حته دايبة فى موتور كيا سيفيا .. بالصور

[kar!m]

السلام عليكم يا وحوش.

أنا أخويا معاه كيا سيفيا موديل 2001 .. و هو سايق سمع صوت مياة بتطش فى الموتور .. زى ما يكون حد بيعمل طعمية جوة .. المهم فتح الكبود شاف مياه بتنقط من الخرطوم اللى جاى من الرادياتير داخل للموتور.

المهم لما رجع .. بيحاول يفك الخرطوم لقيت الخرطوم طلع و معاه حتة الحديد اللى كان راكب فيها .. و دايبة جدا .. و دى صورتها.






دلوقتى ايه اللى محتاج يتغير بالضبط؟ .. و القطعة دى بكام؟ و السؤال الأهم .. هتروح للميكانيكى ازاى؟

[elhelawy]

دى طرمبة الميه وتغيرها سهل جدا بس انا ما اعرفش سعرها كام
بس انصحك تنظف الريداتير قبل لما تركيها علشان من الواضح عندك دورت التبريد كلها صدى و ده باين من الصوره
وكمان انصحك تحط ميه خضراء نوع كويس مش اى نوع

[elfashn]

متخفش دى طرمبه ميه مش الموتور وبتتغير عادى وبتجيبها جديده

[kar!m]

دى طرمبة الميه وتغيرها سهل جدا بس انا ما اعرفش سعرها كام
بس انصحك تنظف الريداتير قبل لما تركيها علشان من الواضح عندك دورت التبريد كلها صدى و ده باين من الصوره
وكمان انصحك تحط ميه خضراء نوع كويس مش اى نوع

متخفش دى طرمبه ميه مش الموتور وبتتغير عادى وبتجيبها جديده

شكرا جدا على الردود .. بس فى أى اقتراحات العربية تروح للميكانيكى ازاى؟

[salodas]

مش شرط هى الى تروح .... جيبلها الميكانيكى يا مان

[max_ziro]

ياباشا د كوعة المية و تركيبها و فكها سهل جدا ممكن تشتريها و تركبها بنفسك
لما تفكها حافظ على الجوان
او هات واحد جديد احسن و استخدم سيليكون حرارى فى التقفيل عشان مبيقاش فى اى تسريب ..
معتقدش تمنها اكثر من 50 جنية ..

[kar!m]

ياباشا د كوعة المية و تركيبها و فكها سهل جدا ممكن تشتريها و تركبها بنفسك
لما تفكها حافظ على الجوان
او هات واحد جديد احسن و استخدم سيليكون حرارى فى التقفيل عشان مبيقاش فى اى تسريب ..
معتقدش تمنها اكثر من 50 جنية ..

أنا كلمت الميكانيكى و قالى دى كوعة المياه فعلا .. و قالى اشتريها و تعالى اخر النهار خد حد من عندى يركبها.

أنا جبتها من عند الجندى ب 45 جنية و الخرطوم ب 25 جنية .. و ما دامت سهلة زى ما بتقول .. هحاول أركبها بكرة ان شاء الله.