إنذار التوكيل قطع مية ونور

[ahmed_afifi84]

السلام عليكم ورحمة الله وبركاته
انا ركبت إنذار للسيراتو بــ 660 جنيه منذ أسبوع تقريباً, وكان شغال ممتاز للأمانة وعلى نفس مفتاح العربية, وفجأة الإنذار أصبح لا يستجيب نهائياً علماً بأن اللمبة الخاصة بالإنذار تعمل, ولكن وجود الإنذار زي عدمه.
حد عنده معلومات إيه اللي حصل أو حصل له الموقف ده

[Atrees]

ارجع ارمية في وشهم

[ahmed_afifi84]

ارجع ارمية في وشهم

وده فعلاً اللي حيحصل, بس فعلاً عايز أعرف هل حصل الموضوع ده مع حد قبل كده

[hmotors]

هو ده الى خايف منه، جالى احباط مع انى مش مركبه عندى وكنت بفكر

طب حضرتك روح التوكيل تانى وطمنا. ده ركبته فى كيا ابورواش ؟


تمنياتى لحضرتك بالتوفيق إن شاء الله،



.

[NoRmAl]

طيب شيك على البرين يونت كدا
وراجع الاسلاك الى ظاهرالك
لو معرفتش رحلهم وشندلهم بقى :)

[ahmed_afifi84]

هو ده الى خايف منه، جالى احباط مع انى مش مركبه عندى وكنت بفكر

طب حضرتك روح التوكيل تانى وطمنا. ده ركبته فى كيا ابورواش ؟


تمنياتى لحضرتك بالتوفيق إن شاء الله،

للأسف ده فرع كيا العامرية - الإسكندرية

[hhhggg]

نفس المشكله عندى ركبته من شهر 10/2009 فى فرع روكسى و من يومها الى الان عطلان و مع كل صيانه يقولو عيب كود ( مش فاهم يعنى ايه ) و فى اخر صيانه فى ابو رواش قالو الانذار بايظ و كده عدى فترة الضمان الى هى 6 شهور و انا بشتكى منه من اول اسبوع و كان المفروض فرع روكسى يغيره ولكن فضل يماطل لغاية ما عدت فترة الضمان

[aaet1]

ماهو ده اللى قلناه من زمان يا جماعة، أنا عربيتى وكيل بس حلفت انى مش هركبه عندهم من سمعته السيئة وبعد مداولات ومفاوضات معاهم ركبته بره عند أدريان زى الفل على الريموت الأصلى بتاع العربية مع تحذير من الوكيل انه لو عمل حاجة فى الكهرباء هتخرج الكهرباء بره الضمان بس الحمد لله الناس دى إيديها زى الفل وأهه بقاله معايا من شهر 7 أو 8 وبسم الله ما شاء الله زى الفل

[ahmed_afifi84]

ماهو ده اللى قلناه من زمان يا جماعة، أنا عربيتى وكيل بس حلفت انى مش هركبه عندهم من سمعته السيئة وبعد مداولات ومفاوضات معاهم ركبته بره عند أدريان زى الفل على الريموت الأصلى بتاع العربية مع تحذير من الوكيل انه لو عمل حاجة فى الكهرباء هتخرج الكهرباء بره الضمان بس الحمد لله الناس دى إيديها زى الفل وأهه بقاله معايا من شهر 7 أو 8 وبسم الله ما شاء الله زى الفل

نوعه إيه اللي ركبته, وهل صوته عالي ولا ركبته على زمارة العربية

[aaet1]

نوعه باسم أدريان وصوته معقول ويمكن علشان عزل كبوت العربية كويس مأثر عليه شوية بس أنا مستريحله وأعتقد لو طلبت يتركب على كلاكس العربية مش هيبقى فيه مشاكل بس أنا مابحبش حكاية الكلاكس دى

[kamalsalem]

انا حاسس اني مشتري عربية زيرو عشان يذلوني بالضمان... كفاية عدة الصوت اللي مرمية في البيت في كراتينها مستنية ال60 ألف كيلو يخلصوا

[Atrees]

انا حاسس اني مشتري عربية زيرو عشان يذلوني بالضمان... كفاية عدة الصوت اللي مرمية في البيت في كراتينها مستنية ال60 ألف كيلو يخلصوا

متزعلش يا برنس - السيراتو نكد لحد ال 100 الف :((((((((((((

[mido]

انا رايح اركب الان\ار فى التوكيل يوم الخميس فى عندكم اى نصايح ؟؟؟؟

[ahmed_afifi84]

إتصلح بعد 4 ساعات

رجعت للتوكيل, وطبعاً لبست الوش, وقلت بالظبط " ركبت عندكم جهاز الإنذار يوم الخميس وفي أقل من إسبوع الجهاز باظ!!!!" طبعاً الكل تنح في الأول وبعدها قالولي " يا فندم فعلاً ديه مشكلة ولازم نحلها لحضرتك", وبعد إنتظار دام 4 ساعات !!!! شغلوا الجهاز تاني وإكتشفوا إن وحدة الإنذار ( وحدة المعالجة) هي اللي بايظة.
طيب هو سؤال يطرح نفسه طيب هم دلوقتي غيروه, بس طالما في إسبوع باظ وارد إن التاني برضه يبوظ, صح ولا لأ؟
ربنا يستر وحنتظر عليه وسوف أنقل لكم ما حدث

[mido]

ربنا بستر انا هركبه فى روكسى يوم الخميس