التاكيف طلع ريحة زي مايكون شاط!

[Deshahcoka]

رجالة !

النهاردة الواحد مسافر بالعربية و ركاب معايا واحد المهم في طريق الرايح التاكيف شغال بيسقع عادي ( سفر بليل )

و احنار راجعين بيسقع عادي بس المفاجأة مرة واحدة راح مطلع ريحة كدة ملهاش وصف :( الصراحة اتسطلت منها و تحس انها حاجة زي فار ميت ! او عفانة ... فلتر التاكيف جديد و متنضف و فله .... ايه الي حصل ؟ هوا التاكيف مفصلش بس الريحة مستمرة :( الي معايا بيقلي عادي بشمها في عربيات كتير و قام قايل بهزرا يبقى فريون بلدي ! قلتله انتا شخص تيت و كنت حنزله على الزراعي :)

ايه الكلام ؟

[masterzmind]

هوة انا مش عارف لية الناس الايام دى ابتدت تشتكى من التكيف بس الى اقدر اقولو روح التوكيل احسن

[salodas]

فجأة دى غريبة أوى ...أكيد حاجة شاطط سلك مثلا أو خلافة ...المهم واضح أنها حاجة حصلت فى مجرى دخول الهواء ممكن بأه قبل الفلتر أو بعد الفلتر أصلها ريحة مش هاتفرق... لازم تشيك وبسرعة

[Deshahcoka]

طيب يارب استرها ...

[DarkMagician]

بص اانا كنت عايش في الامارات وهناك تقريبا التكييف ده والعربية مركونة بيتن شغال :d

بجد والله هناك لو نازل تشتري حاجة من ماركت مبنقفلش العربية عشان مترجعش ولعة بنسيبها شغالة

المهم كل اللي مر علي من عربيات بالذات الياباني فجاة كده بتلاقيها بتطلع ريحة زي كمكمة كده او فوطة معفنة ياريت تكون متخيل ههههههههههههههههههههههههههه جو العفانة ده

المهم بتقعد شوية حلوين ممكن ربع ساعة الريحة متقلقش :)

[M.Akef]

هو ممكن تكون الريحه من الطريق هي اصلا استمرت ولا لا؟
حولت تنزل تفتح الكبوت تشوف الريحه منه ولا فعلا من بره؟
ان كنت عامل وضع تكرار الهواء ولا الهواء الخارجي؟

[salodas]

خليك فى المود الى بيكرر الهواء داخل العربية ...أولا موفر ثانيا مش بيجيب ريحه من برة بس خلى بالك بينيم

[Deshahcoka]

بص اانا كنت عايش في الامارات وهناك تقريبا التكييف ده والعربية مركونة بيتن شغال :d

بجد والله هناك لو نازل تشتري حاجة من ماركت مبنقفلش العربية عشان مترجعش ولعة بنسيبها شغالة

المهم كل اللي مر علي من عربيات بالذات الياباني فجاة كده بتلاقيها بتطلع ريحة زي كمكمة كده او فوطة معفنة ياريت تكون متخيل ههههههههههههههههههههههههههه جو العفانة ده

المهم بتقعد شوية حلوين ممكن ربع ساعة الريحة متقلقش :)

ايوة هيا ديه الريحة :( متخيلها :) كويس انوا في حد متخيلها معايا :) ههههههههههههههههه ربنا ميحكم على حد :)

الوضع كان مقفول مش بره و انا على طول كدة اصلاً :)

[DarkMagician]

ايوة هيا ديه الريحة :( متخيلها :) كويس انوا في حد متخيلها معايا :) ههههههههههههههههه ربنا ميحكم على حد :)

الوضع كان مقفول مش بره و انا على طول كدة اصلاً :)

يبقى متقلقش ما دام المكيف شغال كويس ومبيطلعش دخنة والريحة دي علامة الجودة :)

انا من كتر ما اتعودت عليها بقيت اتدايق لما ساعات متطلعش ههههههههههههههههه

[revel_sony]

حضرتك كنت مضبط مسار الهواء داخلي فقط
ولا خارجي داخلي
لان ممكن يكون في حاجه في الهوا من بره داخلتك في مسار الهواء لوحضرتك مظبط مسار الهواء خارجي داخلي
طيب الريحه اختفت ولا لا بعده كده

[Deshahcoka]

gلا داخيلي بس يا باشا, الرحية فضلت بتاع ربع ساعة اطفي اشغل ازود مروحة مش فارقة مصممة تطلع :(

[salodas]

الراجل قال أنه كان داخلى

[mohamed_mohsen]

هو كان فيه عضو قال حل للموضوع ده بس ماجربتهوش
تشغل العربيه و تظبط التكييف علي اعلي حاجه في السخن و تقفل الشبابيك كلها و تقف بره العربيه لمدة 10 دقايق
يُقال ان ده كفيل بقتل اي فطريات او بكتيريا جوه التكييف تسبب الرائحه