تفتيح السيارة

[hi_nmr]

السلام عليكم ورحمه الله

ازيكم يا جماعه
انا ان شاء الله ناوي اجيب سيراتو 2011 اللي تحت الفول اوبشن علي طول
في ناس صحابي قالولي لازم تفتح العربيه اول ما تجيبها عشان تمشي بسرعه معاك
بصراحه انا مش فاهم ياعني ايه تفتيح واعمله ازاي وهستفيد منه ايه لو عملته ؟
ياريت لو حد فاهم يفهمني ويفيدني
شكرا

[ehab20101989]

http://www.nilemotors.net/Nile/211646-a.html

نصيحه بلاش سيراتو

[smartchoice]

معلش بس الكلام ده هجس و هيبوظ العربية تفتيح أية ده و العربية زيرو
المفروض أول ما تجيب العربية فى اول 1000 كم سرعتك متعديش 80 غير فى الطوارئ و مدوسش فرامل مفاجأة بردو غير فى الطوارئ و الأر بى أم ميعديش 4000 و يستحسن 3000 و فى الكتالوج كاتبين يكون بين 2000 و 4000 و كمان لازم متمشيش على سرعة واحدة يعنى تغير بين السرعات و متعملش تسارع مفاجأ أبدا

و التليين هو اللى يخلى العربية تبقى كويسة معاك بعد كده و يستحسن تعمل بيها مشاوير طوالى فى الأول
أنما التفتيح ده معناه أنك تعد تحرق على الموتور و تجيب أقصى تسارع و تجيب سرعات عالية و ده مش فى الأول خالص و ملوش لازمة لأنه هلك للعربية على الفاضى
و ألف مبروك و ربنا يتمم شراها على خير و يباركلك فيها

[smartchoice]

http://www.nilemotors.net/nile/211646-a.html
نصيحه بلاش سيراتو

نصيحة متصدقش كل اللى بتسمعه
و كل حاجة على قد تمنها و مهما كان كل العربيات اللى فى مصر تعبانة و اى كلام و لولا الجمارك كان تمانها زى الفرنا فعلشان كده لازم اللى بيشترى يكون عارف ان الكمال لله واحده و يبقى عارف ان السيراتو أو غيرها على قد فلوسه
و ربنا يوفق الجميع للى فيه الخير

[hi_nmr]

شكرا جزيلا علي سرعه الرد ما شاء الله فعلا منتدي ممتاذ
اشكرك بشكل خاص يا smartchoice علي اجابتك
فعلا استفدت منك كتير

[M.Akef]

فعلا كلام حضرتك صح في كدا و في كدا في الي بيفتحها اول ما بيشتريها(و دا العربيه مش فرقه معاه) و في انسان طبيعي بيحافظ علي عربيته بيفتحها بعد ال1000 و في بعد 1500 كمان حفاظ علي العربيه اكتر
لو فتحت العربيه اول ما اشترتها ادائها يبقا عالي عن المعتاد معاك ديما لكن الموتور مش هيطول
اما لو فتحتها بعد فتره التليين الطبيعيه هتكون حفظت علي موتورك و مع الوقت ممكن توصل لتسارع عالي زي الي فتحها اول ما اشتراها
لان العربيه بيجي الكبس بتعها حوالي 93% و الطبيعي يبقا 80 75% فهو بيضغط علي الموتتور بقوه و هو كبسه عالي فيتفتح معاه و الecu يتعدو علي الجري من الاول اما لما تفضل تلين الموتور بيطبع كويس و يوصل لكبس 85% مثلا فبيبقا صعب انك تقلل نسبه الكبس زي الي بيفتحها اول ما يستلمها(دا الي انا فهمته في هذا الاتجاه و الله اعلم)

