الشد مع السول

[ahmed_201091]

السلام عليكم يارجالة و شباب كيا ..... يارب تكونوا بخير و فى كامل الصحة

انهاردة بعد ما خلصت الامتحان طلعت على بريدجستون عملت الكروس و زبط الكاوتشات و عملت ترصيص .. كان بقالى كتير عايز اعمل كدا و بنسى او اكسل الصراحة

المهم توكلت على الله وطلعت على الطريق اروح بقى واحد صاحبى كلمنى المهم اتقابلنا و بعد كدا الطريق فضى خالص (الساعة 11 ) هو داس كيك وانا وراه المهم فضلوا العربيتين مع بعض لحد 160 تقريبا بعد كدا 170 بدات افرق عنه هو عربيتوا بقت بتسحب ببطى و انا لما جمعت 200 كنت شايفه فى مراية الصالون المهم مالك ياعم ايه اللى حصل انت شيلت رجلك ولا ايه يقولى رجلى فاخر الدواسة نجرب تانى نفس الكلام
وقفنا بعد كدا يجيب بنزين وبدلنا العربيات هو بعربتى وانا بعربيته نفس الكلام 170 بعد السيراتو تفرق
جربنا من الثيات و من سرعات لحد 170 بعد كدا افرق
لما كنت سايق السول كان 175 ورجلى اخر الدواسة مع العلم ان عربيتى 185 على rpm 5700

مع العلم :-
عربتى 13000كم و هو عربيتوا 77000
احنا الاتنين عرباتنا متفتحا كويس
عارف سواقته كويس زى بالظبط تقريبا (زى اخويا بالظبط و متربين مع بعض )
الصيانات لسه عاملنها احنا الاتنين بس هو مشى 7 الاف و انا 3 d:
شاركونا برايكم دا من ايه و ايه السبب

[smartchoice]

السول مقاومتها للهوا أكبر بسبب التصميم متهيألى السيراتو الأيرودايناميكس بتاعتها أحسن
بس تمام و اللهى طمنتنى على سحب العربية
و بلاش التهور دة كتير و ربنا يسترها علينا كلنا

[ahmed_201091]

ممكن برضوا الايرودينمكس فارق ..... بالاضافة ان هو ماتوه ماشى 77 فيفرق اكيد عنى ... ومتشكر لنصيحتك بس الطريق كان فاضى خالص و دا طريق سقر و صاحبى فعمره ما يلبسنى او العكس

[Ahmed R08]

السول مقاومتها للهوا أكبر بسبب التصميم متهيألى السيراتو الأيرودايناميكس بتاعتها أحسن
بس تمام و اللهى طمنتنى على سحب العربية
و بلاش التهور دة كتير و ربنا يسترها علينا كلنا

+1

الايروديناميكس للسيراتو احسن كتير من السول وهو دة اللى بيفرق فى التسارع وانا فعلا العربيه اخرها معايا 170 ومبعرفش اجيب اكتر من كدة "الفيرنا كانت بتجيب 200 فى كلمتين :d"

[M.Akef]

هو اولا انا اول ما العربيه بتنقل علي الرابع برفع لجلي للنص عشان تجمع لاني لو فضلت دايس الكيك العربيه بتتكتم عند 180 و تحركها بيبقا بطئ لكن لو حرقت 2 و 3 و خفيت في الرابع بتبقا صاروخ
انا كنت حاسب ان السول اسرع لاني سمعت رقم 9 ثواني في تسارعها و بيقولو انها اخف لكن واضح ان الكلام ده غير صحيح
و العربيه السول بتتقل عند 170 عشان اندفاع الهواء عليها و حجمها الكبير لكن السيراتو شكلها انسيابي للهواء اكتر بكتير

ولله انا كنت هعمل امبارح موضوع و كان هيبقا تم بحمد الله نفخ بومه 1.6 لكن قلت دم صحبي لسه مبردشي الله يرحمو و يدخلو جناته
تقبل تحياتي
وشكرا

[smartchoice]

بس صحيح أنت اللى شديت معاه خليجى جنط 18 و لا وكيل جنط 16 لأنها ممكن تفرق شوية

[ahmed_201091]

بس صحيح أنت اللى شديت معاه خليجى جنط 18 و لا وكيل جنط 16 لأنها ممكن تفرق شوية

جنط 16 ياباشا

[ahmed_201091]

+1

الايروديناميكس للسيراتو احسن كتير من السول وهو دة اللى بيفرق فى التسارع وانا فعلا العربيه اخرها معايا 170 ومبعرفش اجيب اكتر من كدة "الفيرنا كانت بتجيب 200 فى كلمتين :d"

