زينون السيراتو.. ارجو الافادة

[ahmedhossam86]

عايز اركب زينون.. بس يكون نوع نضيف بجد.. طبعا السعر مش تلات الالاف و اربعة الالاف و الارقام دي.. بس فعلا عايز نوع محترم... و يركب في الفوجات كمان..

الاسئلة بقي لاصحاب الخبرة في المجال دة:

افضل نوع؟ عند مين؟ بكام؟ هل افضل اركبه في التوكيل و لا مفيش مشكلة عنده؟ بيتعارض مع حاجة اثناء التشغيل؟ لو ركبته بره اخرج من الضمان؟

ارجو سرعة الرد........

[FunnyMickey]

زينون ايه اللي ب3000 ده

افضل زينون موجود اعتقد هوا فيليبس الالماني الاصلي
وموجود في توكيل هاشم باص وسعره 1400 تقريبا
ده اقصي سعر سمعته انما 3000 و4000 ده مسمعتوش قبل كده
حضرتك شفته فين؟.

الحاله الوحيده اللي ممكن يكون بالسعر ده يكون الواط بتاعه عالي
55 75

[ahmedhossam86]

واحد صاحبي مركب فيليبس الالماني الاصلي علي عربيته الباناميرا بــ 3500

الموجود في السوق اعتقد انه بيبقي بنسبه كبيرة تكنولوجيا ألماني لكن صناعة صينية

[FunnyMickey]

ياباشا ازاي بس
هاشم باص وكيل فيليبس في مصر
يعني مينفعش اصلا يبقي فيه فيليبس اصلي غير من عنده

هوا اللي ب3500 ده هوا اشتراه منين ؟
من بره ؟
مش ممكن يكون من فتره ؟
ماهو هاشم باص لحد وقت قريب كان ب1800 جنيه

[ahmedhossam86]

و الله يا باشا ما عندي فكرة.. بس حاسألهولك..

ابو 1800 ده كويس اوي... فين هاشم باص و هل ممكن يركبوهلي و لا اشتريه من عندهم و اركب في التوكيل ؟

[mohamedaghali]

ارابكوم يا باشا عنده الفيلبس المانى تقفيل صينى بالضمان فى حدود من 550 الى 600 للطقم وشغال زى الفل ومافيهوش اى مشاكل انا مركبه فى بى ام 320 2008 وشغال تمام وتركيبهم نضيف جدا .

[ahmedhossam86]

أنا اتصلت بالتوكيل قالولي ما عندناش زينون.. خلص و حاييجي منه كمان اسبوعين... بس مش حانركب حاجة انت جايبها من بره!!!

ثانيا مالناش دعوة لو اثرت علي ضفيرة الكهرباء..

اتصلت بهاشم باص قالولي عندنا 6000k و الطقم بـ 1300 السؤال بقي انا محتاج طقمين و لا تلاتة؟؟ انا عايز في الواطي و العالي و الفوجات....

افتكر يا محمد اقتراحك هو الافضل... ممكن نمرتهم او عنوانهم؟

[ahmedhossam86]

ارابكوم يا باشا عنده الفيلبس المانى تقفيل صينى بالضمان فى حدود من 550 الى 600 للطقم وشغال زى الفل ومافيهوش اى مشاكل انا مركبه فى بى ام 320 2008 وشغال تمام وتركيبهم نضيف جدا .

ده 6000k يا باشا؟ احتجت كام طقم.. ممكن صورة لو ينفع..

[mohamedaghali]

6000 k حتحتاج طقم للواطى وطقم للعالى وطقم للفوجات بالنسبه للسيراتو لكن البى ام ركب فوج وواطى لان العالى بيعمل error فى الكمبيوتر بتاعها ومعلش انا مابعرفش ارفع صور بس هوه نضيف جدا روح وهما عندهم تيست للاضاءه وضمانهم محترم و هما فى مدينه نصر عند النادى الاهلىالناحيه التانيه من الاوتوستراد.

[ahmedhossam86]

6000 k حتحتاج طقم للواطى وطقم للعالى وطقم للفوجات بالنسبه للسيراتو لكن البى ام ركب فوج وواطى لان العالى بيعمل error فى الكمبيوتر بتاعها ومعلش انا مابعرفش ارفع صور بس هوه نضيف جدا روح وهما عندهم تيست للاضاءه وضمانهم محترم .

طب و الضفيرة يا باشا؟ فيه اي لعب حايتعمل فيها؟ و هل محتاج اركب عدسات؟

[mohamedaghali]

انا مركب فى السيراتو من غير عدسات والضفيره مفيهاش اى مشكله ديه كلها فيش يعنى مفيش قطع سلوك على فكره ممكن تكلمنى وانا اشرحللك انا هابعتلك رقمى على الخاص