أن شاء الله رايح أخلص فى كيا سول الأيام دى و محتاج مساعدتكم ضرورى

[smartchoice]

السلام عليكم ورحمة الله وبركاته

أن شاء الله خلال الأيام الجاية هروح استلم كيا سول من عند محمد ذكى
أنا كنت عايز أعرف على محمد ذكى بيعمل تخفيض و لا هيقولى ده سعر الوكيل ؟؟
ثانيا المفروض أستلم أية مع العربية و ايه الأوراق اللى هاخودها منه ؟؟؟
هو بيقولى عنده مندوب يجيبلى شهادة البيانات و عنده مندوب للتأمينات كمان فأنا بفكر أخليه يخلصلى الحاجات دى بالمرة ؟؟؟

سؤال كمان معلش أنا مش هرخص العربية فى القاهرة و هحتاج اسافر بيها فينفع أمشى بجواب المرور ولا لازم أجيب نمر تجارية ؟؟؟

مستنى مساعدتكم بس يا ريت بسرعة لأن أخوكم دى أول عربية يجيبها و قلقان جدا
و جزاكم الله كل خير

[ahmed_201091]

ربنا يوفقك انشاء الله موضوع محمد زكى مقدرش افيدك فيه عشان انا خليجى

الحاجة اللى بتيجى مع العربية
1- طفاية حريق (غير معترف بيها فى المرور )
2-مثلث عاكس
3-الاستبن و كوريك و العدة
4-شنطة اسعافات
5-طفاية سجاير

الاوراق تقريبا كل المعارض بقت تعمل التامين و كله و تسلمك العربية

النمر تقريبا لازم تجيب نمر تجارية و الله اعلم

[smartchoice]

ربنا يوفقك ان شاء الله موضوع محمد زكى مقدرش افيدك فيه عشان انا خليجى

الحاجة اللى بتيجى مع العربية
1- طفاية حريق (غير معترف بيها فى المرور )
2-مثلث عاكس
3-الاستبن و كوريك و العدة
4-شنطة اسعافات
5-طفاية سجاير

الاوراق تقريبا كل المعارض بقت تعمل التامين و كله و تسلمك العربية

النمر تقريبا لازم تجيب نمر تجارية و الله اعلم

ألف شكر على ردك و جزاك الله كل خير
و يا ريت يا شباب حد يأكدلى موضوع النمر التجارية و جزاكم الله خيرا

[MMMERO]

اعتقد ان جواب المرور بيمشيك 24 ساعة بس ولو فية ضابط غلس بعد اليوم ما يخلص ممكن يغلس عليك وخلى بالك كمان ياباشا انا سمعت انك لو علقت النمر التجارى ما ينفعش حد يبقى ورا على الكنبة يعنى السواق واللى جانبة بس انا سمعت كدة وياريت حد يأكدلى المعلومة دى
حاجة اخيرة العربية ما بيجيش معاها طفاية خالص

[smartchoice]

اعتقد ان جواب المرور بيمشيك 24 ساعة بس ولو فية ضابط غلس بعد اليوم ما يخلص ممكن يغلس عليك وخلى بالك كمان ياباشا انا سمعت انك لو علقت النمر التجارى ما ينفعش حد يبقى ورا على الكنبة يعنى السواق واللى جانبة بس انا سمعت كدة وياريت حد يأكدلى المعلومة دى
حاجة اخيرة العربية ما بيجيش معاها طفاية خالص

جزاك الله كل خير على ردك

[esam123]

جزاك الله كل خير على ردك

مبروك مقدما وربنا يحفظهالك بس اول ما تخلص تعملنا تقرير محترم

[A.Saad]

ممكن يعملك تخفيض وممكن لا
حسب مبيعات العربية
لو موجودة بيعمل
حاجة برة بتتباع باوفر برايس مش بيعمل لكن مش بياخد اوفر برايس
عامة
معرض محترم

[Ahmed R08]

مبروك مقدما وربنا يباركلك فيها ان شاء الله

وطبعا عايزين تقرير شامل
لان العربيه داخله دماغى جدا