مخنوق جدا جدا جدا

[jimmy86]

ازيكم ياشباب عاملين ايه ان شاء الله تكونوا بخير ملخص الموضوع ان خير اللهم اجلعه خير وانا في توكيل روكسي كنت بشيك على شوية حاجات في العربيه (نيوسيراتو مانيوال ) قولت لما اسال على جهاز الانذار ممكن يركب عندهم ولا لاه علشان كنت سمعت انه في ابورواش وبس قالي اه ياباشا قولتله قشطه بكام قالي ب 640 جنيه انا فضلت واقف كده شويه بحسبها في دماغي وقولت لنفسي الواحد يعمل الحاجه ده في التوكيل علشان ماوديهاش لحد ويطلع مابيفهمشي حاجه ويلعبله في كهربة العربيه ويبظلوا الدنيا واكيد ان التوكيل هايبقى فاهم بيعمل ايه قولت قشطه ركب ياعم الحج حلو الكلام قالي استنى 3 ساعات قولتله قشطه المهم بعد ماستلمت العربيه قشطه وكله تمام روحت بيها هنا بقى حصلت المشكله اني نزلت بليل بالعربيه وجت عربيه قدامي ماشيه براااااااااحه جدا قولت ارعش نور علشان اعدي وهنا بقى حصلت المفاجاه الرعااااش مش شغاااااااااااااااااال فاتخنقت احرك الدراع تاني بردوا مفيش فاتخنقت اكتر قولت طب النور العالي حركت الدراع بتاع النور لقدام علشان اجيب العالي بردووووا مفييييييش بقييييييييييييييييييييييييت بقى في اللحظه ده مخنوق جدا يعني انا مودي العربيه التوكيل علشان اعمل حاجه بنضافه وكده يقوم يطلع الشغل المعفن ده ده الواحد لو كان عملها عند الواد دقدق الكهربائي كان عمله شغل احسن من كده مليون مره المهم تطورات الموضوع اني قولت اكلم خدمة العملاء علشان اقولهم الحوار وكده حسيت بلغة غريبه وربنا يستر قالي يمكن يكون العيب من دراع النور او في كهربة العربيه قالي انا هاوصلك بمهندس فرع روكسي واحكيله المشكله بس طبعا مش دلوقتي لان دلوقتي الصيانه وكده قافله فكلمني بكره الصبح علشان نشوف الموضوع ده وعلشان لو احتجت لقدر الله لدراع النور اوصلك بقطع الغيار علشان تسالهم ان كان عندهم ولا لاه المهم بقى ايه بقى الغريب اللي حسيته من صوته ان في نبرة اتهام في صوته ان يكون انا اللي بوظت الحاجه ده وان انا اللي مسؤول عن الموضوع ده وان لو طلع في حاجه هادفع فلوس نتيجة لذلك فربنا يستر على العموم بكره ان شاء الله كله يبان وربنا يسهل انا كنت مخنوق فقلت افضفض معاكم ونصيحه مش عارف صح ولا لاه خد الحاجه من التوكيل وركبها بره علشان تبقى كل حاجه تحت عينك وهي بتتركب مش نظام خد البطيخه ياباشا وانت وبختك لا تطلع حمرا لا تطلع قرعه طبعا موضوع النور ده مايجيش في بالك انه يحصل انت اهم حاجه انك تجرب الانذار الحاجه اللي انت مركبها مش علشان تركب حاجه في العربيه تقوم مراجع على كل حاجه تانيه ويلا الله المستعان وحسبيا الله ونعم الوكيل ومعلشي صدعتكم معايا

[yasserelsayad]

متكلمش خدمة العملاء تانى
انت بكره الصبح تتطلع على طول على التوكيل وتتروح للمهندس اللى كان معاه العربية لما ركبت الانذار

[hi_nmr]

صح الكلام
انت تطلع وش علي نفس المشمهندس ده وتفحمه بشغله اللي اي كلام

[Hossam_Zaky]

