رجالة السيراتو هاتجنن ارجوكم المساعدة ضروري

[akmall]

يا جماعة عاوز اشنري السيراتو ex رحت الوكيل قال 118000 معرض قالي خصم 2000 عشان تبقى 116000 واحد قال 114000 اخيرا وصلت معرض 112000

وكل دول قالولي هنديك ضمان الوكيل اللي هو 5 سنين او 100000 كم

ولما سالت فى الوكيل قالي احنا بنخرجها ب 114000 للموزع وممكن يديهالك ب 116000 لكن اقل من كده صعب

ولما سالت الناس اللي اعرفهم واحد قالي ابو 112000 دي خليجي بس مدخلها الضمان بالاتفاق مع الوكيل

وواحد تاني قالي دي زي بتاعة الوكيل بس المستورد مدخلها باسمه تحت مظلة الوكيل والوكيل بالبلدي بياخد حسنته على كل عربية

وواحد تاني افتكس وقالي اكيد العربية هيكون فيها حاجة وخوفني

بجد محتار وهاتجنن ايه الصح واعرف منين مصدر العربية وسنة صنعها وتاريخ دخولها البلد واثق ازاي فى اللي بيبيع ليا ان العربية مش ملعوب فيها



ارجوكم الافادة بجد هاتجنن ومحتار

[wonder11]

إختار عربية ومتدفعش تعريفة من ثمنها خد ال vincode بتاعها إدخل على : http://www.kia-hotline.com/Main/Main.asp
إعمل register ....دخل الكود ...إضغط على parts catalog .هتفتحلك صفحة تانية ..إستنى شوية لحد ما تحميل الصفحة الجديدة يخلص ...دخل الكود تانى فى الصفحة الجديدة ...هتطلعلك كل بيانات العربية ... مواصفتها مصرى ولا غيرة ...كل بيانات العربية بالكامل ....محدش هيقدر ينصب عليك ....حاجة تانية إستنضف المعرض ..فية معرض هنا فى م.نصر كويس إسمة السعداوى وبيدى أسعار حلوة فى الخليجى ...ربنا معاك