تعديل نور الفرامل

[yasserelsayad]

التعديل دا منقول من موقع اجنبى من واحد اسمه ForteSX2.4

تعديل دا بيخلى الاربع لمبات اللى فى الفوانيس الخلفية تنور لما تدوس فرامل
بدل العادى بتاعها اللى هو اللمبتين اللى ناحية برا بس

الفانوس اللى متركب نحية الشنطة فى لمبة باردوا 2 بول زى الكبير
وحتى الكونكتور بتاعها فيه مكان تزود سلك عشان تنور 2 بول
يعنى العربية جاهزة على كدا بس تقريبا كيا كسلت ولغت الموضوع

دا فيديو للتعديل بعد لما اتعمل

YouTube - Kia Cerato / Forte - Brake Light Mod

ودى صور للسلوك وهتمشى ازاى ودى اللى انا استخدمتها





انا مقطعتش ولا سلك كله تركيب على طول
واقصى حاجة تحصل لو الدنيا باظت معاك ان الفيوز يضرب بتاع نور الفرامل
هى ما حصلتش معايا بس انا بوضح بس

دى صورة الكونكتور بتاع الفانوس الكبير اللى احنا هناخد منه وصلة من نور الفرامل للفوانيس الصغيرة اللى راكبة فى الشنطة



ودى صورة الدواية بتاعت اللمبة اللى فى الفانوس الصغير اللى راكب فى الشنطة





ودول شكل الفوانيس وهى منورة بقى





بصراحة الموضوع دا هينفع معايا عشان انا بجرى كتير فا اللى ورايا ياخد بالوا انى هديت

[excel_team2000]

تسلم ايدك ياباشا أنا طول عمرى أحب العربيات اللى نور فراملها جامد هاروح بكرة ان شاء الله للكهربائى و أجرب

[HOSSAM99]

السلام عليكم
التعديل جميل جدا ما شاء الله لا قوة إلا بالله
لكن أنا الكهربا عندي زي الصيني لو عرفت أقرأ صيني أبقي ألعب في الكهربا فيا ريت الشرح بالكلام أكتر علي الدايره
و هل ينفع أركب لمبات أقوي ولا لأ
و شكرا علي التعديل الجميل ده

[yasserelsayad]

تسلم ايدك ياباشا أنا طول عمرى أحب العربيات اللى نور فراملها جامد هاروح بكرة ان شاء الله للكهربائى و أجرب

مبروك عليك مقدما يا باشا :)

[yasserelsayad]

السلام عليكم
التعديل جميل جدا ما شاء الله لا قوة إلا بالله
لكن أنا الكهربا عندي زي الصيني لو عرفت أقرأ صيني أبقي ألعب في الكهربا فيا ريت الشرح بالكلام أكتر علي الدايره
و هل ينفع أركب لمبات أقوي ولا لأ
و شكرا علي التعديل الجميل ده

والله انا كدا باردوا معرفش حاجة عن الكهربا
انا مشيت ورا الرسمة اللى الراجل عاملها
عموما هى مش دايرة ولا حاجة هو بس سلك ممدود من سلك نور الفرامل الاصلى لللمبة التانية
واللمبة بتاعت الفانوس الصغير نفس مقاس اللمبة الاصلية بتاعت الفرامل يعنى ما شاء الله نورها جامد جدا
ومفيش فرق اضاءه بين اللمبتين ...

[Eslam.Elrefaey]

شغلك بجد عالى وبسيط

[yasserelsayad]

شغلك بجد عالى وبسيط

شكرا يا معلم بس هى مش فكرتى انا يعنى انا نفذتها بس

[memo823000]

دماغ عليا ماشاء الله (يابخت قسم كيا بيك)
موضوع فتح الشنطه ودلوقتى تزريد وتقوية نور الفرامل

امتى هنبداء يكون لينا عربيه باسم مصر
عربيه تحرير سيدان 1600 (Tahrir sidan 1.6)
عربيه تحرير هاتش باك 1400 (Tahrir HB 1.4)

انا مشعارف احنا ناقصنا ايه
ما فيه ابو الفتوح ونيسان مصر وغبور ومنصور كل ده تجميع فى مصر
نصنع اللى نقدر عليه والصعب نستورده ونحاول نقلده

[mohamed_mohsen]

الف شكر علي الفكره الجميله

[moha4tec]

الله ينور عليك يا باشا و يكرمك ان شاء الله
و بسم الله ما شاء الله
و السلام ختام

[ابو ليلى]

بسم الله ماشاء الله عليك يا ياسر تحفة فعلا

يا رافع رسنا بين الاقسام

[M7amD_7amDy]

يابنى انت طول عمرك معلم :)

تسلم إيديك يابرنس :))

[ahmed_201091]

فكرة حلو اوى و تنفذها سهل

تسلم ايدك يباشا بس بردوا معرفش اعملها الصراحة هههههه

[fouaa]

جميل اوى شكرا ليك

[ma7med]

فكرة حلوة تسلم ايدك