استفسار عالماشى نيو سيراتو

[creative_art]

السلام عليكم ورحمة الله وبركاته


معلش هاخد من وقتكو دقيقه ولكن إستفسارين عالماشى كداا...

إبن عمى معاه نيو سيراتو موديل 2011 بس الفتيس الى هو 4 غيارات بس....

العربيه دى عامله لحد دلوقتى 2500 كيلو وكل مشاويره صغيره جوا القاهره مسافرش بيها خالص

لاحظت انه بيشتكى ان العربيه سحبها ضعيف جدااا ويكاد يكون منعدم.......

رحت انا جربت العربيه بنفسى

اول حاجه العربيه مبتجيبش كيك داون خالص ومبحسش بالصوت ولا بالأر بى ام بيعلى خالص عادى كانك بتزود بنزين



تانى حاجه العربيه سحبها ضعيف جدا لدرجة انك عشان تجيب سرعة 100 فى 30 ثانيه مثلاا بتضطر انك تدوس على اخر الاكسلاتير وتلاقى ال RPM بيطلع بالراحه اوى


قولت ان ممكن يكون العيب فى الجير بوكس...قلت اجرب وانقل الفتيس على وضع الستيب ترونيك

سقط الغيارات وظبط الدنيا لقيت ان العربيه فايقه وبتستجيب معايا بسرعه ولكن لما بجيبها على D بحس انها بطيئه اوى وغالبا بتنقل على غيارات بدرى...الله اعلم

وللعلم هو قالى ان مره الكاسيت فصل وبعدها العربيه فصلت والدركسيون كلبش ووداها التوكيل يتصلح فا هل دا ممكن يكون عيب كنترول ولا اية؟؟؟


تانى سوأل العربيه دى راكبلها جنط 17 فا لاحظ فيه انه طلعله حاجه زي بالونات او فقاعات كداا فا هل دى ليها تأثير سلبى على الثبات والتوازن بتاع العربيه لو سابها ؟؟


وبس كدا كفايه عليكو

[creative_art]

صحيح نسيت ازود حته صغيره...ان فيه ناس قالتله لازم ( تسنها ) يعنى تسافر بيها على سرعة عشان تفتح معاك صحيح الكلام دا ولا لأ ..... بس انا شخصيا مش داخل دماغى الكلام دا

[waleedelpiloot]

كدة فعلا العربيةمحنوقة و عايزة تتفتح
تتفتح ازاى انك تاخدها على طريق سفر حلو وتجيب اخر كل نقلة وتهدى وترجع تانى لاخرها مرتين تلاتة كدة على كل نقلة وابدا من الرابع

البلونة علاقتها لئبات ان لا قد الله مرو واحد مش هتلاقى الئبات الى ببتكلم عنوا دة عشان العجلى هتفرقع لو مشيت عليها كتير بلبلونة دة
غير الفردى طبعا ما يمشيش عليها مالهاش حل تانى وما بتتصلحش

[yoko]

غير الكاوتش ضروري عشان لو البلالين دي خطر جدا وممكن تفرق في أي لحظة
أما السحب جرب وإنت سايق مرة واحده جيب المنيوال وشوف على النقله الكام لتكون داخله الsafe mode

[M.Akef]

عن السحب فطبعا دا لأن العربيه لسه متفتحتشي لازم تقع تحت ايد واحد مفتري شويه طول ما هو ماشي ككات و حرق و يقفل بيها سرعات كتير مش مره و السلام هتلاقي العربيه صاروخ معاك و كل ما دا يبقا بدري كل ما يكون احسن خليه بس يفضل يكبس و يجري كتير و يطلع علي الطريق كتير
اما عن البلالين دي بقت عند اي عربيه جنط 17 في الدنيه و علاجها الوحيد تغيير الكوتش خليه يحاول يمشي في الطرق الممهده و بلاش النقر و الحتت المكسره عشان هي الي بتعمل كدا و يظبط الهواء علي 30 او 32

[Mshawky]

اول حاجه اعمل ريست للطباريه افصلها شويه وركبها تانى علشان ترجع الكمبيوتر عن كل نظام السواقه اللى كانت شغاله بيه قبل كده وسستمت نفسها عليها

