وكيل و لا خليجى

[naguib2005]

معلش يا جماعة البال استقر على السيراتو بس السؤال انا محتار اجبها خليجى و لا وكيل
و الوكيل اسعاره كام و فئاته ايه؟

[NoRmAl]

أسعار وفئات ممكن تعرفها من أى حته
موضوع خليجي ولا وكيل
هى كل واحده ليها عيوبها ومميزتها
يعنى الخليجى سعر أقل مقابل كماليات كتيره ويمكن كمان متلقهاش فى أعلى فئه وكيل
لكن بدون ضمان ولو لقدر الله طلع فيها عيب صناعه أنت الى هتشيلها + ان مفيش مكان ترتاحله فىا لصيانه زى وكيل العربيه
الوكيل عيوبها انك هتدفع فوس قصاد كمالياتمش بطاله لكن ممكن تجيب كماليات أعلى لو جبتها وكيل وبنفس القيمه + أنك هتستنى حجز أو تدفع أوفربرايس
لكن مميزاتها أنك حاطط فى بطنك بطيخه صيفي زى مبيقولوا ولو ظهر فيها حاجه بتغيرها فى الضمان وصيانتك بتتعمل فى الوكيل وأنت مطمن أن الناس الى بتحط أديها فيها فاهمه بتعمل أيه
وفى الاخر القرار هيبقى قرارك
أنا وضحتلك الصوره لأنك متعرفش
لكن عليك انت الاختيار بأقتناع ومتخليش حد يختارلك لأن كل واحد وليه فكر
لو سألتنى فأنا رأيي لا غنى عن الوكيل
وربنا يوفقك للأصلح إن شاء الله

[pirlo2000]

امال ايه حكاية شهادة الضمان اللي بنشتريها في الخليجي؟

[madoo_600]

لا شهاده الضمان دي اشتغاله الخليجي بدون ضمان والوكيل بضمان ده من الاخر وعلى راي النجم نورمال انت ليك حق الاختيار لكن مفيش خيار هيحققلك الحاجتين

[NoRmAl]

امال ايه حكاية شهادة الضمان اللي بنشتريها في الخليجي؟

شهاده الضمان دى بتشتريها من شركات معينه زى تربل أيه أو أمان الشرق وبتبقى بامبر تو بامبر
على فكره المنتدى ليه عروض مع أمان الشرق
وهى كويسه وفعلا بتغطى عيوب الصناعه إن وجدت
لكن مشكلتها هى كفائتها مقارنه بالتوكيل
يعنى هيبقى فيه مشكله...إيمان منهم أنها عيب صناعه...رغبه فى التصليح وعلى حسابهم لكن مش عارفين المشكله منين
ودا طبيعى لأن من الصعب مقارنه أمكانات وتدريب مهندسى وفنيين التوكيل بغيرهم فى الشركات دى
لكن هى مهرب مقبول جدا لأى واحد مصر على شراء الخليجي