كيا 2010 بصمة - وتركيب الانذار

[mezo_1978]

السلام عليكم
السادة الزملاء
انا معايا كيا موديل 2010 بصمة جميع الكماليات . بعد ما سمعت عن موضوع كثرة سرقة السيارات فكرت اركب جهاز انذار . فهل جهاز الانذار ينفع يركب للعربية البصمة . ولو ينفع هل بيبقى على نفس الريموت بتاعها ولا لازم ريموت جهاز الانذار
وايه احسن نوع موجود فى السوق واركبة فين ؟

[NAGUIB]

مستني رد معاك
شريك متضامن.....

[smartchoice]

أنا مركب أنذار فى الوكيل ب 650 جنية شامل التركيب بس أنا عربيتى مش بصمة فممكن تسأل بالتليفون لو ينفع يركب عندك و بيبقى على نفس ريموت العربية

رقم الوكيل 19542

[Atrees]

انا ركبتة انهاردة في التوكيل ب 680 جنية - وطريقة تركيبة انة بيتركب علي ريموت العربية لانة بياخد بعد مش قبل الكنترول بتاع الفتح والقفل بتاع العربية


يعني كل وظائف المفتاح شغالة - بمجرد ما بتقفل بيعمل arming للانذار والعكس

[hi_nmr]

شكرا علي الافادة

[hmotors]

انا ركبتة انهاردة في التوكيل ب 680 جنية - وطريقة تركيبة انة بيتركب علي ريموت العربية لانة بياخد بعد مش قبل الكنترول بتاع الفتح والقفل بتاع العربية


يعني كل وظائف المفتاح شغالة - بمجرد ما بتقفل بيعمل arming للانذار والعكس

ربنا يخليك على المعلومات المفيدة دى والف مبروك ويارب يحفظنا جميعا إن شاء الله.

بس ياريت حضرتك تقولنا تقييمك ايه لجودة التركيب والحرفية العامة وهل كان فى اى ملاحظات لحضرتك على التركيب؟ ظهور اسلاك ، اثار خدوش فى منطقة التركيب، هل فى لمبه لجهاز الإنزار وبتركب فين إذا موجودة ؟




.

[Atrees]

ربنا يخليك على المعلومات المفيدة دى والف مبروك ويارب يحفظنا جميعا إن شاء الله.

بس ياريت حضرتك تقولنا تقييمك ايه لجودة التركيب والحرفية العامة وهل كان فى اى ملاحظات لحضرتك على التركيب؟ ظهور اسلاك ، اثار خدوش فى منطقة التركيب، هل فى لمبه لجهاز الإنزار وبتركب فين إذا موجودة ؟




.

تقييم التركيب اولا :


نظافة الفك للتابلو : 99%
نظافة وجودة الوصلات : 90%
التقفيل : 99%
اماكن التركيب : ممتاز - لا يوجد اي وصلات او اسلاك او بروز من اي نوع

الجهاز والحساس مخفيين تماما - اكن مفيش حاجة ركبت

الحاجة الوحيدة اللي باينة هي اللنمبة ( دي الحاجة الوحيدة اللي مش عاجباني )


الجهاز لسة حجربه من ناحية التعليق او الجودة

الجهاز ماركة اسمها afd

بس ما لقتش اي حاجة تقول تصنيع اية ( بس من الاخر الجهاز والوصلات بضمان التوكيل ) ودة المهم

الجهز في خصائص كتير قوي بس اغلبها العربية بتقوم بيها لو بريموت

الظريف بقي - ( panic mode ) شغال زي العادي علي الكلاكس يعني لو عاوز تقوم حد من علي العربية من غير ما تضرب انذار - شغل المزعج ال panic mode

[hmotors]

تقييم التركيب اولا :


نظافة الفك للتابلو : 99%
نظافة وجودة الوصلات : 90%
التقفيل : 99%
اماكن التركيب : ممتاز - لا يوجد اي وصلات او اسلاك او بروز من اي نوع

الجهاز والحساس مخفيين تماما - اكن مفيش حاجة ركبت

الحاجة الوحيدة اللي باينة هي اللنمبة ( دي الحاجة الوحيدة اللي مش عاجباني )


الجهاز لسة حجربه من ناحية التعليق او الجودة

الجهاز ماركة اسمها afd

بس ما لقتش اي حاجة تقول تصنيع اية ( بس من الاخر الجهاز والوصلات بضمان التوكيل ) ودة المهم

الجهز في خصائص كتير قوي بس اغلبها العربية بتقوم بيها لو بريموت

الظريف بقي - ( panic mode ) شغال زي العادي علي الكلاكس يعني لو عاوز تقوم حد من علي العربية من غير ما تضرب انذار - شغل المزعج ال panic mode

ربنا يباركلك ويحفظك يابشا، والف شكر على مجهودك.