وبعد ماتركب البطاريه اطلع على طريق مفتوح او اى طريق فاضى يكون مساعد على السرعات وهات الاستيب ترونيك واحرق كل نقله للاخر وكرر الموضوع ده من 3 ل 4 مرات الموضوع كله شغلة ساعه واتفرج على الموتور ده هيعمل ايه فى العربيه

[creative_art]

اول حاجه اعمل ريست للطباريه افصلها شويه وركبها تانى علشان ترجع الكمبيوتر عن كل نظام السواقه اللى كانت شغاله بيه قبل كده وسستمت نفسها عليها

وبعد ماتركب البطاريه اطلع على طريق مفتوح او اى طريق فاضى يكون مساعد على السرعات وهات الاستيب ترونيك واحرق كل نقله للاخر وكرر الموضوع ده من 3 ل 4 مرات الموضوع كله شغلة ساعه واتفرج على الموتور ده هيعمل ايه فى العربيه

بصراحه دا اكتر حل انا مقتنع بيه لأن صاحبها كان لسه بيتعلم سواقه فا مكنتش تلاقيه دايس فى حوارات الجرى والحرق عالموتور وكدااا

عموما انا هوصله كل الحلول دى مع العلم إن يومها حرقنا الغيارات بشكل جامد اوى لدرجة كنا بنجيب الستيب ترونيك على 1 ونسيب الأر بى ام يوصل لحد الريد زون وننقل عالغيار الى بعده وهكذاا

[aaet1]

أنصحك تشيك على العربية لأنه مش طبيعى أبدا تجيب ال 100 فى قرب 3 أضعاف الوقت المفروض وهو 11 ثانية تقريبا وما أعتقدش الموضوع مرتبط بالتفتيح، عمره ما يكون فارق كده أبدا

[creative_art]

أنصحك تشيك على العربية لأنه مش طبيعى أبدا تجيب ال 100 فى قرب 3 أضعاف الوقت المفروض وهو 11 ثانية تقريبا وما أعتقدش الموضوع مرتبط بالتفتيح، عمره ما يكون فارق كده أبدا

انا فكرت انه ممكن يكون فلتر بنزين او فلتر هواا لأن الخنقه دي مش طبيعيه

فى نفس الوقت فكرت انه ممكن يكون الجير بوكس فيه حاجه عشان كان بينقل عالرابع من 60

[abdalah_hashem]

بص انت تعمل زى ما Mshawky قال انك تعمل ريست للبطارية الاول لو مظبطتش معاك
يبقى لازم انك تكشف على الجير بوكس الاول ( ان شاء الله يطلع سليم ) والفلاتر
بعدين ابقى جرب موضوع التفتيح دوة

ولازم تبقى عارف ان اكتر حاجة بتتعب المواتير هى السرعات البطيئة والزحمة او كل شوية اوقف اطلع اوقف اطلع اوقف اطلع
ولما تمشى على سرعات عالية دوة بيفوق الموتور كدة

[creative_art]

بص انت تعمل زى ما mshawky قال انك تعمل ريست للبطارية الاول لو مظبطتش معاك
يبقى لازم انك تكشف على الجير بوكس الاول ( ان شاء الله يطلع سليم ) والفلاتر
بعدين ابقى جرب موضوع التفتيح دوة

ولازم تبقى عارف ان اكتر حاجة بتتعب المواتير هى السرعات البطيئة والزحمة او كل شوية اوقف اطلع اوقف اطلع اوقف اطلع
ولما تمشى على سرعات عالية دوة بيفوق الموتور كدة

طيب هوا كدا مش ممكن لكاسيت يقفل ياريس ويبقى طالب باسورد..؟؟ ولا مش فى السيراتو الحوار داا

[abdalah_hashem]

طيب هوا كدا مش ممكن لكاسيت يقفل ياريس ويبقى طالب باسورد..؟؟ ولا مش فى السيراتو الحوار داا

مش عارف والله الموضوع دوة فى السيراتو وللا لاة
ياريت حد من العضاء الكرام يرد على السؤال دوة

[Jackson]

فعلا لازم العربيه موتورها يتفتح على طريق سفر لان كده بيأثر بالسلب على الموتور وبعدين البلد محدش يمشى فيها كتر من 70 لو عرفت تمشيهم اساسا