هابيع عربيتى

[solid_khaled]

يا رجالة انا هابيع السيراتو انهاردة 2010 ماشية 13000 SX وكيل بدون فتحت سقف وانا كنت بايع الجانت 17 و الكاوتش وحاطط كاوتش 15 طاسات الاكصدام الخلفى كان مخبوط وانا رديتو بس فى حتة مكسورة

المهم العربية جايبالى 90 الف لحلوح دة شايفينة سعر حلو ولا وحش ؟

[Deshahcoka]

ده يعبر من الاخر :( انا سمعت في بتاعتي و يا بجنطها و ماشية 40 الف بيقولوا 80 الف :(

حاجة تحرق الدم و تشد في شعرك ... كنت جايبها ب 122 الف والله :( و تجيب 80 الف بعد سنة .... ربنا يسسسسسسسسسسسسستر :( و لسه عاوز يتصرف عليها قد كدة ..

انا شايف حسب ما سمعت انوه كويس ... ربنا معاك و يوفقك

[sharpvision]

يارجاله ما تنسوش ان سوق المستعمل واقع واى حد عاوز يبيع عربيته بيجيبولوا سعرها فى الارض لو مستعجلين والسعر كويس بالنسبه لكم على بركة الله طبعا ,, انما مش عارف متهيألى انه سعر قليل شويه والعربيه مكملتش سنه تخسر فيها 30 الف جنيه ....

[solid_khaled]

يعنى ابيع وانجز ؟ فعلا انا حاسس الاسعار نزلت يعنى السيفك دلوقتى 2009 بى 115-120 وقبل الثورة كانت بى 130

طب مثلا عربيتى تجيب كام ؟

[mido]

ايه هو سبب البيع؟
ممكن تبص في كونتاكت وتعرف الاسعار وحتي تكلم واحد او اتنين تعرف باعو علي كام

[AHMED1718]

طبيعي ان اول سنة للاستعمال بينزل سعر العربية حبا حلوين وبعدين بيثبت السعر لفترة نقول سنة مثلا ونبدأ بقا ننزل كل سنة على حسب الحالة والموديل



بس نصيحة متبعش ولا تشترى دلوقتى وسيبك من اللى يقولك تنزل 30 الف والكلام الفاضى ده



هيا ماكسيمم تنزل من 10 ل 15 الف ف اول سنة استعمال لو مفيش مشكلة فيها وفبريكا

[solid_khaled]

الحمدلله بعد صلاة الاستخارة

تم البيع على 92 ألف جنيه أنا بعت طبعاً عشان بقالي سنة و نص شاريها و العفشة تعباني مبعرفش أجري بيها عشان عارف اني لو لبست في حفرة جسمي كلو حيترزع
بس بصراحة هي العفشة نعمت شوية بس مش كتير و الله الموفق و يرزقني بالي أحسن منه

[Deshahcoka]

ربنا يكرمك و الف مبروك يا باشا :) كويس انوا حضرتك رديت بالسعر النهائي :) طمنتي والله :)

[hmotors]

الحمدلله بعد صلاة الاستخارة

تم البيع على 92 ألف جنيه أنا بعت طبعاً عشان بقالي سنة و نص شاريها و العفشة تعباني مبعرفش أجري بيها عشان عارف اني لو لبست في حفرة جسمي كلو حيترزع
بس بصراحة هي العفشة نعمت شوية بس مش كتير و الله الموفق و يرزقني بالي أحسن منه

ربنا يرزقك بأحسن منها يارب، بس هوحضرتك ناوى تشترى ايه ؟ والسبب الوحيد الى خلاك تبيع العربية النوشفية بس والافى حاجة تانية؟

وكمان شايف فى مع حضرتك دايو لانوس، اعتقد انها انشف من السيراتو!
.

[mohamedhamed]

يعني يا جماعة على شهر 11 كدة العربية ممكن توصل لكام بس تكون حالة نطيفة ممكن تقل لكام اصلها عجباني اوي اوي كشكل وكموتور باستثناء العفشة اللي كلة بيشتكي منها ؟؟؟
وانا الصراحة محتار بينها وبين ميتسوبيشي لانسر البومة 1600 سي سي

[ma7oo]

انصحك لانسر 1600 طبعا

[solid_khaled]

ربنا يرزقك بأحسن منها يارب، بس هوحضرتك ناوى تشترى ايه ؟ والسبب الوحيد الى خلاك تبيع العربية النوشفية بس والافى حاجة تانية؟

وكمان شايف فى مع حضرتك دايو لانوس، اعتقد انها انشف من السيراتو!
.

انشالله ناوي أدور على سيفك أو جيتا 2009 اللانوس العفشة أنعم أكيد مل سيرتو أنا شايف الصراحة و بدون محد يزعل مني السيرتو اخرها عربية بناتي أو لست أو رجل كبار

عشان بيسوق براحة فمش هيحسه بهبدت العربية

[alaadeen55]

العربية لو موجودة انا شارى

[solid_khaled]

اتباعت يا باشا