تقرير كامل بالصور- كيا سول- 2011

[medo_sirion]

ههههههههههههههههههههه رد يادكتور فىموضوع العفشة

اجمل حاجة لقيت عندى الجوتشات على 40 هههههه

[ahmadm]

السلام عليكم دة فيديو يصف الكيا سول بكل دقة


2011 Kia Soul. Start Up, Engine, and In Depth Tour. - YouTube

[mohaismail]

هيا ايه الكماليات الزيادة اللى نازلة فى الفئة اللى ب 143000

[ahmadm]

هيا ايه الكماليات الزيادة اللى نازلة فى الفئة اللى ب 143000

دية الزيادة عن اللى ب 133 الف

1. Full Auto Air Condition
2. Smart Key / Engine Start/Stop Button
3. 18" Alloy Wheel 225/45 R18
4. Front warning system with 2-Sensors

[mhmdkhamis]

تم استلام العربيه
باختصار شديد اهم ملاحظاتى
1- العفشه ناشفه فعلا و ده فى رايي الجنظ ال 18 بيخليك حاسس بيه جدا المشكله مش مشكله عزل ماتور لكنك بتكون سامع صوت الكاوتش الى حد كبير و خصوصا و انتا فاتح الزجاج حتى لو قافله برضه هتسمعه لكن مش بنفس الدرجه لكن الموتور لو الزجاج مغلق العزل جيد الى حد كبير
طبعا كافر الكبوت الداخلى مش موجود زى العربيات الى بتنزل بره و ده فى رايي بياثر كتير على العزل بتاع الموتور
2- استهلاك البنزين قبل ما اوصل اول 1000 كيلو 10 لتر لكل 100 كيلو
3- الباور مش ناعم جدا لكنه كويس جدا مريح و يختلف عن باور الهيونداى النترا تحديدا فى نعومته (لكنه جيد فى راييى)
4- ثبات العربيه كويس الى حد كبير جدا لحد 100 كيلو مجربتش اكتر من كده
5- الفرامل ماشاء الله لو كبست هتقف مكانها فى مسافه بسيطه
6- التسارع و السحب عالى مع الكيك داون و الكبس
7- العربيه عاليه ماشاء الله مع المطبات و بتخليك سايق مستريح وواثق من الطريق الى حد كبير
8- فيه مشكله ان بصراحه الدركسيون رغم انه قابل للظبط مش مخلينى شايف التابلوه كويس ممكن يكون ده عندى انا بس بسبب انى طويل او لانى لسه مظبطتش قعدتى كويس
9- اجمالا العربيه جيده الى حد كبير طبعا التوكيل منزلش الشكل الجديد الفيس ليفت و الله اعلم هيغلى اد ايه اما ينزله
10- العربيه طبعا الى غاويها هيدفع سعرها وهوا مبسوط انما الناس الى بتدور على الكبر و الصغر و دى يابانى و لا صينى ولا كورى ولا اوروبى (رغم ان صالونها رائعه و القعده مريحه جدا ورا و قدام) الشنطه كويسه جدا الى حد كبير طبعا ده فى حدود العائلى البسيط مش الكبير لان العربيه مش 4 * 4
11- اللوك مش بيقفل اووماتيك بعد سرعه 40
12- ملاحظه شخصيه لو التوكيل اهتم باشياء بسيطه هنا فى مصر فى رايي عربيات كتيره ممكن تكون رائعه بحاجات بسيطه جدا لكن هنقول ايه بس يلا ربنا يعين و اى استفسار بخصوص كيا سول 2012 تحت امركم
12 -

[Land_Cruiser]

الف مبروك لحضرتك و ربنا يبارك لك فيها. أنا كنت عايز اعرف هو حضرتك جبت اى فئه و هل هى توكيل و لا خليجى و اى لون؟

[mhmdkhamis]

الف مبروك لحضرتك و ربنا يبارك لك فيها. أنا كنت عايز اعرف هو حضرتك جبت اى فئه و هل هى توكيل و لا خليجى و اى لون؟

انا جبت وكيل اللون الاسود و المقابض نيكل و العربيه توب لاين

فيه ملاحظه اخرى لاحظتها و اتضايقت جدا بسببها ان الزجاج للركب سواء الامامى او الخلفى ضعيف و سمكه قليل جدا و ممكن من اى حاجه يتكسر رغ مانه مكنش هيكلفهم الا حاجات بسيطه لو كان زاد 2 ملى

[lenasam]

