سيراتو أتقلبت 3 مرات

[MIVEC.A92]

السلام عليكم ... دلوقتي أنا واحد صاحبي عمل حادثة بالنيو سيراتو علي طريق مصر أسماعلية و العربية أتقلبت بيه 3 مرات ..... دلوقتي كنت عايز أعرف العربية نوديها عند مين ؟ التوكيل ؟ ولا أسعاره غالية ؟ يا ريت لو حد يعرف واحد كويس و شاطر يدلني عليه مع العلم ان العربية مش متأمن عليها و هي توكيل مش خليجي .

[ahmed_52869]

حمد الله على سلامتك والاخوة يفيدوك ان شاء الله

[ابو ليلى]

قدر الله وماشاء فعل والحمد لله ان صديقك طلع سليم

التوكيل فى الاصلاحات كل الى بيعمله انه بيغير قطعه مكان قطعه مش بيصلح بالمعنى المعروف

واكيد اكيد اسعاره هتكون مغالى فيها ده غير ضريبة المبيعات والمصنعية

بس طبعا ضامن ان كل حاجه فى العربية اصليا وهتخرج كانها جديدة

اى مركز خدمة محترم ممكن يعملك مقايسة الاول وشوف الفرق ما بينهم ايه بس لاازم تعرف انه مهما عمل

عمره ما هيحط كل حاجه اصليا ....بس على الاقل هيلم الموضوع لان اكيد فى حاجات ممكن تتصلح

من المعينة الاولى كده ممكن تقلنا الاضرار فين ...يعنى صاج ولا عفشة ولا الماتور ......كده يعنى

[promondy]

السلام عليكم
اولا حمد الله على سلامة صديقك
ثانيا اللى اقدر اقدمهولك خش على اللينك ده ( مشاركة رقم 142 صفحة 15) وشوف الاسعار لاى جزء انت عايزه فى العربية ولو حاجة مش موجودة قولى عليها وانا اجبلك سعرها ان شاء الله

[salodas]

متابع

[MOUSTAFA_SAAD]

التوكيل حيدفعك تمنها تانى

[M.Akef]

لا حول ولا قوه الا بالله (اكيد العيب من العربيه!!)
اغلب حاجه العربيه هتجبها من عند التجار الي بيبيعو الانصاص و الارباع بتاعت العربيه بقت منتشره عنهم اوي و هتلاقي الحاجه الي انت عوزها بأسعار كويسه و الحمد لله انه طلع بخير يتحرق الحديد اهم حاجه انه طلع منها بخير

[promondy]

السلام عليكم
اولا حمد الله على سلامة صديقك
ثانيا اللى اقدر اقدمهولك خش على اللينك ده ( مشاركة رقم 142 صفحة 15) وشوف الاسعار لاى جزء انت عايزه فى العربية ولو حاجة مش موجودة قولى عليها وانا اجبلك سعرها ان شاء الله

http://www.nilemotors.net/Nile/213265-a-16.html

[MIVEC.A92]

ألف شكر يا رجالة ..... طيب هو لو بعتها كدة تجيب كام ؟ حالتها تعتبر 50 في المية بس السقف بايظ خالص

[د.محمود صلاح]

لا حول ولا فوة إلا بالله العلي العظيم ..
الحمد لله انكم طلعتم بالسلامة

قبل قرار البيع شوف تكاليف الإصلاح كام - برة التوكيل طبعا وانظر اعلانات المنتدى هناك ورش كتير متخصصة وموثوقة -

ولو التكاليف مقاربة لثمن البيع على حالها يبقى البيع أفضل لتجار الحوادث

[MMMERO]

روح على مركز الشرطة لاصلاح المركبات ودة فى مدينة نصر هيعملك مقايسة ب حوالى 35 جنية تقريبا وانا كنت جربتهم قبل كدة شغلهم كويس اوى والله الموفق