حـجــزت كيــــــــــــــا سيـــــراتو اوتوماتيك 2008

[SEATLOVER]

دة الخبر صحيح بقى ...
الف الف مبروك ..ربنا يديلك خيرها و يكفيكى شرها و يحفظك و يحفظهالك إن شاء الله
اختيار قمة فى الذكاء
العربية دى لها مستقبل كبير جداً فى الفترة اللى جاية
برافو عليكى يا نهى
ملعوبة فى المقص اليمين فى الجون

ما شاء الله عليكى ربنا يباركلك فيها يارب

[Noha.M]

هو الاسود شيك طبعا
بس فيه عيوب ومعروفه
لازم النضافه لان اقل حاجه بتبان فيه
وكمان التجريح فيه بيطهر اوى عن اى لون تانى

:(
ما انا عارفة ان الاسود لون منيل فى ناحية النضافة دى بس خطيبي كان هيموت عليها قعد يقولى قبل النوبيرا البيستاش بتاعته كان معاه سيراتو سودا شكل قديم و بيقولى بعد ما ركبت الاسود بقيت قرفان من كل الالوان التانية بس تخيل هو راكب فزدقى فااااااااااااتح و انا راكبة اسود .. حاجة مش لايقة خاااااااااااالص:p

انا عاوزة اسالك على حاجتين يا حافظ بعد اذنك ايه الصورة اللى انت حاططها دى :p و تانى حاجة يعني ايه مافيش توكتوك طلع منى ؟؟؟:D

[Noha.M]

دة الخبر صحيح بقى ...
الف الف مبروك ..ربنا يديلك خيرها و يكفيكى شرها و يحفظك و يحفظهالك إن شاء الله
اختيار قمة فى الذكاء
العربية دى لها مستقبل كبير جداً فى الفترة اللى جاية
برافو عليكى يا نهى
ملعوبة فى المقص اليمين فى الجون

ما شاء الله عليكى ربنا يباركلك فيها يارب

يا عمرووو ربنااااااا يكرمك و يباركلى فيييييييييك بجد كلامك زي العسل والله و انت انسااان فى منتهى

الذوق :):) ادعولى بأة استلم و اجيبلكو الصور و الحركات و الحبشتكناااات :D

[M_HaFeZ]

:(


انا عاوزة اسالك على حاجتين يا حافظ بعد اذنك ايه الصورة اللى انت حاططها دى :p و تانى حاجة يعني ايه مافيش توكتوك طلع منى ؟؟؟:D

هههههههههههههههههههههههههههه الصوره دى لقيتها على النت وانا متعود على المزنجر احط صور غريبه زى كده والاقى الناس تخش تضحك علطول :D

موضوع التوك توك ده ناس عماله تقول انا باطلع من مين والكلام ده
وانا دلوقتى مش معايا عربيه فحبيت انا كمان اعلق على اللى بطلع منه
عموما انا فى القاهره وشغلى فى القاهره فكونى اشوف تكاتك قليل جدا وده من حظهم طبعا :)

[hazem_khidr]

دا بجد بقي :)
بس ازاي ما اخدتش بالي من الموضوع من امبارح
معقول نهي عامله موضوع قعد يوم بحاله و يدوب 30 مشاركه بس !!!!!!
مش ممكن هههههههههههههههههههههههه
عموما الف مبروك و ربنا يملهالك بركه
بس هيا سعرها كام صحيح؟؟

[bassam nagy]

الف مبروك
وربنا يباركللك فيها ويديكى خيرها ويبعد عنك شرها

[Noha.M]

دا بجد بقي :)
بس ازاي ما اخدتش بالي من الموضوع من امبارح
معقول نهي عامله موضوع قعد يوم بحاله و يدوب 30 مشاركه بس !!!!!!
مش ممكن هههههههههههههههههههههههه
عموما الف مبروك و ربنا يملهالك بركه
بس هيا سعرها كام صحيح؟؟

الله يبارك فيك يا حازم

شفت باة :D:D كل دة عشان توكيل كيا القديم بوظ الدنيا :p الواحد جه فى حتة واقعة اوى مفهاش

مواضيع اصلاااا

بس بعوووون الله انا هحيي منتدي كيا و هطوره الى الامام ان شاء الله :D

الف مبروك
وربنا يباركللك فيها ويديكى خيرها ويبعد عنك شرها

ربنا يبارك فيك يا بسام الف شكر :)

