هل ينفع يتركب مثبت السرعة Cruise Control في نيو سيراتو

[ahmed_afifi84]

السلام عليكم ورحمة الله وبركاته
سؤال هل فعلاً ينفع مثبت السرعة يتركب على النيو سيراتو, وذا ينفع هل التوكيل وبيركبه ولا بره التوكيل, والأسعار إيه أخبارها؟

[ابو ليلى]

على معلوماتى مينفعش لانها قصة كبيرة

بس حضرتك ممكن تسال فى التوكيل وتقولنا الرد ايه

[shod90]

على معلوماتى مينفعش لانها قصة كبيرة

بس حضرتك ممكن تسال فى التوكيل وتقولنا الرد ايه

+1

[didos323]

متابع جدا

[mohamed_mohsen]

متابع كمان

[ecybrarian]

معلش سؤال..هو النيو سيراتو اكسراتير إلكتروني؟

[moha4tec]

ينفع بس حوار مكلف و بياخد وقت و بيتعمل برا التوكيل و اكيد 100% هتخرج العربيه برا الضمان
لانه بيغير موتور و ضفيره و تقريبا بيغير كل لوازم الموتور زى الموضوع ده و بيركب مثبت السرعه و ال ECU و الضفيره بتاعته و كدا و طبعا مش اى حد يفهم فى الحوار ده بس فى واحد عمله
بس حرام تصرف ده كله و تبهدل العربيه و هى جديده كده عشان مثبت سرعه
الموضوع اللى قلت لك عليه بتاع الكوبيه المتعدله يا سيدى

http://www.nilemotors.net/Nile/184582-a.html

و كنت قرات موضوع عن ان فى شركة بتركب مثبت سرعه على اى موتور و اى عربيه و بيتكلف تقريبا 1500 و فرع الشركه تقريبا فى طريق العين السخنه كده بس مش لاقى اللينك بتاعه
و الكلام ده تقريبا مش هتلاقى حد يعمله فى التوكيل و الله اعلم و اكيد لو فى حد هتلاقى مصنعيه التوكيل غاليه جدا
انت لو جيت المقابلهممكن اوريك ازاى تسوق العربيه و تخليها زى ما يكون فيها مثبت سرعه (مجرد وضعيه لرجلك على الدواسه بتريح الرجل و بتثبت السرعه و بدون ما تلعب او تدفع شلن واحد
و السلام ختام

[KHALED AYMAN]

هو ليه معقد اوى فى السيراتو ؟
انا ركبته فى اوكتافيا فى نص ساعه ب 500 جنيه

[mohamed_mohsen]

الكلام ده صحيح فعلاً
و الأوبل استرا هاتش باك برضه كده,,,و في التوكيل

[hegazyhany]

هو ليه معقد اوى فى السيراتو ؟
انا ركبته فى اوكتافيا فى نص ساعه ب 500 جنيه

هذا لان العربيه مجهزه لاستقبال مثبت السرعه - يبقى فقط تركيب ازرار التحكم و برمجه الكمبيوتر

[KHALED AYMAN]

هذا لان العربيه مجهزه لاستقبال مثبت السرعه - يبقى فقط تركيب ازرار التحكم و برمجه الكمبيوتر

طيب مهو مفروض السيراتو مجهزه لانه بينزل فيها برا ...ولا ايه ؟

[ابو ليلى]

طيب مهو مفروض السيراتو مجهزه لانه بينزل فيها برا ...ولا ايه ؟

لا يا خالد مش مجهزة

[Jackson]

بص يا با شا سيبك من اى كلام مثبت السرعه ممكن تركبه فى مركز خدمه امير وجوزيف فى مدينه نصر ابو داوود الظاهرى ورقمه موجود فى الدليل كمان بيركبوه هناك فى حوالى ساعتين او تلاته بالضمان بس بـــ 4000 الاف جنيه هى دى كل مشكلته ... بس لو عايز تركبه ولا يشغلك اى حاجه السيراتو هتستقبله متخفش ... سيبك من الكلام اللى بيتقال

[ابو ليلى]

بص يا با شا سيبك من اى كلام مثبت السرعه ممكن تركبه فى مركز خدمه امير وجوزيف فى مدينه نصر ابو داوود الظاهرى ورقمه موجود فى الدليل كمان بيركبوه هناك فى حوالى ساعتين او تلاته بالضمان بس بـــ 4000 الاف جنيه هى دى كل مشكلته ... بس لو عايز تركبه ولا يشغلك اى حاجه السيراتو هتستقبله متخفش ... سيبك من الكلام اللى بيتقال

طيب كويس ممكن بقى تقلنا ازاى بما انك خبير كده ؟

وهو ايه الكلام اللى بيتقال ؟؟؟

[Mshawky]

طيب كويس ممكن بقى تقلنا ازاى بما انك خبير كده ؟

وهو ايه الكلام اللى بيتقال ؟؟؟

هههههههههههههههههههه كنت عارف انك هترد عليك كده