المرايا اليمين اتخبطت وجزء من الفبر اتكسر

[sara2001]

قبل ما بيكانتوتي تتم سنه واعملها عيد ميلاد حصلها حادثه
سواق نقل خبط لي المرايا اليمين واتكسر جزء صغير من الفبر الأسود في الجنب ودخل لجوه
ينفع اغير الفبر الأسود بتاع المرايا بس ولا لازم جسم المرايا كله
سألت في التوكيل قال لازم تتغير كلها
المرايا سليمه بس فيها خدوش عميقه كشفت الدهان
والجزء المكسور في الفبر مش في جسم المرايا
ايه رأيكم اعمل ايه اسيبها كده وخلاص ولا أغيرها

[M.Elgergawy]

سبيها كدا وخلاص لان ممكن في اي وقت تتخبط تاني وهي مش باينة خالص
بس ابئي اعزميني على عيد الميلاد

[M!SHO]

من الحاجات المستفزه فى مصر....عدم الأعتراف بأن المرايا جزء من العربيه :)

اللى ماشى فى الشارع يخبطها عادى

اللى جاى فى المقابل يحب يسلم عليها مفيش مشاكل

برغم أن خبطة المرايا أخطر من خبطة العربيه نفسها ( على الللى سايق )

الخبطه لو جامده شويه ممكن الأزاز يتكسر ويطير جوه العربيه...وفعلاً حصلت مع عضو هنا فى المنتدى وقطعتله التابلوه وعورته

أقسم بالله أنى بقيت أخاف أفتح الأزاز من كتر ما المرايا بتتخبط :)

سيبيها كده ولما تبوظ خالص أبقى غيريها طالما مش مأثره فى الرؤيه...أنا عندى المرايا اليمين غير الشمال ومكبر دماغى :)

[moha4tec]

السلام عليكم
ممكن حضرتك تروح لاى حد بتاع فيبر او بيصلح او بيصب فوانيس و هو هيصبلك الحته اللى مكسوره فيبر جلاس و تروح تدهنها عند اى حد دهان الفبريكه
و السلام ختام
و مش هتكلف اكتر من 20 30 او 40 جنيه يوم ما يبقى سرقك و ممكن تتكلف 10 جنيه بس اصلا
اوعى تغير المرايه
التوكيل مبيصلحش
التوكيل بيفك و يركب مبيغيرش
و السلام ختام

[tiger45]

سيبها كده بالذات انها ممكن تتخبط وييجي واحد مؤذي يسرقها
خليها كده تشيل العين حتي

[sara2001]

سبيها كدا وخلاص لان ممكن في اي وقت تتخبط تاني وهي مش باينة خالص
بس ابئي اعزميني على عيد الميلاد

بس كده
اتفضل التورته مقدماً

من الحاجات المستفزه فى مصر....عدم الأعتراف بأن المرايا جزء من العربيه :)

اللى ماشى فى الشارع يخبطها عادى

اللى جاى فى المقابل يحب يسلم عليها مفيش مشاكل

برغم أن خبطة المرايا أخطر من خبطة العربيه نفسها ( على الللى سايق )

الخبطه لو جامده شويه ممكن الأزاز يتكسر ويطير جوه العربيه...وفعلاً حصلت مع عضو هنا فى المنتدى وقطعتله التابلوه وعورته

أقسم بالله أنى بقيت أخاف أفتح الأزاز من كتر ما المرايا بتتخبط :)

سيبيها كده ولما تبوظ خالص أبقى غيريها طالما مش مأثره فى الرؤيه...أنا عندى المرايا اليمين غير الشمال ومكبر دماغى :)

المرايا اليمين من الخبطه فتحت لآخرها من الناحيه التانيه كأنها مقفوله بس الناحيه التانيه
ودي كانت اول مره اعرف انها بتفتح 180 درجه
والمرايا الشمال لسه مخبوطه من اسبوع بس كان في الزحمه وما حصلهاش حاجه غير انها اتقفلت
وحضرتك معاك حق المرايا الشمال خطر لو اتكسرت والإزاز دخل جوه

السلام عليكم
ممكن حضرتك تروح لاى حد بتاع فيبر او بيصلح او بيصب فوانيس و هو هيصبلك الحته اللى مكسوره فيبر جلاس و تروح تدهنها عند اى حد دهان الفبريكه
و السلام ختام
و مش هتكلف اكتر من 20 30 او 40 جنيه يوم ما يبقى سرقك و ممكن تتكلف 10 جنيه بس اصلا
اوعى تغير المرايه
التوكيل مبيصلحش
التوكيل بيفك و يركب مبيغيرش
و السلام ختام

التوكيل فعلاً مش بيصلح هيغيرها كامله
طب ما ينفعش الفيبر بس هو اللي يتغير ولا ده مش بيتباع اصلاً لوحده؟

سيبها كده بالذات انها ممكن تتخبط وييجي واحد مؤذي يسرقها
خليها كده تشيل العين حتي

انا فعلاً هسيبها كده وخلاص الموضوع مش مستاهل
بس لو الجزء الفيبر ينفع يتغير لوحده هغيره

[sara2001]

نسيت اسأل سؤال مهم
هو اي حاجه تحصل في العربيه لازم ابلغ شركة التأمين
حتى لو مش عايزه اصلحها؟