اكبر مشكله فى كيا سيراتو2011

[sando_star109]

دلوقتى العربيه مفهاش انذار نفسى اعرف عربيه غاليه زى دى مفهاش انذار ازاى انا ليه واحد صديقى عربيته اتكسرالازاز بتعها اليمين وسرق كل حاجه ممكن تتسرق من العربيه والمطلوب دلوقتى من ملاك ووحوش الكيا سيراتو

1-نركب انذار بره ولا فى التوكيل وايه منهم الاحسن والسعر

2-ولو بره ايه هو نوع الانذاراللى يعمل فرح لو حد لمس العربيه والسعر

3-ولو ركبنا الانذار بره معنى كدا ان المفتاح بتاع العربيه الاصلى خلاص كده ميشتغلش تانى

4-ولو انا عايز استعمل مفتاح العربيه الاصلى اعمل ايه علشان المفتاح يشتغل مع وجود انذار يمنع العربيه من السرقه

5-على فكره الموضوع دا مهم جدا لكل ملاك السيراتو ولو سمحتم نساعد بعض علشان نحافظ على العربيه من السرقه

شكرا لملاك السيراتو

[aaet1]

أنا بعد ما زهقت من الكلام فى الإنذار مع الوكيل لان الإنذار عندهم سئ أخدت منهم موافقة شفهية على تركيبه بره بشرط ما يسببش مشكلة فى الكهرباء وحصل وركبته عند واحد بتاع انذار مشهور فى صلاح سالم وكان مجرد جهاز بس وبيشتغل على مفتاح العربية الأصلى زى الفل

[sando_star109]

ممكن اعرف نوع الانذار وبكام وازاى يتركب على مفتاح العربيه الاصلى لان لو كان كدا يبقى دا اللى انا عايزه لوسمحت قولى
1-نوع الانذار
2-عنوان المحل اللى راكبته فيه
3-سعره كام
4-نوعه صينى ولا ايه
وشكرا ليك

[Ahmed_6120c]

أيه يا شباب محدش تاني مركب أنذار؟!
أمال العرييات اللي فيها led زرقا بتنور دول عملوا ايه
بتاع الوكيل بكام ؟ و ايه عيوبه لو ليه عيوب؟
حد يفيدنا الله يكرمكم و ياريت ذكر تفاضيل :
- بكام
- منين
- شغال مع المفتاح العادي ولا لاء
- نوعة ايه ولو تعرف بيتركب ازاي

[BoOoning]

السلام عليكم : -
1-يا سيدي هيا مش مشكلة ولا حاجه , دي تعتبر أقل المشاكل أنا مركب انذار في سيراتو 2010 وكيل من حوالي سنة وشغال وي الفل حتي الان, اسمه SPY 2 WAY 5000 مش موجود غير في التوفيقية لو سألت في محل غريب للجملة هايقولك علي محلين تلاته تشتري منهم زي ( محل العميد أحمد ,....وغيرو) كان سعره ساعتها حوالي 340 جنيه , وتقريبا سعره زاد دلوقتي وممكن يكون وصل 375 جنيه .

2-وانا ركبته في أدريان الهرم شارع المطبعة ب 75 جنيه وشغال وزي الفل ورحت بيها التوكيل كذا مره وعملت صيانة 10000 و 20000 كمان , أما بالنسبة لمفتاح الريموت بتاع العربية ممكن تستعملة مع الانذار عادي بيفضل شغال ومش بيأثرو علي بعض , الانذار داه معاه اتنين ريموت واحد بشاشه وبيعمل فيبريشن , والتاني احتياطي شبه ريموت العربية ومن غير شاشه والمدي بتاع الانذار تقريبا 250 متر او 300 وداه اللي بيغليه و فيبريشن طبعا ً .

3-الانذار بتاع التوكيل نوعه مش حلو وفي نفس الوقت ممكن تشتريه من ادريان الهرم او التوفيقية بربع الثمن اللي في التوكيل , والتوكيل ما بيرضاش يركب غيره خالص ح[IMG]file:///D:/B%20M%20B/SPY%202%20WAY/1065_7643_F.jpg[/IMG]تي ال SPY 2 WAY 5000

[mohamedaghali]

هو كل الموديلات مفيهاش انذار ولا موديلات معينه يعنى انا معايا خليجى اعلى فئه مفتاح بصمه ديه فيها ولا ايه