أقل ما يقال عن هذا التوكيل أنه غير محترم

[karemof]

السلام عليكم ,

أنا كنت عايز أقول تجربتي مع التوكيل الغير محترم ده باختصار أنا كنت حاجز كارينز هاي لاين 2011 من شهر 6 2010 على أساس أني حاستلم بعد 4 شهور كنت حاجز ب 126000 , وبعد الزيادات المتعددة و أحاديث مختلفة بيني وبين رجل المبيعات وأسباب واهيه عن التأخير قالي أنه حيسلمني بالسعر 126900 الكلام ده كان تقريبا شهر 11 أو 12 مش فاكر قوي (وفهمني أنه كده عاملي خدمة) , ولغايه الثورة لم أستلم شيء تماما (يعني أنتظار 8 شهور) و ذهبت علشان أسحب الفلوس بس قلت قبلها أكلم مدير مبيعاتهم (أمجد الفقي) وفعلا عرفت أجيب رقمه و شرحتله الموضوع و بعد بعض الأعتذارات الواهية سألني أنت كنت حاجز لون أيه قلتله فراني قالي معلش أصل اللون ده ناقص شويه و أديني أسبوع والكلام ده , مش فاهم لون أيه اللي ناقص لمده 8 شهور ,المهم قررت أسحب الفلوس لسببين العقليه الغبيه دي اللي بيضحكوا بيها على الناس و قلت تغور كيا من وش التوكيل المقرف ده اذا عملوا كده قبل ما أجيب حاجة أمال لو أشتريت و كنت عايز أعمل صيانه بقه ولا كان في عيب صناعة لا قدر الله, والسبب التاني برده ظروف عدم الاستقرار في البلد و الواحد مش عارف بكرة في أيه فسحبت الفلوس يوم الخميس 27 يناير.

أنا أسف على الأطالة بس قلت لازم أشرك رجالة كيا (اللي بحبهم جدا وليهم فضل عليا في أني حبيت كيا) وكمان أي حد مقبل على الشراء من التوكيل ودي روابط للمواضيع المختلفة اللي عملتها وأنا حاجز:
http://www.nilemotors.net/Nile/168004-a.html
http://www.nilemotors.net/Nile/187966-a.html

[MASERATI]

السلام عليكم و رحمة الله و بركاته

قدر الله و ما شاء فعل و ان شاء الله يكون خير و ربنا ييسرلك الأمور و يرزقك بواحدة شبهها بالظبط, بس ماتكونش كيا كارينز, تكون بورش كايين تربو

[meiirmeiir21]

ربنا يكرمك بأحسن منها إن شاء الله

[amooor22]

سيبك من الوكيل هاتها خليجي كماليات اعلى وتقفيل انضف

[egypt0777]

الحمد لله انك سحبتها قبل مشكله البنوك

[A.Saad]

ممكن تشوف محمد زكى وعن تعامل ناس محترمين او المتحدة
ولو نويت على محمد زكى وحبيت اى مساعدة انا معاك

[Khaled_Nowaihy]

ليه كده يا أ. كريم .. ده انت بقيت واحد من عائلة الكارينزاوية
أنا برضه اشتريت عربيتى ودفعت over
وفيه عضوة من المنتدى shery103 اشترتها وكيل من سمير ريان بسعر كويس جدا بس للأسف مش فاكر الموضوع اللى قالت فيه هذا الكلام

[yasso0101]

اسحب الفلوس من وشهم واشتريها وكيل من اي معرض بره ده استهبال

[karemof]

السلام عليكم جميعا , طبعا الرد ده متأخر جدا بس بقالي فترة ما ليش نفس أعمل حاجة خالص,

السلام عليكم و رحمة الله و بركاته

قدر الله و ما شاء فعل و ان شاء الله يكون خير و ربنا ييسرلك الأمور و يرزقك بواحدة شبهها بالظبط, بس ماتكونش كيا كارينز, تكون بورش كايين تربو

ربنا يخليك متشكر قوي لذوقك.
بقالي فترة فعلا بدور على كايين توكيل كل اللي في السوق خليجي من غير ضمان