عموما حضرتك لازم تقدي فتره التليين بين 2000rbm و 4000 زي ما قال الاخ الكريم و مدسشي فرامل جامد بردو و بعد صيانه ال1000 و يستحسن انك تفضل بعدها ماشي طبيعي ل1500 و حاجه حاجه تقرص و تجري مش قفش مره واحده علي الاقل تكون اتعود علي العربيه
تقبل تحاتي
وشكرا

[sharpvision]

smartchoice وmedoakef الله ينور عليكم بجد استفدت جامد من الكلام ده

[hi_nmr]

معلش يا اخ ميدو ممكن توضح ياعني ايه كبس 93% و 80 % مفهمتش تقصد ايه

[Jackson]

كلام medoakef صح الصح وفعلا ده اللى لازم يتعمل اول 1000 كيلو

لكن لو هتتكلم فى التفتيح اللى هما قصدهم عليه زى استاذ Yasserelsayed اللى معانا هنا وبعتبره هو اللى حببنى وخلانى اركب كيا سيراتو والحمد لله طلع اختيار موفق كل اللى عمله استاذ ياسر انه خلى العربيه بتاعته تجمع من صفر لــ 100 فى عشر ثوانى وعمل برضوه رقم اقل من كده بس مش فاكر هو كام بالظبط وسيبك من اى كلام ممكن تسمعه لان فى ناس تخصص شتيمه فى العربيه دى وخلى بالك 90 % من الناس دى بيشوفوا الشكل الخارجى بتاع العربيه بس هى دى كل معلوماتهم عنها . المهم انت معاك حاجه فى العربيه اسمها الاستبترونك ده المانيوال بتاع العربيه اتعامل بالمانيوال وده اللى انصح بيه كل اللى عربياتهم استبترونك بيقوى من عزم العربيه مبيجرحش العربيه زى ما بتدى كيك داون ( مفاجىء) ولو الطريق قفل مره واحده تعرف تلم نفسك بتسقيط الغيارات .. وربنا يسترها علينا وعليكم

[M.Akef]

معلش يا اخ ميدو ممكن توضح ياعني ايه كبس 93% و 80 % مفهمتش تقصد ايه

دا المقصود بيه نسبه الاحتكاك داخل الموتور عشان كدا لما بتكون العربيه لسه بتلين و تكبس تشم ريحه حريق دا بسبب نسبه الكبس العاليه الي هي الاحتكاك الشديد بين اجزاء الموتور

[hi_nmr]

ياعني المفروض الواحد يلين لـ 1500 كيلو بعدين يعمل اللي هوا عاوزه
صح الكلام ؟؟

[M.Akef]

صح يا باشا دا الافضل

[fahd_628]

دا المقصود بيه نسبه الاحتكاك داخل الموتور عشان كدا لما بتكون العربيه لسه بتلين و تكبس تشم ريحه حريق دا بسبب نسبه الكبس العاليه الي هي الاحتكاك الشديد بين اجزاء الموتور

لأ مش دة المقصود

المقصود بالكبس هوة احكام البستم عدم تسريب ضغط فى شوط الكبس !

[M.Akef]

لأ مش دة المقصود

المقصود بالكبس هوة احكام البستم عدم تسريب ضغط فى شوط الكبس !

ولله يا باشا انا رديت علي حد فهمي و دا انا قلته في الرد الاول لكن عموما انا شايف ان الردين متقاربين لبعض احتكاك يعني احكام و احكام يطلق عليه كبس واحد يا باشا في بتها:b4_033:

[ghazy12]

التفتيح بيكون للموتور يا باشا, و مافيش حد بيفتح الموتور او بيقرص عليه
قبل الـ1000 كم... و رأي لحد 1500 كم كمان ان أمكن بعد تغيير الزيت

بعد كده ابدأ فكر في التفتيح, و انا كنت شرحت بالتفصيل قبل كده طريقة
التفتيح من وجهة نظري, و اللي طبقتها في عربيتي و النتيجه ممتازه فعلاً

عموماً انا هشوف اللينك و يا ريت الاقيه...

تحيــاتي...