الحمد لله.. العربية اتخبطت + صور

[ahmedhossam86]

النهاردة الصبح و انا رايح الشغل و عند الاشارة اللي قبل شركة انبي.. واقفين و انا واقف في الحارة اللي في النص في امان الله.. لقيت اتوبيس ابيض كبير جاي من اقسي يميني و ضربت في دماغه يخش شمال... انا كالاكسات و زعيق و هو و لا هنا.. المهم حك في العربية و خبط الرفرف.. نزلت اشخط و ازعق و هو طبعا ودن من طين و ودن من عجين.. و الموظفين اللي في الباص بنفس الاسلوب و الثقافة اللي مش حاتتغير و لا بعد 100 ثورة.. ما يالا يا بيه.. حصل ايه يعني.. عايزين نروح مكان اكل عيشنا...فيه ايه يعني... جه صول و عسكري من الكهف كده و لا فاهمين ايه حاجة و و لا بينطقوا.. شافوا الخبطة و اتطمنوا ان في خناقة راحوا ماشيين..

عربيتي سيراتو موديل 2011 جايبها من الوكيل.. تتصلح دي في التوكيل و لا ممكن بره؟ و تتكلف كام..

[EslaM_NagY]

حاجة تحرق الدم

عموما بسيطة اللون الابيض دا يطلع ب بولش
الرفرف ع البارد حرجع زى الاول

[mido777]

بسيطة ان شاء الله
تترد على البارد ... وشوية بولش وتبقى تمام

[EngAhmedSayed]

ياعم انتا معصب نفسك عاوزك تهدى كده و على فكره
احمد ربنا انو هى بسيطه
انتا حضرتك تروح كده لواحد سمكرى قولو رودهالى على البارد هيردوهالك زى الاول و اوعى يجيب الباشبورى النار و الكلام الفاضى ده
و ابعد عن التوكيل هيبقى فتحه و نصبه
و هات بولش او روح عند بتاع واحد بتاع دوكو قولو لمعلى الحته دى
و هترجع المشوار كله ساعة زمن و متنساش تشرب كبية شاى عند كل واحد الموضوع بسيط يا صديقى
و له تزعل نفسك ابتسم انتا فى مصر

[shaddadfalcon1]

حاجه تحرق الدم والله من الجماعه بتوع الأتوبيسات دوول

ربنا يعينك ويعينا عليهم ويهديهم

[Altima]

عايز نصيحة من أخ

سيبها كدة ومتصلحهاش على طول عشان العين

[ma7oo]

سيبها شوية العربية دى محسودة والله انا معايا شارك هاى لاين برضه روحت لمعتها وياريتنى مالمعتها رجعت بقعه فى الشنطة واقع من عليها البوهيه كل اللى يشوفها يستغرب كنت هعملها بس كله قلى لا سيبها شوية تاخد العين زى مالرجاله قلولك شكلك زيى بتحب تمشى بالعربية مفهاش غلطة هههههه بس احنا كده هنتعب فى مصر ههههههه ....ربنا يحميهالك

[MISS_MONA]

الحمد لله جت بسيطه

[IsmailIbrahim]

سيبها شوية العربية دى محسودة والله انا معايا شارك هاى لاين برضه روحت لمعتها وياريتنى مالمعتها رجعت بقعه فى الشنطة واقع من عليها البوهيه كل اللى يشوفها يستغرب كنت هعملها بس كله قلى لا سيبها شوية تاخد العين زى مالرجاله قلولك شكلك زيى بتحب تمشى بالعربية مفهاش غلطة هههههه بس احنا كده هنتعب فى مصر ههههههه ....ربنا يحميهالك

100 100 صح انا بردو من النوع الي بيحب يمشي بالعربية ومافيهاش خبطة بس للاسف احنا في مصر مافيش فايدة سيبها والحمد الله انها جت على اقد كده

[mido]

عندى اختها :(

[waleedelpiloot]

الحمدالله على كدة بسيطة انا مكروباص بردوا انهاردة فى شارع الهرم تفتق الى ذهنوا انوا يحد ليمن مرة واحد الحمدالله لحقت انا كمان وحدقت ليمن وايدى على الكلاكس وماشى واعد يشوحلى جريت وراه وبوقلوا اية انتا ماشى فى صحرا قالى انتا الى اية خضتنى ياعم زطب دة ارد اقولوا اية
ابـــــــــــــــتــــــــســــــــم انتا فى مـــــــــصـــــــــــــــر ام الدنيا سابقا :(

[aaet1]