ربنا يكرمك بأحسن منها إن شاء الله

ربنا يكرمك متشكر جدا

سيبك من الوكيل هاتها خليجي كماليات اعلى وتقفيل انضف

والله بخاف من الخليجي علشان الضمان

الحمد لله انك سحبتها قبل مشكله البنوك

الحمد لله

ممكن تشوف محمد زكى وعن تعامل ناس محترمين او المتحدة
ولو نويت على محمد زكى وحبيت اى مساعدة انا معاك

شكرا جدا لذوق حضرتك , بس محمد ذكي بيبيع كاش وانا كنت عايز قسط

ليه كده يا أ. كريم .. ده انت بقيت واحد من عائلة الكارينزاوية
أنا برضه اشتريت عربيتى ودفعت over
وفيه عضوة من المنتدى shery103 اشترتها وكيل من سمير ريان بسعر كويس جدا بس للأسف مش فاكر الموضوع اللى قالت فيه هذا الكلام

والله يا أستاذ خالد مش عارف, قعدت كل ده مستني وحصل موضوع الثورة وخفت على فلوس الحجز, ومش عارف بعد كدة قفلت ليه من ناحية كيا عموما وكمان الكارينز, يمكن علشان في ناس كتير عرفو اني حاجز فالموضوع مكملش, عموما قدر الله و ما شاء فعل أكيد ما كانش لي نصيب فيها.

اسحب الفلوس من وشهم واشتريها وكيل من اي معرض بره ده استهبال

أكيد ده حيكون تفكيري في أي عربية حفكر فيها بعد كدة

[bassemforever]

انا عملوا معايا زيك وريحت دماغى واشترها من بره وعايز اقولك هتشوف برضو مهازل لو عندك مشكلة فى العربية وبتتعامل معاهم انا كان عندى مشكلة عيب صناعة فى قاعدة الموتور روحت 3 مرات ابو رواش علشان اصلحها وفى الاخر غيرها لازم يعنى اروح 3 مرات زى ميكون بيطلعاه من لحمه الحى واخر حاجة اعندى مشكلة فى الزجاج الى جنبى بطىء جدا وسعات بيعلق روحت 3 مرات وبيرجع تانى اخر مرة قالى الكاونش عايز يتغير قولتله ماشى قاله اصله مش موجود طيب مقلش لية من الاول بدل مكل مرة اضرب مشوار لابور رواش علشان مش بيتصلح غير عندهم من الاخر توكيل زبااااااااااااااالة و كل همهم يخدوا فلوس فى الصيانات و المهندسين مع ان شكلهم محترم الا انهم عندهم لا مبالاه بجد انا اتقرفت منهم جدا

[karemof]

انا عملوا معايا زيك وريحت دماغى واشترها من بره وعايز اقولك هتشوف برضو مهازل لو عندك مشكلة فى العربية وبتتعامل معاهم انا كان عندى مشكلة عيب صناعة فى قاعدة الموتور روحت 3 مرات ابو رواش علشان اصلحها وفى الاخر غيرها لازم يعنى اروح 3 مرات زى ميكون بيطلعاه من لحمه الحى واخر حاجة اعندى مشكلة فى الزجاج الى جنبى بطىء جدا وسعات بيعلق روحت 3 مرات وبيرجع تانى اخر مرة قالى الكاونش عايز يتغير قولتله ماشى قاله اصله مش موجود طيب مقلش لية من الاول بدل مكل مرة اضرب مشوار لابور رواش علشان مش بيتصلح غير عندهم من الاخر توكيل زبااااااااااااااالة و كل همهم يخدوا فلوس فى الصيانات و المهندسين مع ان شكلهم محترم الا انهم عندهم لا مبالاه بجد انا اتقرفت منهم جدا

ما أنا قلت برده اذا أنا لسه على البر و مشترتش حاجة منهم بيعملوا في كده أمال بقى لما أكون تحت تحكمهم و أعمل الصيانات العادية أو لو في عيب صناعة زي ما حضرتك بتقول حيعملوا في أيه.
أقل حاجة كانوا كسبوني واستفادوا عميل جديد بصيانات جديدة لكن واضح أن في سياسة التعالي هي اللي بتحركهم طالما عربياتهم بتبيع يبقى مش فارق معاهم واحد جديد.