بس 170 قليل بتاعت صاحبى 190 و هجبلك صورتها يمكن عشان عربيتك مش متفتحة

[ahmed_201091]

هو اولا انا اول ما العربيه بتنقل علي الرابع برفع لجلي للنص عشان تجمع لاني لو فضلت دايس الكيك العربيه بتتكتم عند 180 و تحركها بيبقا بطئ لكن لو حرقت 2 و 3 و خفيت في الرابع بتبقا صاروخ
انا كنت حاسب ان السول اسرع لاني سمعت رقم 9 ثواني في تسارعها و بيقولو انها اخف لكن واضح ان الكلام ده غير صحيح
و العربيه السول بتتقل عند 170 عشان اندفاع الهواء عليها و حجمها الكبير لكن السيراتو شكلها انسيابي للهواء اكتر بكتير

ولله انا كنت هعمل امبارح موضوع و كان هيبقا تم بحمد الله نفخ بومه 1.6 لكن قلت دم صحبي لسه مبردشي الله يرحمو و يدخلو جناته
تقبل تحياتي
وشكرا

....موضوع انك تشيل رجلك دا انا بعملوا بس انا العربية مشاء الله بتجمع 200 من غير حرق سايبها براحتها يعنى و rpm مبيعديش6

....السول فعلا وزن اخف لكن ايرودينكمس اقل فالسحب من الثبات لحد 100 ممكن متقارب اوى و هتفرق مين بيتلع عربتوا احسن

.... ربنا يرحموا و يغفرله انشاء الله

[Ahmed R08]

بس 170 قليل بتاعت صاحبى 190 و هجبلك صورتها يمكن عشان عربيتك مش متفتحة

تمام انا عربيتى عامله 2000 كيلو بس ولسه تانى مرة اسوقها على طريق مفتوح

[ahmed_201091]

تمام انا عربيتى عامله 2000 كيلو بس ولسه تانى مرة اسوقها على طريق مفتوح

اه تمام لسه لما تتفتح انشاء الله هتفرق

[ahmed_201091]

الموضوع وصل 186 مشاهدة و كتر خيرهم 3 اللى ردو على الموضوع ... فين ملاك الكيا ... فين الناس اللى بتحب الشد و الجرى ؟؟؟

[ahmed_201091]

انا كدا هعيط ياجدعان

[msco]

170 اية ياجدعان و 200 اية .. الكلام دة حقيقي ولا انا بيتهيألي

كان في واحد عامل موضوع هنا لسة من فترة بينصح الناس بعدم الجري والشد بعد ما عمل حادثة وهو لواحدة في الطريق

مش لازم ابدا عشان نتعظ نجرب بنفسنا .. 170 دي لو لا قدر الله لو ظهر اى حاجة قدامك هتقدر تلم نفسك او تسيطر على العربية

وسيبك من حوارات الثبات والجنط والكلام دة لان العربية مع السرعات دي بتبقى ريشة في مهب الريح

سيييبك من دة كله .. اية الاستفااااااااادة اللى عادت عليك لما مشيت على 200 وصاحبك وراك او قدامك

ياباشا العربيات دي وسيلة مواصلات والطرق ممهدة عشان نقضي مشوايرنا .. لكن انتو بتحولو العربيات لخيل سبق ومضمار سباق

اتمني كلامي ميزعلكش وربنا يكفيك شر الطريق بالتوفيق

[ahmed_201091]

170 اية ياجدعان و 200 اية .. الكلام دة حقيقي ولا انا بيتهيألي

كان في واحد عامل موضوع هنا لسة من فترة بينصح الناس بعدم الجري والشد بعد ما عمل حادثة وهو لواحدة في الطريق

مش لازم ابدا عشان نتعظ نجرب بنفسنا .. 170 دي لو لا قدر الله لو ظهر اى حاجة قدامك هتقدر تلم نفسك او تسيطر على العربية

وسيبك من حوارات الثبات والجنط والكلام دة لان العربية مع السرعات دي بتبقى ريشة في مهب الريح

سيييبك من دة كله .. اية الاستفااااااااادة اللى عادت عليك لما مشيت على 200 وصاحبك وراك او قدامك

ياباشا العربيات دي وسيلة مواصلات والطرق ممهدة عشان نقضي مشوايرنا .. لكن انتو بتحولو العربيات لخيل سبق ومضمار سباق

اتمني كلامي ميزعلكش وربنا يكفيك شر الطريق بالتوفيق

لا اكيد ميزعلنيش وشكرا على نصيحتك