[Arabino]

بص يا باشا انا عربيتي Kia Cerato SX Highline 2011 بصمه و لسه مركب الانذار بتاعها الاصلي ب 200 جنيه بس بالتركيب ضمان 5 سنين و عربيتي خليجي و الجهاز قمه ف الروعه بيتوللف على الكرت الاصلي بتاع العربيه
ركبته ف المركز سبير كار اللى ف القاهره الجديده ورا شركه ناتا و ناس صراحه قمه ف الادب و الزوق و الاخلاق و الفنيين اللى عندهم ماشاء الله نضاف جداااااااااااااااااااااااا بجد ميتوصفوش...
و الانذار شغال مع بصمه الباب و الشنطه و اى حد يلمس العربيه بتعمل فضيحه ف الشارع و لما بتبعد عن العربيه بتعد تصوتلك و تقولك تعالا اقفلنى يا مسطول ههههههههههههههههه متخدش فبالك من التهييس اثر ان الساعه 6 الصبح ماعلينا
لو حد عايز يستفتسر منى على اى حاجه ف السيراتو يبعتلى عالخاص لانى مش متواجد عالطول

[mido]

ايه اللى يخليه يفك التابلوه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mezo_1978]

بص يا باشا انا عربيتي kia cerato sx highline 2011 بصمه و لسه مركب الانذار بتاعها الاصلي ب 200 جنيه بس بالتركيب ضمان 5 سنين و عربيتي خليجي و الجهاز قمه ف الروعه بيتوللف على الكرت الاصلي بتاع العربيه
ركبته ف المركز سبير كار اللى ف القاهره الجديده ورا شركه ناتا و ناس صراحه قمه ف الادب و الزوق و الاخلاق و الفنيين اللى عندهم ماشاء الله نضاف جداااااااااااااااااااااااا بجد ميتوصفوش...
و الانذار شغال مع بصمه الباب و الشنطه و اى حد يلمس العربيه بتعمل فضيحه ف الشارع و لما بتبعد عن العربيه بتعد تصوتلك و تقولك تعالا اقفلنى يا مسطول ههههههههههههههههه متخدش فبالك من التهييس اثر ان الساعه 6 الصبح ماعلينا
لو حد عايز يستفتسر منى على اى حاجه ف السيراتو يبعتلى عالخاص لانى مش متواجد عالطول

متشكر جدا على الشرح
كنت عاوز اعرف هل قامو بفك اجزاء من التابلوة ؟؟
والمدى بتاع جهاز الانذار قد ايه
وممكن شرح مفصل لمكان التركيب انا اصلى مش اعرف قوى القاهرة الجديدة

[Arabino]

باشا انتا مالك و مال التابلوه مش هما اللى هيفكوا و يركبوا هههههههههههه و بعدين انتا مالك برضوا و مال المدي انتا معاك كرت العربيه بيتمشي بيه زي منتا عايز على حسب مدي الكرت مش مدي الانذار
وبعدين انتا اهم حاجه عندك هل بيعمل زماره ولا لا وصوتوا عالى ولا لا

الانذار ما هوا الا جهاز تنبيه يا باشا بوجود حد بيلعب ف العربيه ملوش دعوه بالمدى او بفك التابلوه و بعدين يفك التابلوه ليه هوا هيعمل براءه اختراع ههههههههههههههههه

كل اللى بيعمله بيقطع شويه سلوك تحت رجلك الشمال و ركب يا معلم و شغل و الله احسن من التوكيل من اللى انا شفته مفيس سلك باين ف العربيه ولا حتى بتاع السرينه اللى ادام كله ف المستخبي خالصصصصصصصصصصصصصصصصصصصصص

[Cutevampire]

[QUOTE=Arabino;3873426566]بص يا باشا انا عربيتي Kia Cerato SX Highline 2011 بصمه و لسه مركب الانذار بتاعها الاصلي ب 200 جنيه بس بالتركيب ضمان 5 سنين و عربيتي خليجي و الجهاز قمه ف الروعه بيتوللف على الكرت الاصلي بتاع العربيه
ركبته ف المركز سبير كار اللى ف القاهره الجديده ورا شركه ناتا و ناس صراحه قمه ف الادب و الزوق و الاخلاق و الفنيين اللى عندهم ماشاء الله نضاف جداااااااااااااااااااااااا بجد ميتوصفوش...
و الانذار شغال مع بصمه الباب و الشنطه و اى حد يلمس العربيه بتعمل فضيحه ف الشارع و لما بتبعد عن العربيه بتعد تصوتلك و تقولك تعالا اقفلنى يا مسطول ههههههههههههههههه متخدش فبالك من التهييس اثر ان الساعه 6 الصبح ماعلينا
لو حد عايز يستفتسر منى على اى حاجه ف السيراتو يبعتلى عالخاص لانى مش متواجد عالطول[/QUOTE


كام سؤال بعد اذنك
ايه هو نوع الانذار بالظبط ؟؟ و هل يا تري كدة ركب علي مفتاح العربية الاصلي ؟
و يا تري موجود في كل فروع سبير كار ؟؟؟

[Arabino]

نوعه spy ادونى عليه ضمان 5 سنين
و اه بيركب على الكرت الاصلي بتاع العربيه
معرفش و الله يا باشا انا ركبته ف فرع القاهره الجديده

[Cutevampire]

نوعه spy ادونى عليه ضمان 5 سنين
و اه بيركب على الكرت الاصلي بتاع العربيه
معرفش و الله يا باشا انا ركبته ف فرع القاهره الجديده

بس اللي انا فاهمه ان في التوكيل مش بيركبوا spy
بيركبوا نوع تاني كدة ..

ازاي في سبير كار قالولك ده الاصلي ؟؟؟ مش فاهم الصراحة ؟