[aif]

الف الف مبروك يا نهى
انا آسف لسة شايف الموضوع دلوقت
ربنا يعطيكي خيرها ويكفيكي شرها
والله انا مبسوط جدا انك قررت تشتري السيراتو... وبعدتي عن الماتيريا
ايوه كده ... دي الماتيريا كانت مانخيرها بايظة خالص يا نهى :d
السيراتو عربية زي الفل وان شاء الله تكون وش السعد عليكي وعلي خطيبك

[Noha.M]

الف الف مبروك يا نهى
انا آسف لسة شايف الموضوع دلوقت
ربنا يعطيكي خيرها ويكفيكي شرها
والله انا مبسوط جدا انك قررت تشتري السيراتو... وبعدتي عن الماتيريا
ايوه كده ... دي الماتيريا كانت مانخيرها بايظة خالص يا نهى :d
السيراتو عربية زي الفل وان شاء الله تكون وش السعد عليكي وعلي خطيبك

الله يبارك فيييييييييك يا ابراهيييم ..ربنا يخلييييك :)

كدة تقول على الماتيريا مكعبرة ؟؟ :D:D والله كنت هموووت عليها بس اهلى و خطيبي عملولى زيك كدة

:D:D يلللااا الحمد لله انا مستخيرة و اكيد ربنا كتبلي اللى فيه الخير :o

[SAbuhashem]

مع إن إلسيراتو مش بنوتاتي خالص

مبروك يا Onna


Thanks
Eng.Sherif Shaker

[mbluethunder]

Welcome In
KIA CLUB

أولا أحب أبارك وأهني حضرتك على الأختيار ده ( إختيار موفق فعلا من كله سواء كان موديل أو لون)

ثانيا: أنا لاحظت إن حضرتك ماذكرتيش أي سيراتو في الموضوع الأصلي وكمان بعض الناس اللي علقت على الموضوع هنا كانت بتقول أن (الخبر صحيح) للدرجه اللي خالتني أقول هو آيه موضوع الخبر ده هو إتذاع على التليفزيون ولا تم نشره في الجرائد اليوميه:). فإزاي بقى الناس عرفت إن أن حضرتك جبتي سيراتو

ثالثا: القسم هنا مش ميت اوي زي ما إنت متخيله ده بس لولا الحظ والنصيب كانت الدنيا شعشعت هنا وماتنسيش برده إن في ناس معاها كيا. يعني إطمني مش لوحدك هنا فييه منافسييين :)

عربيات كيا ده عربيات محترمه جدا جدا جدا وتوكيلها غايه في الإحترام وعلى فكره الفرق مش كبير اوي بين الأسود والنبيتي مع إني أستغربت يعني أني بعد ما رديت على موضوع ليكي في العام قلاقي بقيته هنا. ده الواحد بعد كده المفروض يربط مواضيعك مع بعضها :)

كده الواحد لازم يبني بيت خشب هنا في القسم ويقعد فيه تحسبا لأي إحتلال قادم:D:D بمشاركاته الكتير وصفحاته اللي مابتخلصشي:)

ألف مبروك يا نهي

[rawdat]

yaaaaah !
da ana hena fe el saudia
el nikel elli fel tablooh wel beban da 3adi !!
tab leh keda ?
3moman el mohem el madmon
3arabeya 7elwa ma sha ALLAH we rabena yebarek
bas bardo eh nezam el loon el abyad ?
fee 7ad shafo ?

[Noha.M]

مع إن إلسيراتو مش بنوتاتي خالص

مبروك يا Onna


Thanks
Eng.Sherif Shaker

الله يبارك فيك يا شريف بس ليه سددان النفس دة :D

Welcome In

KIA CLUB

أولا أحب أبارك وأهني حضرتك على الأختيار ده ( إختيار موفق فعلا من كله سواء كان موديل أو لون)

ثانيا: أنا لاحظت إن حضرتك ماذكرتيش أي سيراتو في الموضوع الأصلي وكمان بعض الناس اللي علقت على الموضوع هنا كانت بتقول أن (الخبر صحيح) للدرجه اللي خالتني أقول هو آيه موضوع الخبر ده هو إتذاع على التليفزيون ولا تم نشره في الجرائد اليوميه:). فإزاي بقى الناس عرفت إن أن حضرتك جبتي سيراتو

