ازاى اتأكد انها خليجى سعودى

[wizzoo]

ان شاء الله هشترى سيراتو هاى لاين كاملة جنط 17 2 ايرباج كاميرا بلوتوث تكييف تاتش تحكم طارة الاسبوع الجاى واخرسعر للخليجى السعودى 128500 هل السعر دا كويس وازاى اتاكد انها سعودى وهل السعودى فعلا افضل من الاردنى والا مش فارقة واية اهم حاجة اعملها لما اشتريهاواخر سوال هل السيراتو افضل ام الكارينز لانى محتار جدا

[NoRmAl]

السيراتو غير الكارينز دى حاجه ودى حاجه شوف أنت أحتياجاتك أيه
السعر معرفوش الحقيقه لكن لو محتاج تعرف سعودى ولا أردنى تتأكد من الvin فى موضوع مثبت فوق ممكن يفيدك
بتفرق ولا لأ ؟
والله أنا بقول لأ

[salodas]

يا نورمال سيب حاجة نقولها ...
بص يا مان السعر معرفوش ، بس قارن وروح أكتر من معرض واتكلم وساعة الكاش الغالى يبقى ببلاش...إزاى تتأكد إنها سعودى لابد من الvin كود من المثبت بس يا ريت يشتغل معاك....بالنسبة بتفرق ولا لأه ...وعن تجربه أنا اشتريت عربيتى على أنها سعودى وبعد الكشف لاقيتها عمانى بس والله مش فارقة حاجة العربية دلوقتى 5 ألاف وزى الفل كله واحد المهم أنت تحافظ عليها ....أهم حاجة تعمله بعد ما تشريها تغسلها وترخصها على طول علشان تعرف تركبها طبعا ....وأخيرا الكارينز عربيه فان كبيرة وبيقولو عائليه والسيراتو سيدان شبابية وكمان بيقولو أحيانا عائلية شوف أنت مرتاح لأيه واشترى بس نصيحتى خليك فى معشوقة المصريين السيراتو.

[wizzoo]

شكرا على الرد يا جماعة
بالنسبة للسيراتو يا ريت توضيح عن صيانة الالف بعمل فيها اية وبكام ويعنى اية بالنسبة للجنط ال 17 تحط نيتروجين عشان العافشة وتظبط الكاوتش على 32

[salodas]

كشف عام وغسيل عام وتربيط عفشه وكشف كمبيوتر وتغيير زيت زى منت عاوز 5 أو 10 ألاف وكشف سوائل