والله يا افندم لو انت من الناس اللى مابيحبوش يمشوا بالعربية وفيها مشاكل فى الشكل الخارجى وتحس ان قلبك بيتعصر كل ما تشوف حتة مجروحة أو مخبوطة - أنا كده برضه :) - يبقى انت أكيد من الناس اللى هتتعب كتير من مشيها فى شوارع المحروسة ... ده أول هام :))

أما تانى هام أنا برضه زيك عندى خبطة فى الرفرف اللى ورا وسواء الخبطة بتاعتى ولا الخبطة بتاعتك مش هيعجبك أبدا النتيجة اللى هتوصلها لو رديتها على البارد

طب والعمل: لو انت مش من الناس اللى بتقولك أوعى تلمس العربية لحسن تنزل فى سعرها والكلام الفاضى ده - من وجهة نظرى علشان ماحدش يزعل- فأنا قررت ان شاء الله هعملها مع تكنو وان ... بيستعملوا نفس نوع الدهان الألمانى اللى فى الوكيل - أنا عربيتى وكيل برضه - وكنت رحتلهم زيارة واتفقت معاهم ان الموضوع هيتم على يومين ... مرة يردوها ومرة يدهنوها فرن طبعا

التكلفة: هتكون فى حدود ال 400-450 وأعتقد ده هيكون نفس السعر معاك

تحياتى

[ger]

والله يا افندم لو انت من الناس اللى مابيحبوش يمشوا بالعربية وفيها مشاكل فى الشكل الخارجى وتحس ان قلبك بيتعصر كل ما تشوف حتة مجروحة أو مخبوطة - أنا كده برضه :) - يبقى انت أكيد من الناس اللى هتتعب كتير من مشيها فى شوارع المحروسة ... ده أول هام :))

أما تانى هام أنا برضه زيك عندى خبطة فى الرفرف اللى ورا وسواء الخبطة بتاعتى ولا الخبطة بتاعتك مش هيعجبك أبدا النتيجة اللى هتوصلها لو رديتها على البارد

طب والعمل: لو انت مش من الناس اللى بتقولك أوعى تلمس العربية لحسن تنزل فى سعرها والكلام الفاضى ده - من وجهة نظرى علشان ماحدش يزعل- فأنا قررت ان شاء الله هعملها مع تكنو وان ... بيستعملوا نفس نوع الدهان الألمانى اللى فى الوكيل - أنا عربيتى وكيل برضه - وكنت رحتلهم زيارة واتفقت معاهم ان الموضوع هيتم على يومين ... مرة يردوها ومرة يدهنوها فرن طبعا

التكلفة: هتكون فى حدود ال 400-450 وأعتقد ده هيكون نفس السعر معاك

تحياتى

طب لو اتعملت عند اى واحد سمكرى وواحد بتاع دوكو كويس هتتكلف كام علشان انا عندى حته زيها برضو

[NoRmAl]

الحمد لله وكويس انك بخير
العالم دى بارده ومش هتعرف تاخد منهم حق ولا باطل
الحمد لله على كل شىء
لو مأمن
اعملها عند التوكيل بس هتستنى كتير علشان هيغيروا الرفرف كله
لو مش مأمن اعنلها بره وهى مش صعبه ولا حاجه
وربنا معاك والحمد لله

[Simsimzo]

والله يا افندم لو انت من الناس اللى مابيحبوش يمشوا بالعربية وفيها مشاكل فى الشكل الخارجى وتحس ان قلبك بيتعصر كل ما تشوف حتة مجروحة أو مخبوطة - أنا كده برضه :) - يبقى انت أكيد من الناس اللى هتتعب كتير من مشيها فى شوارع المحروسة ... ده أول هام :))

أما تانى هام أنا برضه زيك عندى خبطة فى الرفرف اللى ورا وسواء الخبطة بتاعتى ولا الخبطة بتاعتك مش هيعجبك أبدا النتيجة اللى هتوصلها لو رديتها على البارد

طب والعمل: لو انت مش من الناس اللى بتقولك أوعى تلمس العربية لحسن تنزل فى سعرها والكلام الفاضى ده - من وجهة نظرى علشان ماحدش يزعل- فأنا قررت ان شاء الله هعملها مع تكنو وان ... بيستعملوا نفس نوع الدهان الألمانى اللى فى الوكيل - أنا عربيتى وكيل برضه - وكنت رحتلهم زيارة واتفقت معاهم ان الموضوع هيتم على يومين ... مرة يردوها ومرة يدهنوها فرن طبعا

التكلفة: هتكون فى حدود ال 400-450 وأعتقد ده هيكون نفس السعر معاك

تحياتى

+111111111111111111111111