تم استلام العربيه
باختصار شديد اهم ملاحظاتى
1- العفشه ناشفه فعلا و ده فى رايي الجنظ ال 18 بيخليك حاسس بيه جدا المشكله مش مشكله عزل ماتور لكنك بتكون سامع صوت الكاوتش الى حد كبير و خصوصا و انتا فاتح الزجاج حتى لو قافله برضه هتسمعه لكن مش بنفس الدرجه لكن الموتور لو الزجاج مغلق العزل جيد الى حد كبير
طبعا كافر الكبوت الداخلى مش موجود زى العربيات الى بتنزل بره و ده فى رايي بياثر كتير على العزل بتاع الموتور
2- استهلاك البنزين قبل ما اوصل اول 1000 كيلو 10 لتر لكل 100 كيلو
3- الباور مش ناعم جدا لكنه كويس جدا مريح و يختلف عن باور الهيونداى النترا تحديدا فى نعومته (لكنه جيد فى راييى)
4- ثبات العربيه كويس الى حد كبير جدا لحد 100 كيلو مجربتش اكتر من كده
5- الفرامل ماشاء الله لو كبست هتقف مكانها فى مسافه بسيطه
6- التسارع و السحب عالى مع الكيك داون و الكبس
7- العربيه عاليه ماشاء الله مع المطبات و بتخليك سايق مستريح وواثق من الطريق الى حد كبير
8- فيه مشكله ان بصراحه الدركسيون رغم انه قابل للظبط مش مخلينى شايف التابلوه كويس ممكن يكون ده عندى انا بس بسبب انى طويل او لانى لسه مظبطتش قعدتى كويس
9- اجمالا العربيه جيده الى حد كبير طبعا التوكيل منزلش الشكل الجديد الفيس ليفت و الله اعلم هيغلى اد ايه اما ينزله
10- العربيه طبعا الى غاويها هيدفع سعرها وهوا مبسوط انما الناس الى بتدور على الكبر و الصغر و دى يابانى و لا صينى ولا كورى ولا اوروبى (رغم ان صالونها رائعه و القعده مريحه جدا ورا و قدام) الشنطه كويسه جدا الى حد كبير طبعا ده فى حدود العائلى البسيط مش الكبير لان العربيه مش 4 * 4
11- اللوك مش بيقفل اووماتيك بعد سرعه 40
12- ملاحظه شخصيه لو التوكيل اهتم باشياء بسيطه هنا فى مصر فى رايي عربيات كتيره ممكن تكون رائعه بحاجات بسيطه جدا لكن هنقول ايه بس يلا ربنا يعين و اى استفسار بخصوص كيا سول 2012 تحت امركم
12 -

اولا الف مبروك على العربية ومعلش انا عاوز اعرف هل السول 2012 الوكيل بيكون فتيسها الاستبترونيك 6 غيارات و لا 4 و هل فى اختلاف فى شكل المصابيح الامامية و الخلفية عن موديل 2011 و شكرا لحضرتك

[mhmdkhamis]

اولا الف مبروك على العربية ومعلش انا عاوز اعرف هل السول 2012 الوكيل بيكون فتيسها الاستبترونيك 6 غيارات و لا 4 و هل فى اختلاف فى شكل المصابيح الامامية و الخلفية عن موديل 2011 و شكرا لحضرتك

الله يبارك فيك يا باشا الكشافات نفس كشافات 2011 و كل الى نازل حتى برا 4 سرعات سيبتروتنيك يعنى ممكن تنقل مانوال - مفيش اى اختلاف فى الشكل عن 2011

[lenasam]

الله يبارك فيك يا باشا الكشافات نفس كشافات 2011 و كل الى نازل حتى برا 4 سرعات سيبتروتنيك يعنى ممكن تنقل مانوال - مفيش اى اختلاف فى الشكل عن 2011

طاب هل الفرش الداخلى لونين ولا لون واحد فقط

[mhmdkhamis]

طاب هل الفرش الداخلى لونين ولا لون واحد فقط

التابلوه و الفرش لونين رصاصى فى اسود و بيكون فيه اسود فى احمر و بيج فى اسود

[samyyousef]

السلام عليكم
الف مبروك, و لي سؤال:
هل العافشة مختلفة عن الكارينز؟

[lenasam]

التابلوه و الفرش لونين رصاصى فى اسود و بيكون فيه اسود فى احمر و بيج فى اسود

معلش انا كترت الاسئلة على حضرتك , بس هل التوب لاين توكيل فيها مخدع (مسند يد ) بين الكرسين الامامين

[mhmdkhamis]

السلام عليكم
الف مبروك, و لي سؤال:
هل العافشة مختلفة عن الكارينز؟

وعليكم السلام
الله يبارك فيك
العفشه مش هقدر اقولك مختلفه ولا لا عن الكارينز لكن الكارينز انعم شويه وده بسبب ان الجنط عندى 18 فمقدرش اقولك بصراحه كويس

لكن انا بحس بنشوفيه فعلا مع المطبات و النقر وده بسبب الجنط عموما

بس العربيه عموما كمجمل كويسه وممكن حضرتك تقرا ملاحظاتى فوق عنها

[mhmdkhamis]

معلش انا كترت الاسئلة على حضرتك , بس هل التوب لاين توكيل فيها مخدع (مسند يد ) بين الكرسين الامامين

ولا يهمك يا باشا

فيه مسند يد لكرسى السائق وليس كونصول مثل الكارينز