فعلا ارجع التوكيل للمهندس اللي سلمها لك و حط وش خشب و خللي نبرة صوتك كأنك علي أخرك و مستني حد تطلع فيه غيظك ( أنا مش بهزر بتكلم بجد ) و لو حسيت مجرد أحساس ان فيه نوع من التجاهل أو حيقلبو الموضوع سوء أستخدام أو حتي صدفة أن النور باظ لما ركب الأنذار و حتدفع فلوس , وقتها عللي صوتك زي مانت عاوز
و أنا أعتقد أن الموضوع ممكن يكون فيشة أو فيوز بس , لكن عن أكثر من تجربة دي الطريقة المثلي عشان تاخد حقوقك في مصر ( وفي التوكيلات بالذات ) و أي طريقة تانية ألطف بتكون أستثناء و ليس مبدأ

[jimmy86]

شكرا والله ياجماعه على مشاركتكم الجميله وان شاء الله بكره هاروح واشوف ايه الكلام والله المستعان

[msco]

ابقى طمنا ياباشا عملت اية وربنا معاك

[ahmed_h_g]

حقك لازم تاخده

[kono]

فعلا ارجع التوكيل للمهندس اللي سلمها لك و حط وش خشب و خللي نبرة صوتك كأنك علي أخرك و مستني حد تطلع فيه غيظك ( أنا مش بهزر بتكلم بجد ) و لو حسيت مجرد أحساس ان فيه نوع من التجاهل أو حيقلبو الموضوع سوء أستخدام أو حتي صدفة أن النور باظ لما ركب الأنذار و حتدفع فلوس , وقتها عللي صوتك زي مانت عاوز
و أنا أعتقد أن الموضوع ممكن يكون فيشة أو فيوز بس , لكن عن أكثر من تجربة دي الطريقة المثلي عشان تاخد حقوقك في مصر ( وفي التوكيلات بالذات ) و أي طريقة تانية ألطف بتكون أستثناء و ليس مبدأ

+1111

[Atrees]

متقلقش - صدقني ممكن يكون عيب تركيب من الصنايعي - بس توكيل كيا توكيل محترم - ولو حتوصل انه يغير الضفير كلها لا قدر الله - حيغيرها صدقني - انا مجربهم في الموضوع دة

خليك حاد في التعامل بس بشياكة - حازم معاهم بس متغلطش - المهندسين مهما كانو هم زي وزيك بني ادم واحترامة واجب


علي فكرة انذار التوكيل بالضمان وكمان الضفيرة ضمانها شغال لاخر مدة الضمان - متقلقششششششششش

[elmkaneeki]

المهن طمنا لما تيجى ان شاء الله

[mmffor]

ان شاء الله بسيطة
تلاقي الكهربائي ساب سلك مفكوك او حمل على فيوز راح اتحرق

ازاي نيو سيراتو موديل 2011 مفيهاش انزار اصلا!!!

[hi_nmr]

ها عملت ايه ياباشا ؟؟

[kono]

مفيش جديد ؟

[jimmy86]

انا كلمت الباشمهندس اللي عملي الحاجه في العربيه قالي ان شاء الله بسيطه وحددلي ميعاد يوم الاحد القادم ان شاء الله وقالي ماتقلقشي لو في حاجه لقدر اللي هاتبقى علينا وان شاء الله يوم الاحد القادم هاقولكم ايه اللي حصل بالتفصيل وربنا يسهل ومش عارف اشكركم ازاي على وقفتكم جنبي

[hi_nmr]

انا كلمت الباشمهندس اللي عملي الحاجه في العربيه قالي ان شاء الله بسيطه وحددلي ميعاد يوم الاحد القادم ان شاء الله وقالي ماتقلقشي لو في حاجه لقدر اللي هاتبقى علينا وان شاء الله يوم الاحد القادم هاقولكم ايه اللي حصل بالتفصيل وربنا يسهل ومش عارف اشكركم ازاي على وقفتكم جنبي

يا سيدي العفو المهم انك تصلح عربيتك وتكون زي الاول واحسن
ولما نشوف يوم الاحد المنتظر ده