزين على الاخر يعنى وانت بتحرق لكن لو ماشى براحة عادى الصوت اكن مفيش فلتر .. بس انا قولت اركب الماسورة دى عشان تاخد هوا من برا على طول بدل متاخد هوا سخن من حوض الموتور والصوت بقى اهدى شوية مع الحرق.
نيجى بقى لموضوع الاداء .. هو الفرق مش ملحوظ يعنى اللى مش عارف العربية مش هيحس ان فيه فلتر رياضى راكب بس انا حاسس انا العربية بقت بتتنفس احسن يعنى الـ rpm بيتحرك احسن لكن بصراحة انا نفسى من زمان اركب فلتر فا الموضوع بالنسبالى عادى اهم حاجة ان الاداء مقلش.
الموضوع دا كله اتكلف بالظبط 385 جنيه بالتركيب
325 جنيه فلتر والبلاستكه اللى لونها ازرق و60 جنيه الماسورة
نشوفكم فى تعديل تانى قريب ان شاء الله بس هو ليه علاقة بالثبات بقى
Comment