ثالثا: القسم هنا مش ميت اوي زي ما إنت متخيله ده بس لولا الحظ والنصيب كانت الدنيا شعشعت هنا وماتنسيش برده إن في ناس معاها كيا. يعني إطمني مش لوحدك هنا فييه منافسييين :)

عربيات كيا ده عربيات محترمه جدا جدا جدا وتوكيلها غايه في الإحترام وعلى فكره الفرق مش كبير اوي بين الأسود والنبيتي مع إني أستغربت يعني أني بعد ما رديت على موضوع ليكي في العام قلاقي بقيته هنا. ده الواحد بعد كده المفروض يربط مواضيعك مع بعضها :)

كده الواحد لازم يبني بيت خشب هنا في القسم ويقعد فيه تحسبا لأي إحتلال قادم:D:D بمشاركاته الكتير وصفحاته اللي مابتخلصشي:)

ألف مبروك يا نهي

هههههههههههههههههه

لا متذعش ولا حاجة فى الاخبااار :p الفكرة بس انى قارفة الناس معايا فى موضوع العربيات من زماااااااااااان و كل شوية طالعالهم بموضوع عن العربية اللى هجيبها الاولم كنت همووووووووت على الماتيريا بس صدرت اوامر عليا من الست الوادة انه لأأأ يعني لأأأأ:( و كمان خطيبي اقنعها بكدة بعدين شدني بالعافية عشان ابص على السيراتو و عجبتني و انا اصلا بحب العربيات الكبيرة

بس لا بعد اذنك يعنيييي قسم كياااا ميت مييييييييت و محتاج احياء شوية و انت المفروض و كل ملاك الكيا ينشطوا الدنيا شوية بس عامة مشكلة التوكيل اتحلت و الناس هتعرف العربية اكتر و من غير اى حاجة الناس كانت بتدور على البيكانتو بجد

و بعدين لا تبنى بيت خشب ولا حاجة احنا بقينا قرايب اهه و معانا كيااا

yaaaaah !
da ana hena fe el saudia
el nikel elli fel tablooh wel beban da 3adi !!
tab leh keda ?
3moman el mohem el madmon
3arabeya 7elwa ma sha ALLAH we rabena yebarek
bas bardo eh nezam el loon el abyad ?
fee 7ad shafo ?

بصى النيكل بتاع الباب دة موجود بس اللى فى التابلوه لا بجد يعني حركة معفنة اوى يعني

ايه يعني اطارين نيكل هيزودووو ايه دوووووووول

[Noha.M]

روضة انت حجزه العربية من مصر ولا السعودية؟؟

[cpt_shawky]

كنت همووووووووت على الماتيريا بس صدرت اوامر عليا من الست الوادة انه لأأأ يعني لأأأأ:( و كمان خطيبي اقنعها بكدة بعدين شدني بالعافية عشان ابص على السيراتو و عجبتني و انا اصلا بحب العربيات الكبيرة

التحفظ الوحيد يا أوننا على السيراتو بعد خسارة الماتيريا هو الـ ABS+EBD+AIRBAGS أنا مش متأكد السيتى بتاعتك راكبين فيها ولا لأ بس صراحة لو راكبين يبقا أكبر غلطة أنك تتنازلى عن أنظمة أمان زى دى خصوصاً انها موجودة فعربيات كتير منهم الماتيريا المستبعدة وكلنا بنحب العربيات الكبيرة بس أشوف اللى تأمنى مثلا الرينو ميجان أو الفورد فوكاس وخصوصاً أنك هتدفعى تمن قريب من أى عربية تانية وفى عروض جميلة من رينو دلوقتى لتقسيط جزء بدون فوائد....ممكن يكون الموضوع أتأخر وخلاص استلمتى فعلاً ويمكن لأ بس أحب أقلك عيدي التفكير التانى وطول منتى لسه مستلمتيش مازال فامكانك استرجاع فلوسك [مجرب كتير - خبرة :D] واستثمارها فسيارة أفضل وده مش معناه السيراتو وحشة بالعكس أنا معجب بيها جداً بس لما اللى بيبيعها يقدر اللى بيشتريها ويبيعهالو كاملة زى مبيحصل فدايهاتسو ورينو وفورد مثلاً وصدقيني لن تندمي لو تنازلتى عن السيراتو مقابل سيارة أكثر أماناً حتى لو كانت أصغر أو أكبر مع دفع باقى ثمنها قسط بدون فوائد على سنة مثلاً.....وربنا يوفقك للأختيار السليم :)