اسئله هامه لكل مالكي البيكانتو , و اتمني اجابه سريعه

[TofyGuy]

السلام عليكم جميعا و صباح الحريه,

انوي شراء سياره بيكانتو , شفت واحده حلوه امبارح , المهم صاحب العربيه عمل حاجه غريبه في الفتيس "اتوماتيك" لقيته حرك فتيس العربيه من ال p الي ال d و العربيه مش دايره ؟؟؟؟؟؟
قلتله كده غلط علي الفتيس , قلي لا كده عادي, سوالي ال كل كالكي البيكانتو 2010 الكلام ده صح علشان مش عايز اشتري عربيه و الفتيس الاقيه باظ بعد حبه
كمان في حد يقولي عربيه بيكانتو 2010 اوتوماتيك و ماشيه 15 الف تعمل كام ؟؟

[medo_sirion]

مهوة حضرتك فى زرار فى الجنب بدوس علية وبتحرك الفتيس اثناء المحرك لا يعمل
امال لو حصل ظرف والعربية عطلت وعايز تحركها من مكنها مش هنجبها لل n علشان نححر النقلة
دة موجود فى العربيات كلها متقلقش

[TofyGuy]

شكرا علي الاجابه , بس ال 2010 مفهاش الزرار ده,

[medo_sirion]

لا فيها بس انت قصدك الفتيس الزجزاك صح
هوة فى طرقتين يااما بدوس على الفرامل فممكن تحرك الفتيس عادى لاما فى زرار بس مش فى العصايا لا فى اللوجة نفسها بدوس علية بيحرر الفتيس

[sara2001]

السلام عليكم جميعا و صباح الحريه,

انوي شراء سياره بيكانتو , شفت واحده حلوه امبارح , المهم صاحب العربيه عمل حاجه غريبه في الفتيس "اتوماتيك" لقيته حرك فتيس العربيه من ال p الي ال d و العربيه مش دايره ؟؟؟؟؟؟
قلتله كده غلط علي الفتيس , قلي لا كده عادي, سوالي ال كل كالكي البيكانتو 2010 الكلام ده صح علشان مش عايز اشتري عربيه و الفتيس الاقيه باظ بعد حبه
كمان في حد يقولي عربيه بيكانتو 2010 اوتوماتيك و ماشيه 15 الف تعمل كام ؟؟

انا حركت الفتيس من ال d الى ال p والعربيه مش دايره لأنها مش هتدور الا إذا كانت على الp
ومفيش حاجه حصلت للفتيس

لا فيها بس انت قصدك الفتيس الزجزاك صح
هوة فى طرقتين يااما بدوس على الفرامل فممكن تحرك الفتيس عادى لاما فى زرار بس مش فى العصايا لا فى اللوجة نفسها بدوس علية بيحرر الفتيس

مفيش زرار في العصايا او اللوحه في موديل 2010
بدوس على الفرامل بس في بعض النقلات

[dexter]

مفيش مشكلة مش هيحصله حاجة, بالنسبة للفتيس الزجزاج ده ملوش زرار خالص.