الرجاء النصيحة بخصوص كيا شوما 99 معوقين

[mas0h]

السلام عليكم ورحمة الله وبركاته

أنا معروض عليا عربية كيا شوما موديل 99

مانوال

والعربية بتاعة معوقين يعنى لسه فيها خمس سنين حظر قيادة لغير المالك وطبعا انا مش المالك

عامله 60000 كيلو موتور 1500 مرايات وزجاج كهربا, بدون فتحة سقف

5 جنوط اسبور والعربيه حالتها ممتازة من ناحية العفشة والموتور

انا مش خبير فى العربيات بس وريتها لناس بتفهم وقالولى العربية ممتازة

السؤال بخصوص القلق اللى مع عربيات المعوقين, هل تنصحونى بشراءها؟ وايه نوعية المشاكل اللى ممكن تقابلنى على الطريق بالنسبة للمرورو لو قررت انى اشترهيا؟

ثانيا سعر العربية المطلوب 33 الف جنيه ولسه حوالى 1000 فى الترخيص يعنى هدفع حوالى 34 الف , هل السعر المطلوب مناسب؟

شكرا جزيلا على الاهتمام

[Esam Mosaad]

نصيحه من اخوك فى الله

ابعد عنها وابعد عن اى عربيه معاقيين وبلاش قلق لنفسك 5 سنين
انا صحبى كان بيتاجر فيهم لحد متمسك فى مره واتخدت منوا العربيه ومفيش
ما يثبت انوا المالك بتعها والفتره ديه الدنيا قلق جامد ومتعرفش بعد سنه بتوع المرور هيعملوا ايه
ادفع كمان 10 واشترى عربيه تشترى بيها نفسك

[max_ziro]

فعلا بلاش منها
دة ب الاضافة ان تمنها زيادة حوالى 10000 جنية لو هتنزل تجيبها من الشون و تطلع ب اسمك ..

[heshamzaky]

العربية الاستيراد أحسن من المحلى بس مينفعش تشتريها دة مخالف للقانون و لو أتطبق القانون عليك صح حا تتسحب العربية و المعاق صاحبها يتأذى و تتصادر العربية و ممكن يبات فى القسم و قضية .العربيتين الى معايا كانو أستيراد بس مدفوع الرسوم الجمركية و تم فك حظر البيع وقت القانون القديم حايا مش حا يعرف يبيعها حتى لو دفع الرسوم بتاعتها قبل أنتهاء فترة الحظر

[akmall]

بلاش ابعد عن وجع الدماغ افرض لا قدر الله عملت حادثة هيحصل ايه

[mas0h]

السلام عليكم ورحمة الله وبركاته

شكرا جزيلا يا جماعة على الرد والاهتمام واسف على التأخير فى الرد بس كان عندى ظروف.

بصراجة الموضوع مغرى جدا والعربية حالتها شبه زيرو وكمان اللى مشجعنى اكتر ان كام واحد من اصحابى ماشيين بالعربييات دى بقالهم اكتر من 4 او 5 سنين ومفيش مشاكل وكل يوم فى محافظة بحكم انهم تجار وبيلفوا المحافظات


طيب سؤال يا جماعة. لو انا عاوز اشترى الشوما بالحالة دى بس غير بتاعة المعاقين, سعرها يوصل كام؟ ولو حد عنده او عند اى اصحابه حاجة يا ريت يقوللى.

[max_ziro]

للاسف مش متوفر حاجة بسهولة دلوقتى بس ممكن تدور فى كونتاكت كار و المواقع المشابهة

و ممكن لو حالة نضيفة جدا توصل ل 45 الف

[mas0h]

للاسف مش متوفر حاجة بسهولة دلوقتى بس ممكن تدور فى كونتاكت كار و المواقع المشابهة

و ممكن لو حالة نضيفة جدا توصل ل 45 الف

معلش يا باشا بس انا محتاج شوية تفاصيل عن الحالة النضيفة جدا اللى حضرتك قلت عليها
علشان انا شفت كام عربية فى الفترة اللى فاتت واصحابها طالعين فى العالى ومن وجهة نظرى حالتهم مش نظيفة جدا