سؤال بسيط : الى معهوش سيراتو مش بيجي مقابلات ليه!!

[NoRmAl]

السلام عليكم

زى مالسؤال مباشر وبسيط يا ريت الاجابه تكون كذلك..
فين ملاك الكارينز البيكانتو الريو الاسبكترا البرايد السيفيا!!!
العالم دى فين؟؟
ومش بتيجى مقابلات ليه؟؟
ممكن أجابه مقنعه
كل مقابله بتكون حافله بملاك السيراتو ومش علشان كتير لكن كلهم حرصين على حضور المقابله بعيد عن العربيه
وأخر مقابله أبو ليلي جى من غير عربيه ومحمد حمدي جي من دمياط مواصلات!!!!!!
وشايل على قلبه مشبك مهواش خفيف بس علشان يجي المقابله ويشوف ناس بيحب يشفهم
بجد ليه محدش من بقيت القسم بيجي
دا حتى والى بيجي المقابله عارف مبنتكلمش على السيراتو إلا لماما
وكله هزار وكله كلام فى شتى المواضيع
يعنى مفيش أصل الكلام كله على السيراتو نروح ليه؟؟؟
دا كلنا سيراتو ومبنتكلمش عليها!
أيه السبب بقى؟
شكرا

[أحمد الجندى]

وعليكم السلام ورحمة الله

بصراحة أنا كنت بفكر فعليا انى اجى بس وقت التنظيم لقيت اغلب الناس سيراتويه مفيش حد غيرهم فظنيت ان اللقاء ليهم بس حتى لما شوفت صور اللقاء لقيتها كلها سيراتو بس .

[M7amD_7amDy]

والله يانورمال انت فتحت موضوع كان لافت انتباهى جدااا

مفيش اى حد جه المقابلة غير ملاك السيراتو!!!

عن نفسى مش عارف ليه ... ومتروك ليهم حق الرد

وبعدين ياعم دانا عيونى ليكوا مش المشبك بس .. فين حقه بقه

[Ahmed R08]

انت قلت كل موديلات الكيا ما عادا السول انا مش جاى بأة :)
مع انى من دمياط وعنيا ليكو فى المشبك بردو
شايف البدرى منور فى صور المقابله :d

[NoRmAl]

وعليكم السلام ورحمة الله

بصراحة أنا كنت بفكر فعليا انى اجى بس وقت التنظيم لقيت اغلب الناس سيراتويه مفيش حد غيرهم فظنيت ان اللقاء ليهم بس حتى لما شوفت صور اللقاء لقيتها كلها سيراتو بس .

على فكره مفيش ولا مقابله أتقال أنها خاصه بالسيرتو فقط
محصلتش ولا هتحصل
المفروض الكل يجي وكل مره بيبقى أسمها مقابله "كيا"!!!

والله يانورمال انت فتحت موضوع كان لافت انتباهى جدااا

مفيش اى حد جه المقابلة غير ملاك السيراتو!!!

عن نفسى مش عارف ليه ... ومتروك ليهم حق الرد

وبعدين ياعم دانا عيونى ليكوا مش المشبك بس .. فين حقه بقه

لا لا لا ملكش حق :)
الراجل دفعلك تمنه فراخ :) ومقليه كمان :)))
ربنا يخليك لينا يا حمدي ويكرمك على كرمك

انت قلت كل موديلات الكيا ما عادا السول انا مش جاى بأة :)
مع انى من دمياط وعنيا ليكو فى المشبك بردو
شايف البدرى منور فى صور المقابله :d

آه تصدق :)
بس الصراحه العربيه دى ملهاش ملاك معروفين فى المنتدى
خليك جدع بقى وأفضل معانا وتعالى المقابلات علشان تثبتلنا العكس
وطبعا...متنساش المشبك :)))

[ALSHARIEF]

والله يا نورمال يا صديقى العزيز ......................

