مشروع مقابلة لنمور كيا

[ابو ليلى]

السلام عليكم ورحمة الله وبركاته

طبعا كتير من الموجودين دلوقتى لم يسبق لهم الحضور فى اى مقابلة نظمها القسم هنا
احنا سبق لينا تنظيم 3 مقابلات قبل كده وكانت وبشهاده من حضرو مقابلات مميزة

http://www.nilemotors.net/Nile/163743-7-2010-a.html

http://www.nilemotors.net/Nile/170907-6-8-2010-a.html

المقابلة التالتة بقى كانت فى جارديينا بس للاسف الموضوع راح لما المنتدى سقط

فكرة المقابلات تعتمد فى الاساس الاول على جزء اجتماعى بمعنى اعرف صديقى اللى

بيكلمنى من وراء الكيبورد ده مين ....

والحمد لله من خلال المقابلات دى نشات صداقات عميقة بين الاعضاء وهو ده دور المقابلات .

الفائدة الثانية اننا بنتكلم فى الجزء اللى كلنا مشتركين فيه اللى هو العربيات

من خلال حلقه نقاش وكل واحد بيتكلم عن عربيته بيفهم وبيستفاد

وحتى اللى عاوز يشوف موديلات تانية هيشوف ...
حتى اللى بيفكر يشترى العربية هيشوفها وممكن يجربها على الطبيعه.

فكرة المقابلة عموما بتكون كلها مكاسب وكفاية ان نمور كيا على

طول بيتحكى بمقابلتهم فى المنتدى كله .

ده حاجه كده زى استطلاع واللى هيحضر يجاوب على الاستطلاع ده

الميعاد

المكان

يوم كامل كما العادة ام بعض الوقت

فى غذاء ام لا

هيتم عمل جدول ليوم المقابلة علشان نستغل كل دقيقه فيه هنحدد هنتناقش فى ايه

منتظر ارائكم واقتراحاتكم ويارب دائما نتجمع فى الخير .

[aaet1]

يااااه أخيرا افتكرتم، ده الواحد كان فقد الأمل وقال خلاص فكرة المقابلات دى راحت مع الوبا :))، على العموم يا باشا دى حاجة الواحد مستنيها من زمان وأى مكان وأى زمان ان شاء الله كله فى الإمكان ومش هيفرق المهم الصحبة الحلوة ... تحياتى

[max_ziro]

فكرة جميلة
وفعلا الواحد مفتقد حاجة زى دى
انا معاك و بعون الله بقية السيفياوية يكونوا متواجدين عشان احنا كنا بنحاول نرتب مقابلة
ف اعتقدها هتكون فرصة جميلة ..

[shod90]

انا معنديش مانع بس المعاد يبقى بعد الاسبوع الجى عشان عندى امتحانات و المكان فى اى حتة انا معاكو و سواء فى غذاء ولا لأ انا عادى بردو بس يا ريت يبقى نص يوم بس 4 او 5 ساعات يعنى و يكون يوم يا اما خميس او جمعة او احد :))

[promondy]

ان شاء الله المرة ديه هاجيه لان المرات اللى فاتت حاولت ولكن الظروف حكمت
بس لو الاسبوع اللى بعد اللى جاى يبقى تمام لانى مضغوط الاسبوع اللى جاى كله بس برده لو اضطر الامر وبقت الاسبوع اللى جاى ان شاء الله سوف اضغط على نفسى وهاجى
المكان : فى اى مكان المهم الواحد نفسه يشوف الناس المحترمة اللى ببتكلم من وراء الكيبورد
ولو يوم كامل تبقى حاجة حلوة جدا بس اكيد هتبقى محتاجة غدواية (غذاء)

[waleedelpiloot]

انا معاكوا طبعا ان شاء الله ياابوليلى وهستناك عند بازار سقارة بردو :ddd
ولازم اكل اكييييييييد مش محتاجة سؤال

[waleedelpiloot]

انا معنديش مانع بس المعاد يبقى بعد الاسبوع الجى عشان عندى امتحانات و المكان فى اى حتة انا معاكو و سواء فى غذاء ولا لأ انا عادى بردو بس يا ريت يبقى نص يوم بس 4 او 5 ساعات يعنى و يكون يوم يا اما خميس او جمعة او احد :))

شادى مش هتخرج من بيتكوا غير اما تخلص الhome work بتاعك :PPPPP
مش كل مرة تضيع الامتحان عليك ابووووووس ايدك انسى نايل موتورز الايام دى لحد ما يخلصوا ال55 يوم

[أحمد الجندى]

الفكرة جميلة بس المهم الميعاد يبقى مناسب

[Mshawky]

مفيش مشكله توكلنا على الله وان شاء الله ليكو عندى مفاجاة جامده اول مانتقابل

[M7amD_7amDy]

يارب الميعاد يكون مناسب :)))

[ابو ليلى]

طيب يا جماعه على الاقل اللى موافق على الفكرة يكتب الميعاد اللى يشوفه مناسب ليه

يعنى انا بالنسبة ليا بقترح ميعادين

الاول الجمعة 6/5/2011

الثانى الجمعة 13/5/2011

وياريت اقتراح اماكن ولا هتسبوها عليا زى كل مرة

[Mshawky]

انا موافق اى جمعه عادى المكان ياريت يكون مكان وسط ميكونش بعيد علشان الواحد بيرجع هلكان وضايع ونقدر نروحه بسهوله

[shod90]

شادى مش هتخرج من بيتكوا غير اما تخلص الhome work بتاعك :PPPPP
مش كل مرة تضيع الامتحان عليك ابووووووس ايدك انسى نايل موتورز الايام دى لحد ما يخلصوا ال55 يوم

وليد !! .. لم الدور و اقعد ساكت هههههههههه كدا تسيحلى فى وسط المنتدى انى عندى homework .. دى حركة برضو :D .. عموما انا هشوف نظامى اية لو هعرف اجى من غير ما اضعط نفسى يبقى كان بها لو مش هعرف للأسف مش هاجى :((

[promondy]

الثانى الجمعة 13/5/2011

[blackknight]

دائما مجمع نمور كيا بشكل رائع يا ابوليلى, متابع باهتمام