البطارية عملتها تانى !!!!!!!!!!

[aaet1]

السلام عليكم، برجاء يا جماعة محتاج رأيكم وتفسيركم، وعلشان تبقى الصورة واضحة هقولكم كل التفاصيل
الموقف الأول: شهر 10 اللى فات بعد يومين وقفة جيت أفتح العربية مالقتش لا انذار ولا سنتر لوك ولا حاجة خالص وقومتها بوصلة للبطارية ورحت بعديها فورا عند واحد بتاع بطاريات شيك على البطارية والدينامو ومالقاش فيهم مشكلة وكان تفسيرة يمكن أملاح ولا حاجة عملت فاصل .... ماعلينا

العربية اشتغلت زى الفل 7 شهور ومنها يومين الثورة كانت بتقف بالاسبوع بدون حركة خالص

الموقف الثانى: النهاردة شهر 5 فتحت العربية ... الانذار شغال والازاز الكهرباء وأنوار التابلوه ولكن مابتقمش ... صوت تكتكة كده وخلاص
بوصلة بطارية برضه قامت وجربت امشى بيها بالكتير 50 متر ووقفت وطفيتها خالص واستنيت شوية ودورتها عادى دارت


كده أنا مش فاهم اللى بيحصل ياترى حد عندة تفسير

[A.Saad]

الاول نوع البطارية سايلة ولا جافة وبقالها فترة معاك كام
تانى حاجة
اتاكد ان انت مكنتش ناسى انوار فى العربية مضاءة
وياريت تروح لكهربائى امين يشوف فيه تسريب ولا لا
لو مفيش اضاءة ولا تسريب
يبقى ابتدت تودع

[amro1965]

ممكن حبه اسئلة
عمرها كام شهر
نوع البطارية سائلة ام جافه
نوع السيارة
علشان نقدر نفيدك

[moroattar]

انا اعتقد ان المشكله مش فى البطاريه لكن فى الانذار ... انا عندى عربيه اكسل لما باشغل الانذار وتعقد يومين من غير ما تتحرك الاقى العربيه مبدورش والبطاريه فاضيه... اكتشفت انى لما باشغل الانذار الانتظار بتاع العربيه بيشتغل من غير ما ينور لكن باسمع صوت التكتكه بتاعته ودا اللى بيخللى البطاريه تفضى ... رحت مريح دماغى وبطلت اشغل الانذار وباستعمله فى الفتح والقفل بس ... اقعد جوه العربيه واقفل على نفسك وشغل الانذار وشوف اذا كنت هتسمع التكتكه بتاع الانتظار ولا لأ ... اذا سمعته من غير ما ينور يبقى المشكله فى الانذار وهوه اللى بيفضى البطاريه ... زى ما بيحصل عندى ...

[aaet1]

أنا عربيتى سيراتو 2010 والبطارية لما عملتها فى المرة الأولى كانت بقالها 6 شهور بس والمرة التانية سنة
البطارية بالطبع جافة

موضوع الانذار ... ممممم .... مش عارف لأن العربية عدت عليها أوقات كانت بتقعد واقفة أكتر من كده وبعدين ده فى خلال السنة ماعملهاش غير مرتين بينهم 6 شهور أو 7

عموما هجرب أسمع موضوع التكة دى