أنا شايف إنه من ساعة تقسيم المنتدى من قترة لأقسام السيراتو و الشوما و السيفيا و هكذا ( صحيح هى كانت فكرة مش لذيذة أوى و تم تصحيح الوضع و إلغائها مع السيرفر الجديد أعتقد إنها كانت فكرة أدت لتقسيم قسم كيا داخليا ............... والله أعلم

كذلك ممكن يكون بعض الأعضاء الغير مالكين للسيراتو فاكرين إنها مقابلة حكر على السيراتو و مالكيها بس و ده طبعا غير صحيح بدليل المهندس حاتم حبيبى و الله فى الله و وحشه اليابانى شرفونا فى المقابلة ........ إحنا أهم حاجة عندنا الأشخاص إللى بنقابلهم و بنتفاعل معاهم متهمناش العربيات لإنها فى الأول و الأخر مش عربيلت العمر يعنى ممكن أبقى راكب كورى النهاردة مستقبلا أركب يابانى أو ألمانى و بالتالى نوع العربية مش هيفرق و لكن معرفة الأشخاص المحترمين هيه الجوهر و الأساس و كذلك إحنا بنركن العربيات و كأشخاص بنوعد نتكلم و نضحك و نتفاعل مع بعض,,,,,,,,,,, ( ماهو مادام البعض ( ملاك السيراتو فى قسم كيا ) محترمين و ناس فوق الوصف يبقى أكيد الكل ( كل قسم كيا ) زيهم برده يبقى ماتحرموناش من شرف معرفتكم .

شكر خاااااااااااااااص لنورمال باشا على إثارة هذا الموضوع و الذى سيكون نقطة تحول لم شمل قسم كيا أكتر و أكتر ( طبعا أنا عارف إن الشمل زى الفل بس إحنا عايزينه 100 فل و 14 ههههههههههههههه ) .

طلب خاص من العمدة أبو ليلى بعمل مقابلة سريعة لقسم كيا كله فى أقرب فرصة ياريت حتى تكون الجمعة الجاية و لو عندنا فى البيت

[Ahmed R08]

انا لسه شاريها مكملتش شهر والله
وعملت عنها تقرير والمشرفين الله يكرمهم ثبتوه وانا مبسوط جدا بالموضوع دة "اول مرة يتثبتلى موضوع" :)
ويشرفنى انك تشوفه وتقولى رأيك

http://www.nilemotors.net/Nile/217682-2011.html

وان شاء الله المقابله الجايه انا والمشبك والسول معاكو

[أحمد الجندى]

اللى أنا ملاحظه فى قسم الكيا ان ملاك كل نوع معين بيعملوا لقاء خاص بيهم ومع انهم بيفتحوا الدعوة للجميع بس فى الغالب ده مابيحصلش زى لقاءكم الاخير واللقاء الجاى لشباب السيفيا وكده

[NoRmAl]

والله يا نورمال يا صديقى العزيز ......................

أنا شايف إنه من ساعة تقسيم المنتدى من قترة لأقسام السيراتو و الشوما و السيفيا و هكذا ( صحيح هى كانت فكرة مش لذيذة أوى و تم تصحيح الوضع و إلغائها مع السيرفر الجديد أعتقد إنها كانت فكرة أدت لتقسيم قسم كيا داخليا ............... والله أعلم

كذلك ممكن يكون بعض الأعضاء الغير مالكين للسيراتو فاكرين إنها مقابلة حكر على السيراتو و مالكيها بس و ده طبعا غير صحيح بدليل المهندس حاتم حبيبى و الله فى الله و وحشه اليابانى شرفونا فى المقابلة ........ إحنا أهم حاجة عندنا الأشخاص إللى بنقابلهم و بنتفاعل معاهم متهمناش العربيات لإنها فى الأول و الأخر مش عربيلت العمر يعنى ممكن أبقى راكب كورى النهاردة مستقبلا أركب يابانى أو ألمانى و بالتالى نوع العربية مش هيفرق و لكن معرفة الأشخاص المحترمين هيه الجوهر و الأساس و كذلك إحنا بنركن العربيات و كأشخاص بنوعد نتكلم و نضحك و نتفاعل مع بعض,,,,,,,,,,, ( ماهو مادام البعض ( ملاك السيراتو فى قسم كيا ) محترمين و ناس فوق الوصف يبقى أكيد الكل ( كل قسم كيا ) زيهم برده يبقى ماتحرموناش من شرف معرفتكم .

شكر خاااااااااااااااص لنورمال باشا على إثارة هذا الموضوع و الذى سيكون نقطة تحول لم شمل قسم كيا أكتر و أكتر ( طبعا أنا عارف إن الشمل زى الفل بس إحنا عايزينه 100 فل و 14 ههههههههههههههه ) .

طلب خاص من العمدة أبو ليلى بعمل مقابلة سريعة لقسم كيا كله فى أقرب فرصة ياريت حتى تكون الجمعة الجاية و لو عندنا فى البيت

هو تقسيم القسم فعلا ساهم بحبه فى التفرقه دى والبعض وأنا منهم نوه عن دا فى الاول لكن الحمد لله الاداره أستاجبت وعلينا أحنا بقى أننا نساعد فى ان الميه ترجع لمجاريها
بس بردو أنا حاسس ان الموضوع أكبر من كدا
فى جليد بين ملاك السيراتو وبقيت الملاك ولازم يدوب فعلا بمقابله الكل يتجمع فيها
وهو بالفعل كل محنا ملاك السيراتو بنقرب من بعض كل ما بقيه الملاك بيزيد جواهما لاحساس أننا بقينا شله وصعب حد جديد يدخل مبينا
دا لازم بقى يتضح منا اننا بنسأل عليهم وعايزنهم معانا

[NoRmAl]

انا لسه شاريها مكملتش شهر والله
وعملت عنها تقرير والمشرفين الله يكرمهم ثبتوه وانا مبسوط جدا بالموضوع دة "اول مرة يتثبتلى موضوع" :)
ويشرفنى انك تشوفه وتقولى رأيك

http://www.nilemotors.net/nile/217682-2011.html

وان شاء الله المقابله الجايه انا والمشبك والسول معاكو

ألف مبروك فى الحقيقه لسه عارف حالا وربنا يباركلك فيها وهقرا تقريرك
ووعد الحر دين عليه ولازم تيجي المقابله الجايه إن شاء الله

اللى أنا ملاحظه فى قسم الكيا ان ملاك كل نوع معين بيعملوا لقاء خاص بيهم ومع انهم بيفتحوا الدعوة للجميع بس فى الغالب ده مابيحصلش زى لقاءكم الاخير واللقاء الجاى لشباب السيفيا وكده

معلش أنا مش جديد فى المنتدى :)
بس عمرى مسمعت عن مقابله البيكانتو ولا حتى السيفيا الى هتتعمل دى
الكلام دا مكنش بيحصل ومش المفروض يحصل
على فكره أنا معلوماتى عن السيفيا زيرو
هعرف عنها منين غير من ملاكها يبقى لازم نشوف بعض ونتكلم مع بعض والعكس صحيح
أى مقابله تتعمل داخل القسم لملاك عربيه معينه من كيا متبقاش بتعبر عن القسم فى شىء
لأن ببساطه يبقى الكل يعمل كدا وميبقاش فى مفهوم أننا كلنا راكبين عربيات كلها مكتوب عليها كيا !!!
دا عين التفريق والتشتيت!!
حتى لو ملاك عربيه معينه عايزين يناقشوا بعض فى شىء ينتظروا مقابله مجمعه ويتكلموا فيها تثبيتا لفكره ان مينفعش يتقابلوا لوحدهم!!
كدا مينفعش